الجامعه المفتوحه حياكم بنات وتنفع لكل وحده تبي تدخلها

[عرش الغلا]

مرحبا

حبايبي انا قررت اني ادخل الجامعه المفتوحه باذن الله بس ابي مساعدتكم تقولون لي هل دراستها سهله او صعبه؟؟؟؟؟؟؟؟؟؟؟

وجم تكاليف الكورس الواحد وصج هي 4 سنين او اقل سوري بنات لاني كلشششش موعارفه فيها شي فمحتاجه مساعدتكم بليييييييييييز

يعني ابي مزاياها وعيوبها والحين شلون الطريقه من ناحية التخصص وجم يوم دراسه عفيه بنات لاتبخلون علي فيها امااااااااانه امانه اماااااااااااانه مابي اقط فلوسي وباالاخير احس ضايعه وموفاهمه شي او اسقط لاسمح الله

ابي ادخلها وانا فاهمه كل ششششششششي بلييييييييييييز اهم شي شلون على التخصصات يعني شنو لان بصراحه خاطري اصير مدرسه مادري صج صج احس ضايعه ومووعارفه شي

موعيب اني اتعلم واكمل واعرف فاتمنى انكم ماتبخلون علي بشي وحتى هالموضوع هذا راح يفيد بنات شكثر اللي حابين يدخلونها واكيد في بنات نفسي موعارفين فيها شي

وانا حاليا مقدمه على الديوان صارلي سنه وانا انطر فمادري هل عادي ادرس فيها واسمي بالديوان والا ممنوع لازم اختار يالجامعه او الديوان ؟؟؟؟؟؟؟؟؟؟ يعني مثلا درست واسمي نزل وتوظفت عادي والا مايصير؟؟؟؟؟؟

المطلوب اني بعرف عيوبها ومزاياها وجم تكلف وشلون على طريقة التخصصات ناطرتكم عسى ربي يفرح قلب كل من ترد علي يااااااااااااكريم ويرزقها باللي اتمناه اميييييييييييييين :33_1185028183:

 

[عرش الغلا]

رد : الجامعه المفتوحه حياكم بنات وتنفع لكل وحده تبي تدخلها

معقوووووووووووله بنات ولارد افاااااااااا وربي زعلتوني ترا كلها مساعده واللي بترد لها دعوه من القلب ناطرتكم بليييييييز

 

[أم شيــ@وخة]

رد : الجامعه المفتوحه حياكم بنات وتنفع لكل وحده تبي تدخلها

هلا حبيبتي انا طالبة فيها
اولا الجامعة فيها ٣تخصصات :- ادب انجليزي- تقتية معلومات - ادارة اعمال
وكل تخصص يتفرع منه تخصص
الدراسة فيها كلها انجليزي بس الصراحة انجليزيها غير عن الي درسناه بالمدرسة وواااايد سهل انا صرت بلبل بالانجليزي من الجامعة وعرفت ان الانجليزي الدرسناه بالمدرسة كله غلط بغلط
ثانيا الجامعة مو مادية يعني انا بالكورس ادفع ٣٧٠ دينار ومرات ٤٥٠دينار
تخصصي تقنية معلومات وحوسبة اخترته لاني احب الكمبيوتر وهذا راح يفيدني مستقبلا وعلى فكرة هذا اصعب تخصص بالجامعة بس اذا حابه التخصص واذا انتي انسانه طموحة كل شي يصير سهل .

 

[أم شيــ@وخة]

رد : الجامعه المفتوحه حياكم بنات وتنفع لكل وحده تبي تدخلها

هلا حبيبتي انا طالبة فيها
اولا الجامعة فيها 3تخصصات :- ادب انجليزي- تقتية معلومات - ادارة اعمال
وكل تخصص يتفرع منه تخصص
الدراسة فيها كلها انجليزي بس الصراحة انجليزيها غير عن الي درسناه بالمدرسة وواااايد سهل انا صرت بلبل بالانجليزي من الجامعة وعرفت ان الانجليزي الدرسناه بالمدرسة كله غلط بغلط
ثانيا الجامعة مو مادية يعني انا بالكورس ادفع 370 دينار ومرات 450دينار
تخصصي تقنية معلومات وحوسبة اخترته لاني احب الكمبيوتر وهذا راح يفيدني مستقبلا وعلى فكرة هذا اصعب تخصص بالجامعة بس اذا حابه التخصص واذا انتي انسانه طموحة كل شي يصير سهل .

