الجآمعه آلمفتــوحــه ~

[Bent Ameer]

السلام عليكم


بنآت آبي آعرف موعد تسجيل في آلجامعه المفتوحه
للسنه آلجديده ..
عفيآ آللي تعرف تــرد عليّ .. ~

 

[L.H.LADY]

اب لعيونج

 

[ام حموديNEW]

انا فيهااا وابشرررري اول مايعلنون بأذن الله ابلغج


ومااتوقع هالفتره بالصيف التسجيل
دززي لي ايميلج عالخاص عشان مااضيع النك

 

[أم شهد و ندى]

قوه بناات
بغيت اسال انا مخلصه دبلوم اداره من تجاري وابي اسجل بالجامعه شكثر يعادلولي؟؟
و كم سنه واتخرج؟
ويصير اكمل على تخصص ثاني ولا لأ؟
و متى التسجيل؟؟

 

[شموع الكويت]

بنت امير


التسجيل اول سبعه انا سألتهم وقالوا لي واول ماينزل اعلان احطه لكم


ام شهد وندى

اي حبيبتي يعادلون لج بس المواد الاختياري


واذا على التخصص كيفج تختارين التخصص اللي تبينه

 

[loolwah_2010]

بنات سمعت انه قبل بالجامعه بطلو تخصصات حق التربيه وبعدها صكروها مافي خبر انه بيردون يبطلونهم

الانه بخاطرى اغير تخصصي مع انه نخصصي زين بس ابي اصير مدرسه ؟

اللى عندها خبر تعلمني بليز

 

[ام حموديNEW]

مااقصررت شموووع
والتربيه كل كورس يقولون الكورس الجاي والا كلناا نبيهااا
اذا وودج دشي وعلى ماتخلصين المتطلبات العامه ان شاءالله يكونوون مبطلين التربيه وتحوليين

 

[Bent Ameer]

مشكورين حبايبي ماقصرتو
انا ابي اداب انجليزي بس اخاف صعبه حيل
: (

شموع .. ام حمودي .. لولوة
شلون دراستهم صعبه والا اقدر امشي ؟؟

اخت لولوة دام تبين مدرسه ليش مادخلتي تخصص اداب انجلش .؟؟

الي عندها معلومات تفيدنا يا بنات : )

 

[loolwah_2010]

انا مو ذاك الزود بالانجليزي وانا ليلحين ماسجلت بس ابي اتاكد قبل ما اسجل الان اذا مافيه بكمل علي شهادتي محاسبه

 

[ام حموديNEW]

توكلو على الله ودشو كل شي حبه حبه
اربع كورسات انقلش بعدين تبتدوون بالتخصص يعني ماتوصلينه الا مستووعبه اساسيات الدراسه كلهاا
ومواد التخصص اللي بالبدايه بعد بسيطه هي القصه القصيره واللغويات والصوتيات <<<ماده عن مخارج الحروف
وعلى فكرره يااابنات انا عقدتي الانجليزي والثانوييه ماطلعت منهاا الا بطلعت الروح والسبب الانقلش وسبحان الله الله يصررف الامور مو احنا دخولي بهالتخصص صدفه وكل ماابي احوول يصكوون اللي بحوول علييه والقى احد يقولي خلج قلت ربي يبي عقدتي تنحل وكملت والحمدالله مااشيه ولقييت بناات تخيلو قالو بالثانويه نسبناا بأول الستين ومكمليين انقلش وخريجيين بعد <<<<خلوني اتفأئل

 

[أم شهد و ندى]

الانقليزي يبيله حفظ انا فهمتى معنى الكلمات تفهمين كل شي<<تتفلسلف زين فلحت بالثانويه

و صح كلامج اختي حبه حبه وانشالله كل شي سهالات

انشالله اكمل دراستي واخذ بكالريوس لان الدبلوم ما تنفع كللش

الحين العربيه فيها تكملت ماستر ولا بس بكالريوس<<حلو الطموح

 

[وش الدنيا بدونك]

بليز بنات انا متخرجه من معهد السكرتاريه وابي اكمل الجامعه المفتوحه


شلون اكمل على شهادتي ولا اعيد من جديد ؟؟ وشنو التخصص الي بيقبلني على شهادتي ؟؟





الله يوفقها الي ترد علي

 

