لما بيبقى فيه احد عزيز علينا عنده مشكلة كبيرة في حياته .. بنتعاطف معاه.. و نصير نبي نسوي اي شي في الدنيا عشان نحل المشكلة.. و ساعات حياتنا بتتأثر سلبي.. و المشكلة بتتنقل لحياتنا الشخصية.. يعني لو صاحبتج بتمر بمشكلة خيانة زوجية.. ممكن من كثر ماتوحدتي عاطفيا مع مشكلتها تبدأين تعاملين زوجك بطريقة سيئة..? طيب عشان نقدر نفيد اللي حوالينا و نقف جنبهم في محنتهم و في نفس الوقت مانأثر على حياتنا بالسلب.. ?اولا: عدم التوحد_عاطفيا مع المشكلة.. يعني ماتحطين نفسك مكانها و تقعدين تحسين في نفس الاحاسيس اللي صاحب المشكلة حاسس فيها.. هذا يخليج انت صحيح نفسيا و تقدر تساعد اي احد.. ?ثانيا: لازم تعرف ان "لا يكلف الله نفسا الا وسعها" يعني ربنا ما يحط احد في مشكلة هو موقدها.. احنا نشوف يتيم الام من هو صغير متعايش في حياته.. بس اللي عنده ام مايقدر يتخيل انه ممكن يفقدها.. و نشوف المريض اللي ياخذ كيماوي يتغشمر و يضحك.. بس مانقدر نتخيل نفسنا مكانه.. يمكن هو يقدر وانت لأ.. يمكن ربنا عطاه القدرة انه يتحمل المرض.. وغيره كثير لأ.. الزوجة اللي فقدت زوجها و عايشة بروحها.. يمكن هي تقدر تعتمد على نفسها و تتعايش مع حياتها الجديدة.. و يمكن تتزوج و تبتدي من جديد.. لكن غيرها ممكن حياتها تنهار لو هذا حصلها.. و يمكن عشان جذي ربنا ماراح يحطك ابدا في الموقف هذا.. يعني مو معنى انك مو قادر تتحمل مجرد التفكير في المشكلة ان الطرف اللي عنده المشكلة هم ما يقدر يتعايش معاها.. ?ثالثا: لو ربنا كاتبلج ان فيه مشكلة كبيرة تحصلك في حياتك في مرحلة ما... يبقي كفاية عليج المشكلة اللي انتي راح تتعرضلها لاقدر الله.. ماله داعي تعيش مشاكلك و مشاكل صحابتج و قرايبج و الناس كلها.. قدميلهم الدعم منغير ماتتاثر سلبي.. ?رابعا: اشلون نقدم الدعم..؟ طبعا الدعم_المادي يكون على حسب المقدرة.. و الدعم المعنوي بيكون عن طريق انك تبين للطرف اللي عنده المشكلة الجانب الايجابي من المشكلة... ولازم انت تبقى مقتنع ان مافي مشكلة مالها جانب ايجابي.. او بتعطي خبرة اكثر في الحياة.. او ربنا شايلنا شي احسن.. او عرفنا ناس على حقيقتها حتى لو متأخر.. او تجربة جديدة و ممكن نكتشف فيها نفسنا.. او... او... او... و الفنان هو اللي يعرف يستفيد من اي خسارة و يحولها مكسب.. ?