 

[عرش الغلا]

رد : الجامعه المفتوحه حياكم بنات وتنفع لكل وحده تبي تدخلها

حبيبتي تسلمين مااااااااااقصرتي ابي بعد بنات اكثر معلومات عشان استفيد واكون فاهمه

 

[riaria]

رد : الجامعه المفتوحه حياكم بنات وتنفع لكل وحده تبي تدخلها

كلها عيوب
انا كنت فيها وسحبت انا وصديقاتي
كل شئ عندهم بالواسطة التظلم بواسطة واعادة الاختبار بواسطة والدرجات بواسطة
هل الجامعه سهله؟ اي وايد سهله مالت يهال لو شهادتج متوسط بتنجحين من غير دراسة
نظام الدراسة كل ماده تدرسينها يوم واحد بلاسبوع اسبوع بنات واسبوع شباب
الاختبارات بعض الاحيان مختلط
رسومها الماده تقرببا من 30 الى 120 دينار
اسعار الكتب على حسب الماده
تكاليف الفصل الواحد تقريبا بين300 الى 700"اذا وياه تمهيدي انغلش" طبعا مع الكتب عموما مايتعدى هذا المبلغ
ماتاخذين الشهادة الا اذا خلصتي اربع سنين
يعني لو درستي ثلاث سنين وتبين تحولين على جامعه ثانيه ,,,,, مالج امل يعطونج شهاده تثبت انج درستي ثلاث سنين
الاساتذه مستواهم "وع وع" اسفه خصوصا الانجلش
بس مدرسين ماده العربي "عسل عسل"
الموظفين والموظفات اذا مالج صاحب بالادارة ماتاخذين حقج
تخصصاتها
english
علوم كمبيوتر
ادارة اعمال
اقتصاد
تربيه نوعين"بس موقفين التسجيل فيها"
1- رياض اطفال
2- ابتدائي
الدوام من 8 الى 8 ليلا
مدة الماده ساعتين

الطالبات اللهم ياكافي مافي سمعه خصوصا الي بعد الساعه 4 العصر

تبين تدرسين درسي الصبح مالج غير سمعتج

 

[فتاة.]

اب اب اب

 

[فتاة.]

عور قلبي العنوان
حبيبتي انا كنت فيها من قبل اربع سنين
درست سنتين وماعطوني شهاده
الحين ماادري اذا تعدل الوضع ولا لأ
الحين ادرس بالاستراليه من جد وجديد
روحي الجامعه واختلطي مع الطالبات وتاكدي
لا تعتمدين على كلام الموظفين
بالنسبه للرسوم تقريبا 380
بس اذا تبين تمهيدي انغلش مع المواد الثانيه تقريبا يصير 650
هو عامتا مايتعدى 800 دينار بس سعر الكتب يختلف من كورس لي كورس

 

[عرش الغلا]

رد : الجامعه المفتوحه حياكم بنات وتنفع لكل وحده تبي تدخلها

ها؟؟؟؟؟؟؟؟؟؟؟؟؟

يعني شنو امبيه احترت اذا على السمعه والله حتى بنات المدارس كل وحده ماشيه عدل وزينه تحافظ ع سمعتها بكل مكان في الشين والزين

لكن اللي فهمته ياقلبي تقولين الدراسه سهله حلو ولازم اكمل 4 سنين عشان اخذ الشهاده اوكي زين انا بخاطري اصير مدرسه بس بصراحه مادري والعربي اصلا من كنت رابعه ثانوي مااحبه احب الانجلش بس موحيل في بس احبه والواحد لاحب شي يتمكن منه

زين شنو تنصحوني فيه ادخلها ولها مستقبل والا لا؟؟؟؟؟؟؟؟؟؟

لاني احترت وانتي قلتي طلعتي منها وتقولين وووووووع اهئ اهئ امبيه حبطتيني الله يسامحج بنات عفيه شتنصحوني فيه بلييييييييييز ساعدوني

 

[عرش الغلا]

رد : الجامعه المفتوحه حياكم بنات وتنفع لكل وحده تبي تدخلها

اكثر من 40 وحده اتفرج وجم وحده اللي ردت بسسسسسسسسس؟

شدعوووووووووه بنات ترا كل اللي بغيته تقولين لي اللي تعرفينه بس لااكثر ناطرتكم بنات

 

[أم شيــ@وخة]

