التهابات البول المتكررة ؟؟؟؟ذبحتني

[ام مهرة 2009]

بسم الله الرحمن الرحيم

السلام عليكم ورحمة الله وبركاته

بنات اعاني من التهابات البول بشكل متكرر واعراضه تكون في الم اسفل البطن والظهر - كثرة الذهاب اكرمكم الله للحمام
وعدم الشعور بالراحة بعد الخروج منه -احيانا حرقان خفيف
ويرافق الالتهاب غالبا افرازات بيضاء اللون <<عفوا
او ما يعرف بالفطريات لكن لا توجد حكة الحمدلله

الفترة الاخيرة صار يصاحب التهاب البول حرارة في الجسم تعب عام وكسل وارهاق

تعب من الذهاب للاخصائي ومن المضادات الحيوية

هل توجد طرق وحلول وسبل للوقاية منه مثلا طريقة وضوء اكرمكم الله معينه - غسيل الملابس الداخلية بطريقة معينة - اكل معين يمنع الالتهاب <<على الرغم من اكثاري من شرب الماء

يزاها الله خير الي ترد ويزاها الله خير الي تدعيلي حتى لو ماردت

 

[طويت صفحة الماضي]

ام مهره حبيبتي لازم تعرضين حالتج عند كتوره اهي اللي راح تفيدج اكثر وتوصفلج الدويه تقضي على الاعراض اللي تعانين منها وترى كثرة الالتهابات تسبب اجهاض للمراه الحامل ولله يشفيج ويشفي الجميع

 

[ام مهرة 2009]

يزاج الله خير انا اروح للدكتورة وتعطيني مضادات كل مره والشهر الثاني ترد مرة ثانية
مليت ما كو شغله ثانية

 

[$حبيبة عبودي$]

رد : التهابات البول المتكررة ؟؟؟؟ذبحتني

الله يعينج انا جاني التهاب البول بس خلي دولكتج معاج وخلصيها وعبي ثانيه المهم ماااااااااااااااااي تشربين الله يشافيج

 

[المـــاســــة]

فى حبوب من ماركة المهلايا
حق الالتهابات

اكل حبتين وبعدها تريحنى


كانت عندى التهابات مع الحمل بغيت اموت كل شي سويته مضاد وحبوب وماى اربع وعشرين ساعه المهم طحت على هالحبوب والحمدلله حتى الحين اذا اذا حسيت بحرقة خفيفه طيران اكل منها


حبيبتى نصيحة ثانية اشربي ماى مافيه املاح اذا اتنى تشربين ماى صحة انصحج بماى افيان يهبببببببببببببببببببل

والله يشافيج ويعافيج

 

[شندوخه]

رد : التهابات البول المتكررة ؟؟؟؟ذبحتني

شوفي حبيبتي
اول شي لازم لازم لازم تتخلصين من ملابسج الداخليه القديمه كلها
وتستبدلينها بجديده وتكون قطن 100%
تكثرين من شرب الماي على طول ولازم تخلصين لترين في اليوم الواحد هذا اقل شي
وثاني شي تشربين شراب شعير اللي اهو الباربيكان بس بدون النكهات لان النكهات فيها مواد صناعيه ومواد ملونه وممكن انها تتعب الكلى
وثالث شي لم تتشطفين تشطفي بماي وخل ابيض ولازم لازم لازم تنشفين المنطقه بعد كل غسله

 

[شندوخه]

رد : التهابات البول المتكررة ؟؟؟؟ذبحتني

ونسيت أقولج لم تغسلين هدومج الداخليه لازم تغسلينها بماي حار يغلي عشان يعقمها

 

[مزهريه]

حبيبتي، المضادات تقتل حتى البكتريا المفيدة في الجسم، ويطلع مكانها فطريات.
لما يعطونك مضادات، المفروض تكون دورة كاملة حتى تحافظ على نسب تعايش بكتريا الجسم المفيدة...
شوفي طبيبة مسالم بولية وقولي لها عن الفطريات... إذا كان المشكلة فطريات، راح تفيدك. وإذا كانت المشكلة شيء آخر، أيضا راح تفيدك...

 

[مزهريه]

روحي عند د. عبداللطيف حسين بالأميري
أو في مستشفى السيف
طبيب مسالك ممتاز يعوطيك افضل رأي

 

[goreee]

رد : التهابات البول المتكررة ؟؟؟؟ذبحتني

سمعي حبيبتي انا نفسج والي ساعدني دكتور واااااايد شاطر وحاطينه بمقابلات وايد بالوطن اسمه خليل العوضي استشاري وايد شاطر اخذي رقمه من البدالة عيادته في مركز التخصصات الطبية

 

[senioreta n7oola]

رد : التهابات البول المتكررة ؟؟؟؟ذبحتني

1 / كثــري مــاااااااي بشكل كبيـر ..
2 / أكلي بقدوونـس أو نقعيـه بـ مـاي حـار .. حتى يبرد شوي .. تالي آشربيه ..
بحيــل الله بترتـآحيــن ..

