الجامعه العربيه المفتوحه!

[بطايه]

سلام عليكم اخواتي!

اول شيء شلونكم انشاء الله مرتاحين و صيام مقبول و تقبا الله الطاعات و كل عام و انتم بالف خير!

ثانيا الموضوع ماعرفت وين اكتبه و لقيت هذه الصفحه انسب شيء .

انه بس ابي منكم مساعده اللي دارسه بالجامعه العربيه المفتوحه اتقولي شنو رايه في هل جامعه او تقولولي من احسن جامعه بالكمبيوتر و اسعاره متناسبهعشان انه من السويد و ساكنه باكويت و ابي ادرس اهني خلال هل ثلاث سنوات انشاء الله.. انشاء الله استفاد منكوم و مشكورين حبايب..

 

[.Nihal.]

اختي كانت تدرس فيها وطلعت منهااا ..

مع ان الكل نصحها قبل لا تدخلها انها ما تدشهاا بس لين دشت وشافت بعينها

ما انصحج فيها صراحة لو اذكرلج عيوبها مني لي باجر ما اخلص

اذا بتدرسين على حسابج بجامعة خاصة احسن شي gust ... والله يوووفقج

 

[FeShinGoOo]

مالي خبره والله بس اسمع انها زينه مع الجانب بس الكويتين وايد ينظلمون فيها

 

[بطايه]

نهال حبيبتي الحين خليتيني اغير تفكيري فيه هالجامعه بس بنت خالت زوجي درسة هناك و الحمدلله اتقول زينه غريبه!
فشينقو شلون يعني ينظلمون فيها؟

 

[emankuwaiti]

أنا فيها وماشي حالي فيها

مثلها مثل أي جامعة ثانية

 

[بطايه]

انزين انه قاعد اقرأ في صفحة gust انو per credit hour 175 kd , and per foundation year 1600 kdشنو معنا انه مو فاهمه

 

[بطايه]

emankuwaiti شنو ادرسين؟ و شنو الاسعار؟

 

[dantella]

اختي كانت فيها وطلعت حيل نظامهم فاشل
جنه بالعمد يسقطون الطالي عشان يرد ياخذ الماده ويدفع فلوس زياده
احسهم استغلالين

 

[!الجادل الصعب!]

بالعكس الجآمعه زينه لي سنتين فيهآ ..
وكل تخصص يعتمد على تقبل الطآلب له او لآ ..

مستحيل يسقطون آحد متعمدين .. بس شوي صعبين بالدرجآت
يعني لآزم درآسه و وآجبآت وكل شي ..,
بس الطلبه يآخذونهآ بتسآهل وينصدمون بالنتيجه ..
وفيها اساتذه متعسرين واساتذه متسآهلين حآلها حآل
كل الجآامعات والكليآت ..!

 

[FeShinGoOo]

اختي كانت فيها وطلعت حيل نظامهم فاشل
جنه بالعمد يسقطون الطالي عشان يرد ياخذ الماده ويدفع فلوس زياده
احسهم استغلالين

هاذا الي اقصده بطايه وايد يظلمون الكويتين علبو ان عندهم فلوس يقولون نسقطهم الكويتين ماعندهم مانع يعيدون الماده ويدفعون فلوس بس الاجانب يراعون ظروفهم ويساعدونهم هالكلام سمعته من اكثر من وحده والله ..

 

[توته 17]

شوفي حياتي انا اختى تدرس فيها اهى بخصوص الاسعار حلوه رخيصه نسبته جامعات الخاصه يلي بالكويت

بس القبول على حسب نسبتج و اول شئ تمتحنين امتحان مستواه اذا نجحتي بالامتحان ثاني تدخلين التخصص على طول

مواد على حسب ميزانيتج تقدرين تاخذين 4 مواد و تقدرين تاخذين 2 مادتين سعر الماده تقريبا 109 كل ماده لها سعرها

بتوفيق بالنسبه جامعات الخاصه اقل شئ 20 الف اما جامعه العربيه 4000 الالف رخيصه

بالنهايه على جسب ميزانيتج

 

[^^ريهام^^]

رفيجتي ادرست فيها

مناهجها صعبة ولازم لغتج الانجليزية ممتازة

الجامعة زينة ما فيها شي

بس يبيلها دراسة ومجابل

 

[q8tyah]

انا درست فيها تقنيه معلومات وحاسوب وتخرجت من 3 سنوات ، شنو حابه تعرفين وانا افيدج

 

[بطايه]

يا بناات مشكوووورين على ردكم و الله يعطيكم العافيه و انه شكلي بقلب على الجامعه الامريكيه حق كمبيوتر graphic designer يعني 3D و هل دراسه...

بس يا توته حبيبتي الامتحان حق اللغه الانكليزيه مو جذي؟ و المشكله الثانيه انه صارلي زمان دارسه الثنويه شنو بيسوون؟؟ يعني بيصعبونه علي لو شنو ؟؟ :S

 

[نوت مطير]

الدراسة تعتمد على اللغة الانجليزية

انا فيها ولي سنتين ومثل ماقلت لج اذا لغتج ممتازة تمشين فيها لانه التخصصصات بالللغة الانجليزية ماعدا التربية والتربية لحد الحين مقفل

 

[النوري قمر]

السلام
ماحبيت اقرا الموضوع بدون ماارد عليك
انا ادرس في الجامعة العربية في فرع السعودية
ورايحه ان شاء الله سنة رابعة تخصص تربية خاصة
صحيح الجامعة عليها ملاحظات واجد بس الحين صايرة تتطور اكثر
اذا عندك اي سوال او استفسار انا مستعده :eh_s(7):

 

[ابداع x ابداع]

انا خواتي 3 تخرجو منها والحين مدرسات الحمد الله

اقولون الدكاتره اللي فيها افمون عدل مو مثل باقي الجامعات يعطيج النقاط ويمشي

واذا تخرجتي منها يكون معاج اكثر من شهادة شهادة كمبيوتر وتخصصج و مادري شنو

والحين غيرو المبنى ومكانها على ما اعتقد راح اغيرون شوي بنضام لان خواتي ادخلوها اول ما فتحوها

 

[7lawah]

سلام عليكم اخواتي!

اول شيء شلونكم انشاء الله مرتاحين و صيام مقبول و تقبا الله الطاعات و كل عام و انتم بالف خير!

ثانيا الموضوع ماعرفت وين اكتبه و لقيت هذه الصفحه انسب شيء .

انه بس ابي منكم مساعده اللي دارسه بالجامعه العربيه المفتوحه اتقولي شنو رايه في هل جامعه او تقولولي من احسن جامعه بالكمبيوتر و اسعاره متناسبهعشان انه من السويد و ساكنه باكويت و ابي ادرس اهني خلال هل ثلاث سنوات انشاء الله.. انشاء الله استفاد منكوم و مشكورين حبايب..

حبيبتي لو تحطين موضوعج بقسم ( طآلبآت آلجآمعآت و آلمعآهد آلتطبيقية ) يكون آفضل لج ,
و يمكن تلقين تجمع لطآلبآت آلجآمعة آلعربية آلمفتوحه :

مآ عندي فكرة عنهآ ،
و آلله يوفقج إن شآء آلله ..


’

 

[بطايه]

Nori حبيبتي ما اعرف شلون انقله, لو قزدك افتح موضوع جديد؟