التوفل والإيلتز .. شالفرق ؟

[الطرف الأغر]

السلام عليكم ورحمة الله وبركاته

مرحبا بنات

بغيت أسأل إذا أحد عنده فكره عن امتحان الإيلتز اللي تسويه القنصلية البريطانية وبشنو يفرق عن التوفل ؟!

لأني امتحنت توفل وأدري إني مستحيل أنجح فلازم أشوفلي طريقة ثانية


ويعطيكم العافية

 

[قطرة مطر83]

رد : التوفل والإيلتز .. شالفرق ؟

حبيبتي آنا رحت British Council اللي بالمنصورية و قلت لها ابي امتحن توفل قالت لي ما عندنا توفل عندنا الايلتز تعادل التوفل يعني نفسها . نفس طريقة اختبارات التوفل بس الفرق الاسم .
سعرها 69 دينار

 

[الطرف الأغر]

يعطيج العافية جاسي زماني على الرد

أنا امتحنت توفل بالجامعه وأدري إني ما راح أجيب الـ score المطلوب مني فحبيت أجرب الإيلتز هالمره يمكن تضبط معاي
واللي أبي أعرفه ، هل الإيلتز أسهل وإلا أصعب من التوفل ؟

 

[R-el.'3hanem]

up
up

 

[Wi-Mi]

up

up

 

[one two 3]

اب اب

 

[-Bello-]

رد : التوفل والإيلتز .. شالفرق ؟

حبيبتي اذا انتي بتروحين ديره امريكيه او كنديه وانتي شاطره بالانجليزي الامريكي اخذي التوفل .. واذا انتي بتكملين دراستج بالدول الاوروبيه تاخذين الايليتس .. اذا انتي خريجة مدارس حكوميه او مدارس بريطانيه راح يكون الايليتس اسهلج .. اما اذا كنتي خريجة مدارس امريكيه فراح يكون التوفل .. ومن تجارب اللي اعرفهم يقولون الايليتس اسهل .. والله يوفقج

 

[-Bello-]

رد : التوفل والإيلتز .. شالفرق ؟

قاسي زماني .. قالولج ماعندهم توفل لانهم خاصيين حق الدورات باللغه البريطانيه .. اذا تبين التوفل المكان الوحيد اللي يعطي دورات توفل اهو اميديست وهم يمتحنونج هناك

 

[الطرف الأغر]

يعطيكم العافية بنات على الرفع وجزاكم الله خير

بيلو ، أنا كنت بمدرسة حكومية وزينة الحمدلله بالإنجليزي بس ما بالتوفل ما أترقع كلش، وسألت عن الإيلتز قالوا فيه بارت speaking قلت أرجع للتوفل وأحط حيلي فيه أحسن
مع إني كان عندي samples امتحانات قديمة مع حلولها قبل أدخله وما قدرت عليهم كلش، يبيلي أعرف الشرح بعد
مفكره بالدورات بس ما أدري وين الزين منهم

ويعطيج العافية ماقصرتي والله

 

[نـ(المطيري)ـازكـ]

رد : التوفل والإيلتز .. شالفرق ؟

الطرف الاغر ممكن توضحين اكثر انا اسمع بالتوفل بس ماني عارفة جق شنو

الجامعه قبل لا يقبلونج مثلا يمتحنونج توفل وانتي مثلا تروحين لمعهد القنصلية البريطانية ويمتحنونج الايلتز و تاخذين مثلا الشهاده وتقدمينها للجامعه والا شلون ..؟

موفقة حبيبتي

 

[قطرة مطر83]

رد : التوفل والإيلتز .. شالفرق ؟

قاسي زماني .. قالولج ماعندهم توفل لانهم خاصيين حق الدورات باللغه البريطانيه .. اذا تبين التوفل المكان الوحيد اللي يعطي دورات توفل اهو اميديست وهم يمتحنونج هناك

يعطيج العافية حبوبه

رايي آنا الشخصي اني امتحن الايلتز لأنه الانجليزي لغة الاساسية مو الأمريكية .

