الثلاجه الثلاجه ديرو بالكم علي الثلاجه

[Dancing^Queen]

قوه بنات شلونكم شخباركم


شلون ثلاجتكم؟
روحو القو نظره
هل هي حوسه؟
شي علي شي؟
لماذا؟ ماتدرون انها من اهم اركان المنزل الركن اللي يترس بطونا وانخش فيه اللي بقا علشان نترس اغين؟:eh_s(20): محطه بانزين الاسره لاتستهوون فيها:eh_s(15):


خل اقولكم سالفتي وياها
قبل جم يوم رحت القيت نظره علي ثلاجتي والا ششوف!!!!!!
شي علي شي علي شي
خدامتي مسويتها طبقات
وعصير اليهال مكودد فوق بعض والخضرا بعضها بجياسها
ولزقه السعر <<بتسوي ريكورد لغلاء الاسعار يمكن!!!
وصلصات السلطه بالثلاجه وكتشب والفلفل بوثلاث جزرات<<<< لي الحين ماني فاهمه ليش
وياللهوووووووووول لقيت شنو بالثلاجه؟؟؟؟


:eh_s(1):كريم عيوني فاقدته صارله جم يوم والا الاخت حاطته هناك ليش مادري




جان اشمر عن ساعداي واقعد واجابلهاواقولها فضي الثلاجه يالله كلين كلين
واطلعالعده واقعد افرك وانظف
والتبرويرات
وانغسل بصابون وانمسح بديتول واطلع اشياء منتهيه من شهر
كرهت عمري بس النتبيجه ثلاجه مليبله مصنفه مرتبه وطبقات صحيحه
اترككم مع الصور بعد شوي

 

[Dancing^Queen]

مسكنا الخضره كلها ونظفناها ونشفناها عدل عدل
وحطيتها بجياس تحفظ الخضره من الخراب <<<ماكو خراب بابا كلش ماكو خراب >يرجي الرجوع الي موضوع حبيب الشعب دايسو في صوره للجياس <
وبعدين حطيتهم بتبرويرات
التبروير اللي عندي يكون مقسم اثنين صوب كبير والصوب الثاني نهيهي
(شكرا لهيلث كومباني) وحتا الزنجبيل والثوم حطيناهم فيه
والجبن الابيض قصصته وحطيته بصوب والصوب الثاني زيتون
والجبن الابيض بالزعتر بصوب وجبنه الايدام بصوب
وتبروير فيه التيركي والمرتدلا
وهلم جر
وقسمت الثلاجه ادراج
الاول كبير
حطيت طبقات للعصير
اليهال بصوب وتحته اللبن

احنا بصوب
وبنفس المكان الروبه بالفواكهه عززيزتي وحبيبه البي

والاشياء مثل الاجار والمايونيز وجذي


الدور الثاني الاجبان وربوعهم
الثالث البيابسي
الرابع الادويه والتبرويرات مالت الليفت اوفرز ميلز (كما راح تلاحظون ماكو لفت اوفرز كل شي انقل)
والادراج للخضره

 

[Dancing^Queen]

صوره مقربه للدرج الاول تبين ترتيب العصير سويته طبقات طبقات (]قولولك الديره بتصير طبقات طبقات بشتك تحت ابطك راكب قطارك نوطك بوالف بجيبك شاري خضرتك راكب قطارك )

هذي صوره سنعه مساع تقت القلب بس قلت عن الحسافه بعد مصورينها

هذي الطابق الثاني (الله لوعندي كرت السحب الاللللللللللللي جان ميتييييييييييييين دينار ها ميتين دينار <<<شكو بس نفس النغمه)
كل شي بتبروير وكاتبين عليه والحين يتني فكره خل اكتب التاريخ علشان اثبت

هذي صوره درج الخضرا كلوس اب التبرويرات اهني واضحين والخس يحيكم جهه اليسار

 

[Dancing^Queen]

كلوس اب للشبك الحديدي (يرجي الرجوع الي موضوع حبيب الشعب دايسوصفحه13)

الدرج الثاني

الادويه محفوظه ببوكس بلاستيك

 

[مسك 3]

عجيبه أفكارج كوكو
تبارك الرحمن الله يحفظج

 

[Dancing^Queen]