 

[نجلابنت ابوها]

اناعندي التهاب معانات

 

[جوري وبنفسج]

السلام عليكم

بنات عندي لكم الحل الأكيد للتخلص من ألتهاب البول وهو

الكرانبري

بس لازم يكون فرش أو المثلج أو المجفف >> لا تشترون العصير الجاهز مو زين وما منه فايدة

تشترينه من مركز سلطان وتحاولين تعصرينه بعصارة الجزر وأخلطيه مع عصير برتقال لأن بروحه طعمه حااااامض

بس لا تحطون معاه شكر مو زين

أنا عرفت هالطريقة من تجربة وحدة أمريكية كانت تعاني لمدة 10 سنين من ألتهاب البول المزمن بس من قامت تشربه الكرنبري كل يوم راح منها نهائياً .​

 

[ام علاء]

السلام عليكم
اختي كنت نفس حالتك التهابات وافرازات كثيره ومتعبه واكثر شي من بعد الولاده ولكن الحمد لله تغلبت عليها
كنت كل فتره واني بمستوصف علشان اللتهابات ويعطوني تحاميل وخرابيط وكل فتره وتعود وبعدين دكتوره الله يذكرها بالخير
قالت لي اعطيك علاج طبيعي وتشوفي احسن من التحاميل هذه قلت ايش هي
قالت العسل وبعدين مش اي عسل عسل اصلي سدر يمني دوعاني فقلت اوكيه ورحت اخذت عسل اصلي يمني دوعاني وكنت اسوي كيف
تجيبى العسل وتضعيه فى المكبس أو السرنجه اللي تجي من الصيدليه مع التحميلات وتحطي في البدايه ربع ملعقه صغيره وبعدين تقومى بإدخالها داخل المهبل و تفضى العسل وتعملى كده لمدة أسبوع متواصل مرة فى الصباح و مرة قبل النوم مع مراعاة إستعمال فوطة
صحية لأن حينزل زى ماء أصفر كده
اما بالنسبة للحامل فلاتقوم بإدخال شئ داخل المهبل ولكن تحاول وضع العسل بيدها لمسافة قريبة
و على فكرة لو الإلتهابات شديدة ممكن تحتاجى تكررى لمدة اسبوع تانى
والحمد لله والله لي كم سنه وخلاص معد شفت اللتهابات بالمره والحمد لله
اقول ملحوظه لما ذكرت لي الدكتوره قالت لما تسوي العسل كم يوم واذا حسيتي بحرقه شديده او حكه زياده اتركيه قد يكون في تحسس ماناسبك وهذه تجربتي وهذه نصيحتي
واذا تبي عسل اصلي سدر يمني من وحده يمنيه مضمون
توصلك لحد البيت
راسليها للبريد بكل التفاصيل [email protected]
وحطي رقمك وهي تتصل عليك مباشره
وشكرا اختي انشاء الله اكون قد افدت الجميع

 

[اليازيا2007]

انا نفس معاناتج بالضبط تعبت من المضادات

 

[Princess Lady]

رد : التهابات البول المتكررة ؟؟؟؟ذبحتني

التوت وااايد زين ومطهر للبول سبحان الله

بس شوفي ان حصلتي طبيعي سوي لج فيه عصير واذا ما حصلتي اشتري عصير تووت

الله يشفيج يا رب

 

[مـــامى]

الله يشافيج يارب واحسن شى اول ما تحسين ببدايه الاعراض حطى تحميله للالتهابات موجوده بالصيدليات + ماى وااااااايد+ شري المره مفيد ومعقم وتنفع بعد كوضوء

 

[noor1977]

رد : التهابات البول المتكررة ؟؟؟؟ذبحتني

علاجك البقدونس... مثل ما قالت الأخت فوق.... وشربي ماي كتير لانه اذا تشربين ماي قليل يعمل مشاكل للبول ... جربي الشغلتين وانشاء الله رح اتشوفين الفرق.

وسلامتكم..

 

[لولو منثور]

انا اتفق
مع اخت ام علاء

 

[رحيل المرافيء]

رد : التهابات البول المتكررة ؟؟؟؟ذبحتني

يمكن التهابات البول معاها التهابات نسائية لازم تعالجين الاثنين مع بعض