 

[الطرف الأغر]

هلا نازك المطيري

التوفل امتحان عالمي علشان يعرفون مستواج بالإنجليزي، وبكل دوله يحددون أماكن معينة يسوون هالامتحان ، مثلاً بالكويت يسوون هالامتحان بجامعة الكويت ومعهد أميدست. الامتحان ماله علاقة بقبول الجامعة لدراسة البكالوريوس بس له علاقة بالماستر. يعني اللي يبي يدرس ماستر بالجامعة لازم يمتحن هالامتحان وياخذ اعلى من الدرجة المطلوبة للتخصص اللي يبي يدرسه.

 

[نـ(المطيري)ـازكـ]

رد : التوفل والإيلتز .. شالفرق ؟

اهاااا يالله يبة بالتوفق .. ومشكووورة ع المعلومة .. ^_^

 

[Japanese]

هلاو حبيبتي

السهوله او الصعوبه شي نســـبي

بالنسبه لي الآيلتز وااااااايد اسهل من التوفل!

الآيتلز مثل ماقالو البنات معترف فيه فــ اوروبا اكثر من اميركا ،، بس بعد بآميركا فيه جامعات معترفه بالآيتلز

اما التوفل يتروالي معترف فيه بكل مكان

شخصيا انصحج تقدمين ايلتز دامج خريجه مدرسه حكوميه ولاتحاتين " بارت المحادثه" تراه وايد سهل

جوفي انا بعطيج سايت يصير تتدربين عليه حق الآيتلز وصج صج صج صج صج صج صج صج وايد مفيد هالسايت

انا بنفسي وايد استفدت منه ويبت فيه سكور يدخلني جامعات مرموقه

>>>>http://www.scottsenglish.com/ielts

انصحج فيــــــه لايطوفج ،، بالسايت هذا لازم تدفعين مبلغ ١٠ دنانير حق كمن شهر

صراحه يسوى ومب وايد عليه من تجربتي لــه

موفقه حبيبتي واذا عندج اي سؤال بخصوص الآيتلز لايردج شي =)

 

[شكو بإسمي]

اللى اعرفه أن التوفل يدرس للى راح يكمل بجامعات امريكيه وهو متخصص لجميع اللغات الاجنبيه
أما الايلتز حق الجامعات البريطانيه وغالبا يكون اصعب من التوفل لأن المناهج البريطانيه اصعب من الامريكيه

 

[-Bello-]

رد : التوفل والإيلتز .. شالفرق ؟

شكو باسمي .. لا حبيبتي بالنسبه لطلبة الكويت يكون الايليتز اسهلهم لانه نظام الدراسه بمدارس الحكومه اهو الانجليزي الانجليزي مو الانجليزي الامريكي ..

 

[الطرف الأغر]

japanese

يعطيج العافية على الرد والمعلومات المفيدة. ما يهم أي واحد امتحن ، لأني أبي أكمل بجامعة الكويت ما أقدر أكمل برا بس المشكلة إني مترددة حيل بينهم لازم إذا قررت أقدم أي امتحان، أبلش أدرس له من الحين وأتفرغ له عدل. خايفه من الإيلتز بخصوص بارت الـ speaking مع إني كل ما أقرا عنه يقولون هالبارت يزيد الدرجة ما ينقصها .. الله يسهل إن شاءالله وأشكرج على سعة صدرج وإذا قررت أمتحن ايلتز راح أشتغل عليج بالأسئلة .. أمون ، مو ؟!

 

[-Bello-]

رد : التوفل والإيلتز .. شالفرق ؟

الطرف لااغر اذا حق جامعة الكويت ماتحتاجين ولا واحد من هذول .. راح تاخذين توفل اسمه لوكال توفل .. يعني توفل محلي ويكون اسهل من التوفل العالمي والايليتز بوااايد . روحي باجر جامعة الكويت الخالديه وحجزيلج كرسي في امتحان بيكون يوم 4\12 وباقي كراسي شويه

 

[الطرف الأغر]

بيلو أنا اللي امتحنته هو اللوكال توفل وسجلته بكلية الدراسات العليا اللي بالخالدية، بس هم مو عارفه شلون أعديه

ويعطيج العافية

 

[-Bello-]

رد : التوفل والإيلتز .. شالفرق ؟

اي هذا المفروووض اسهل بوايد بوايد من التوفل والايليتز موفقه