رد : الجامعه المفتوحه حياكم بنات وتنفع لكل وحده تبي تدخلها

حبيبتي اذا انتي طموحة مالج شغل بكلام احد ثاني الجامعة حلوة والاساتذة وايد زينين وسالفت الواسطة بكل مكان انا الحين صارلي سنتين من السيارة لي المحاضرة ومن المحاضرة لي السيارة مااختلط باحد اهم شي عندي دراستي
عندي رفيجتي اسحبت اوراقها لانها مالها خلق تدرس وعلى فكرة في ناس عبالهم جامعة بفلوس يعني سهالات اكيييد بنجحوني بس الشاطر يمشي فيها
انا عندي دبلوم وعادلولي ٤مواد وهم لازم اقعد ٤سنين عادي عندي لانه الدوام مطلعيني اجازة دراسية واذا خلصت ان شاء الله بصير مدرسة حاسوب
ونصيحه الجامعة مافيها شي دام انتي تبين شهادة ماعليج من كلام اي احد يذمها اعرف ناس وايد تخرجو منها وتوظفو على شهادتها باماكن حلوة
ونسيت اقولج الي يتخرج من العربية يعطونه شهادتين وحدة من الجامعه نفسها والثانية شهادة بريطانية لانه اغلب المواد الي ندرسها مناهج بريطانية .٠

 

[عرش الغلا]

رد : الجامعه المفتوحه حياكم بنات وتنفع لكل وحده تبي تدخلها

رووووووووووحي يام شيوخه ياعسى ربي يفرح ويريح قليبج نفس ماريحتيني يارب ويسهل عليج دراستج امين ماقصرتي ياقلبي انتي وكل بنت ردت على موضوعي ياحياتي ثاااااااانكس من كل قلبي

 

[عرش الغلا]

رد : الجامعه المفتوحه حياكم بنات وتنفع لكل وحده تبي تدخلها

واللي عندها معلومات اكثر بليز تفيدني والله مالكم غير الدعوه ناطرتكم ترا الموضوع هذا موبس لي حتى حق كل البنات اللي حابين يدخلونها ويستفيدون ناطره تفاعلكم بنات

 

[غلاي غير]

انزين الي عندها دبلوم من التكنلوجيا كم يعادلون لها وهل تسوي امتحان قدرات وتاخذ تمهيد والا لا

ام شيوخ عفيه شرحيلي عن تخصصج ومنو قالج ان ان شاء الله تصيرين مدرسه حاسوب

الدكاتره اجانب والا عرب يدرسونج بالعربي والا انجليزي اقصد الشرح

 

[گـحِـلْ |~]

رد : الجامعه المفتوحه حياكم بنات وتنفع لكل وحده تبي تدخلها



آآآآآآب
نبي نستفيد .

 

[أم شيــ@وخة]

رد : الجامعه المفتوحه حياكم بنات وتنفع لكل وحده تبي تدخلها

انا والله عادلولي 4مواد مادتين مواد عامة جامعية ومادتيين تخصص
تخصصي يتفرع منه تخصصات وايد بس انا خذيت الكبير الي شامل كل شي ماعدى الاتصالات
يعني التخصصات الي تندرج تحت هالتخصص اهوا ( تقنية معلومات واتصالات -تقنية معلومات وحوسبة - تقنية معلومات وعلوم الحاسوب ) طبعا لاني موظفة بالتربية فالوزارة عطتني اجازة دراسية عشان اكمل وعطوني نشرة فيها كل تخصص وشنو المسمى الوظيفي فكان مسماي معلمة حاسوب لانه تخصصي تقنية معلومات وحوسبة. اما الدراسة كلها بالانجليزي ماعدى بعض المواد مثل العربي وسياسة الكويت. الاساتذة في عرب وفي اجانب انا الحين مع التعود كل انجليزي صرت اعرف اتكلم بطلاقة وحتى الصيف الي طاف سافرنا وكل ما احد كلمنا انجليزي حطوني انا بويه المدفع لوووووووول صرت مترجم والله يا بنات انا ماعرفت الانجليزي الا بالجامعة طلعنا كل الي ندرسة بالمرسة خرابيط
ومشكورة اختي عرش الغلا والله يوفقج

 

[q8y-moon]