باب الفلاجه

فلجججججججج بوصالححححححححححححححح


وعندي صوره اب ديتتد للثلاجه اليوم
لاني فضيتها عن بككره ابيها
عاد رحت ترستها عقب

 

[Dancing^Queen]

طبعا سامحونا علي مغطاه الفلفل خدامتي تحب اتضيع المغاطي

 

[Dancing^Queen]

خدامتي يابت حجابي قالتلي يالله مدام نطلع بره عن اذنكم

 

[ام الحبيب]

خووووووووووووش شى تسلم اناملج الذهبيه

 

[Dancing^Queen]

الحين الوع جبدكم شوي
اللي مو متعشي لايدش
اللي بيي يسكر شهيته حياه الله

عزيزاتي في مكان انا كنت غافله عنه ولاحتا فكرت فيه من قبل
اتعرفون الدرج بتاع الخضار؟
اوكي
كل مره انظفه وانرده
هالمره قلبته وطالعت بالزوايا داخل جان اخترع مسوود من داخل الكورنرز في اماكن صعب نوصلهم بالتنظيف الله ياني فركته فركته فركته بغا يطلع المارد ويقولي شبيك لبيك رحيمنا يرحم والديك

هذي صوره شامله للويع

واهني بعد التنظيف

 

[Dancing^Queen]

اهني صوره نهائيه لماحدث التقطانها النهارده الصبح

وتم بعض الاضافات

واحب ابلغكم لما خلصت تجكجك وقعده بالصاله

جان تيني الخدامه مدام تعالي قلتها ليش؟؟

قالتلي نظفت المايكروويف قلتها انزين؟

جان تقولي يالله مدام صور حطي كمبيوتر :eh_s(3):

 

[nero]

قووواااااج الله
والله شغل عدل شغل زين

شيشتيني ودي اروح افرغ الثلاجه بس مو وقته الحين
ليتر انشالللله

 

[nero]

لووووووووووووووول

والله تتشرط بعد .. عفون يعني منو المعزبه؟؟

تعالي نظفي تعالي صوري؟! عمييييمه خووووش والله

 

[الطموحه]

الله يعطيج الصحة والعافية

تسلم ايييييييييييييدج :eh_s(15):

يحليلها خدامتكم موتتني من الضحك!!!
هااااااااااا عيل ننتظر موضوع عن الميكروويف:eh_s(6):

 

[Dancing^Queen]

والله خلاص نظفناه شسوي
مو داخلينا كانت عمليه جو جو
الاخت ماترضا تنظفه من فوق تقول مدام شلون سوي كلين بعدين مويا يجيج داخل كهربا شبي نو
نوت قود
قلتها عفيه عليج خلينا نخيس علشان القود
ارويج
قمت يبت الوايبس البنفسجين اللي سبق الاشاره اليهم
ومسحته فرحته طلعت طبقه اتخرع وياي (عرفتي لي شلتي شيره عقب نطره شهرين؟)
ابيه نيو لوك
يلق جنه واحد مربي قفل طول عمره وشال القفل وخفف الشنب
جني قمت اخوره؟
خل اروح انام

 

[blue ocean]

(]قولولك الديره بتصير طبقات طبقات بشتك تحت ابطك راكب قطارك نوطك بوالف بجيبك شاري خضرتك راكب قطارك )

لوووووول احلى شي التعليقات

الصراحه شيشتيني على ثلاجتنا بروح اطلع كل اللي شريته اليوم من الجميعيه
وبقعد عليها قعده

بس عندي ملاحظه مره سمعت ببرنامج انه كلش مو زين تنظيف الخضره
ووظعها بالثلاجه يعني الاحسن تخلينها مثل ما اهي ولما تبينها تغسلينها
وثانكيوووو عالموضوع المفيد خيتو ​

 

[رشيقه]

ما شا الله عليج خف طينه شي مو طبيعي
عسى دوم يا رب

واستمتعنا في هالرحله في عالم ثلاجتج

 

[xxx]

كوين

مشكووووووووورة

خوش صور وخوش أفكار

مو غريبه عليج

 

[mrmr mrmora]

خوش موضوع كوين
تسلم إدينج

 

[*سكون*]

الله يعطيج العافيه .. صج نظافة أكيدة

وخدامتج حدهااا خطيييييييييرة ههههههههههههه

ويبيله باجر تفتيش عالثلاجة