[شموع الكويت]

مشكورين حبايبي ماقصرتو
انا ابي اداب انجليزي بس اخاف صعبه حيل
: (

شموع .. ام حمودي .. لولوة
شلون دراستهم صعبه والا اقدر امشي ؟؟

اخت لولوة دام تبين مدرسه ليش مادخلتي تخصص اداب انجلش .؟؟

الي عندها معلومات تفيدنا يا بنات : )

العفو ياقلبي


شوفي حبيبتي انتي اول شئ راح تدخلين تمهيدي

اللي هو قبل مواد التخصص اذا شفتي نفسج زينه وتقدرين عليه


كملي اما اذا حسيتي انها صعبه حولي التخصص

 

[شموع الكويت]

الانقليزي يبيله حفظ انا فهمتى معنى الكلمات تفهمين كل شي<<تتفلسلف زين فلحت بالثانويه

و صح كلامج اختي حبه حبه وانشالله كل شي سهالات

انشالله اكمل دراستي واخذ بكالريوس لان الدبلوم ما تنفع كللش

الحين العربيه فيها تكملت ماستر ولا بس بكالريوس<<حلو الطموح

لا فيها الماستر تو وافقوا عليه من مجلس الجامعات الخااصه

يعني تم اعتماده رسمي

وان شاء الله يبدأالتسجيل فيه اول ماننتقل للمبني الجديد

يعني على شهر 9 بأذن الله

 

[شموع الكويت]

بليز بنات انا متخرجه من معهد السكرتاريه وابي اكمل الجامعه المفتوحه


شلون اكمل على شهادتي ولا اعيد من جديد ؟؟ وشنو التخصص الي بيقبلني على شهادتي ؟؟





الله يوفقها الي ترد علي

اذا انتي خريجة التجاري بيعادلون لج مواد الاختياري بس

اما غيرها لا تكملين كاي طالب مستجد

حاليا في تخصص اداب انجليزي - إدارة اعمال بمجالاتها -المعلومات والحوسبه


انتي شنو حابه تدرسين اختاري اللي تبينه

والتسجيل شهر سبعه وفي امل كبير انهم يبطلون التربيه قريبا اذا انتقلنا للمبنى الجديد

 

[شموع الكويت]

ان شاء الله اكون فدتكم لاي استفسار انا حااااااااااااااضره

 

[وش الدنيا بدونك]

يعطيش العافيه شموع



بس انا مو بالتجاري انا معهد سكرتاريه


حرام ادرس من جديد

 

[شموع الكويت]

اها لا عادي اذا انتي حابه الدراسه ليش ماتكملين

 

[Bent Ameer]

مشكورين بنات ماقصرتوا
الله يعطيكم العافيه ..

 

[ام حموديNEW]

> تعتزم الجامعة العربية المفتوحة فرع الكويت فتح باب التقديم للالتحاق بالجامعة في بداية شهر يوليو 2011
>
> سيتم التقديم عبر موقع الجامعة العربية المفتوحة فرع الكويت ومن ثم سيتم اعطاء رقم الطلب للطلبة وتاريخ مراجعتهم لتقديم الاوراق الثبوتية ..
>
> 1- شهادة طبق الاصل ان كان خريج من الكويت
> 2- شهادة طبق الاصل مصدقة من قبل وزارة التعليم العالي + معادلة لهذه الشهادة موجه للجامعة العربية المفتوحة فرع الكويت .
> 3- المعدل المطلوب 60% فما فوق
> 4-2 صورة شخصية 4x6
> 5- صورة البطاقة المدنية وصورة الجواز السفر للكويتي .
> 6- صورة البطاقة الامنية صالحه ومع صورة من جواز السفر وان كانت الام كويتية فيجب احضار صورة جواز السفر والبطاقة المدنية .
> 7- شهادة الميلاد .
> 8- للمقيمين صورة بطاقة المدنية + اقامة غير منتهية + صورة الجواز السفر مع الاقامة .
> 9- ووصل رسوم التسجيل 10 دنانير
> >
> ادارة منتديات يمعــة الطلابية لطلبة الجامعة العربية المفتوحة


اااااااااااااااااااااب