بصراحه بالغو الي يذمون الجامعه @@
شلج بالاداره يتوسطون لج بشنو؟؟ تسجيل المواد بالكمبيوتر ودراجتج تاخذينها علي الواجبات والمدتيرم والفاينل منو بياده الدراجات غيرج؟؟
والي تقول ماكو دراسه غطانه يمكن اول كورس او كورسين يكون شوي سهل بس من تبدي مواد التخصص لا والله يبيله مجابل
والحين افتحو تخصص محاسبه وانا اول دفعه فيه هههههه قراده حظ يجربون فينا
والرسوم من 450 الي 600 دينار بالكورس
اما 300 هذا مثل ما قلت المواد المشتركه الي اول شي بس
انا ما اقول ان الجامعه احسن جامعه بالكويت بس لا باس فيها

 

[عرش الغلا]

رد : الجامعه المفتوحه حياكم بنات وتنفع لكل وحده تبي تدخلها

تسلمووووووووون بنات كل وحده ردت ع الموضوع ونبي بعد معلومات اكثر لاني لاحظت الكل من البنات حابين يعرفون ويستفيدون اتمنى اللي عندها معلومه ماتبخل علينا وبميزان حسناتها ان شاء الله ناطرينكم بنات نبي تفاعلكم

 

[جذابه بنت ذيابه]

رد : الجامعه المفتوحه حياكم بنات وتنفع لكل وحده تبي تدخلها

اب لعيوونج ياقلبي

 

[فتاة.]

بصراحه بالغو الي يذمون الجامعه @@
شلج بالاداره يتوسطون لج بشنو؟؟ تسجيل المواد بالكمبيوتر ودراجتج تاخذينها علي الواجبات والمدتيرم والفاينل منو بياده الدراجات غيرج؟؟
والي تقول ماكو دراسه غطانه يمكن اول كورس او كورسين يكون شوي سهل بس من تبدي مواد التخصص لا والله يبيله مجابل
والحين افتحو تخصص محاسبه وانا اول دفعه فيه هههههه قراده حظ يجربون فينا
والرسوم من 450 الي 600 دينار بالكورس
اما 300 هذا مثل ما قلت المواد المشتركه الي اول شي بس
انا ما اقول ان الجامعه احسن جامعه بالكويت بس لا باس فيها

حبيبتي انا مابالغت
انا درست سنتين اجتهدت ثابرت
كنت اخذ كله امتياز
خذيت مادة كفايات التعلم الذاتي مقررGR101 عند استاذ ظلمني
امتحنت عنده من اول اختبار عطاني درجه زفت رحتله وقلت ياستاذ انا حليت صح شوف طبق الاصل من الكتاب
قالي انا مايهمني الي مكتوب بالكتاب انا الي اقوله يمشي انا كنت اشطر وحده بالكلاس وكنت وايد اتفاعل بالكلاس
عطاني اقل درجة بالكلاس وانا ملتزمه بالحظور اليومي وكنت احل للبنات ال tma
البنات كانو يحضرون يسجلون حضور بعدين يطلعون يقولوله بطني يعورني انخفض السكر كانت كلها عيارة بنات
البنات كانو ياخذون مني الدروس الي فاتتهم والملاحضات
كان عددنا 35 بنت انا اقل درجة وجميع البنات ناجحين على تقدير امتياز ماعدا ثلاث على تقدير جديد جدا وانا الوحيده حاطني مقبول
حتى البنات الي كنت اعطيهم اوراقي واحلهم tma وادرسهم انصدمو
رحت للادارة ارفع تظلم قالولي دفعي الاول وبعدين نشوف الموظوع
سويت كل الي قالولي عليه
بعدين قالو ترى ماراح تاخذين التظلم لان الاستاذ منتدب من جامعه الكويت فماراح يطلعلج تظلم
سويت كتاب للمدير وماردو علي قالتلي السكرتيره جيبيلج واسطه
قلتلها هذا حقي ليش واسطة تقول سياسة الجامعه جذيه
تركت الدراسة كورس ورحت جامعه الخليج بحولها
طلبو مني شهادتي مال السنتين الي قضيتهم في المفتوحة
رحت للمفتوحة وقلتلهم ابي شهادتي وبسوي تحويل
قالولي حنا خريجين ماعطيناهم نعطيج انتي بس درستي سنتين
كملي اربع سنين بعدين نعطيج
طلبت منهم لمن يهمه الامر لجامعه الخليج ورفضو
السكرتيره تقولي شوف واحد من شباب الادارة خليه يضبطج!
=====
انا شطالبه كل الي طالبته حقي
رفيجتي بعدي طلعت لمه اسمعت ان مافي شهادة وحولت على التطبيقي ونفس الشئ ماعطوها شهاده