التهاب الغده اللمفاوية ، لحقو علي

[فراوله كويتية]

السلام عليكم

هذه اول مشاركه لدي في منتداكم وان شاءالله ما تكون آخر مشاركه

انا عندي مشكله من قبل 5 أيام ، صار عندي عوار بالفك الأيسر ( فوق الرقبه ) وبعدها طلعت عندي مثل ورمه صغيره وتعور لما اجيسها وانا انصدمت وبغيت ابجي من الخوف

ركضت رحت مستشفى الاميري قالي الدكتور فيج التهاب بالغده اللمفاويه وعطاني مضاد حيوي وقالي كلها ايام وراح تخف عندج الورمه ويروح الالتهاب

والحين مرت 5 أيام وما احس ان في تغيير

انا خايفه ابي الحل ؟
وفي وحده صار فيها مثل ما صارلي ؟؟
تكفون شوي واموت ​

​

 

[فراوله كويتية]

وينكم بنات محد رد علي ​

 

[السلفيه]

السلام عليكم ورحمة الله وبركاته

هلا حبيبتي فروالة لكويت واي لم شفت موضوعج تذكرت ابوى نفس الحاله اوليلحين اراكض من مستشفى لي مستشفى
اوقالوله الغدا اللمفاوية ملتهبه اوحولوه مستشفى مبارك خذوو خذوو مسحه من الغدا اوحللوهااا بس الحمدالله النتايج سليمه بس التهاب اوعطوه الاميري مضاد اوصارله اسبوعين على هل حال بس اهواا قالوله بعد من السكر والله الشافي المعافي

حبيبتي لاتخافين ولا شي عليج بالدعاء والمضاد الي عطوج اياه لي استمري عليه واذا ماكوو نتيجه راجعيهم والله يشفيج

 

[فراوله كويتية]

مشكوره اختي السلفيه على ردج والله يشفي ابوج ويرجع لكم بالسلامه

انا مشكلتي وسواس ووايد احاتي وحتى طعم النوم ما اذوقه من سبب الوسواس

يعني اللي فيني ما يخوف ؟ ​

 

[السلفيه]

ازاج الله خير حبيبتي لاتحاتين لان مايخوف حتى بنت عمتي عندهاا جذي الغدا تنتفخ او ماتقدر تبلع شي تقعد لها اسبوع او اكثر وتروح لاتاحتين والله يشفيج وان شاءالله كل في ميزان حسناتج عليج بالدعاء

 

[اسماء المنور]

بنات انا نفس الشي طلع لي التهاب بالغده الليمفاويه
تكفووووووون طمنوني

 

[اسماء المنور]

ابببببببببببببببببببب

 

[في هذه الدنيا]

انا ولدي طلع فيه من شهر 11 هجري التهاب غدد لمفاويه بتجووويف البطن يعن فوق الكبد وبين الطحال وكل تجويف البطن
وهاحين نسوي له مراقبه بالاشاعه وكل مره يتعب ياخذ مضاد حيوي
والله اننا على اعصابنا من يشتكي بطنه
عسى الله يشفيه ويشفي كل مسلم يارب ويقر عيني فيه يارب

 

[بسمه غلا]

عادي لاتخافين انا فيني من يوم عمري 8سنين والحين شكبري
وللحينها فيني تروح وتجي عادي وتفرز بعد
برقبتي تصير تحت الفك الايسر جنها كوره تطلع ناطه
وقالو لي بنسويلج عمليه نشيلها وبعدين قالو ماتحتاج
يعني لاتخافين انا اشكي منها صارلي 11 سنه
بس اشربي مره ترا المره احسن مضاد حيوي ​