الجبسه

[ربي ارزقني بيبي]

حريم أول كل إيقولون إذا الوحده تأخر حملها مجبوسه
ولازم وحدة نفسة تحلب على ظهرها
و تاخذ السر مال المولود وتتسبح فية
و مايمر الشهر الأوهيا حامل


هلحجي شنو مصداقيتة

؟؟؟؟؟؟؟؟

:cxxxp:

 

[ice-moon]

رد : الجبسه

استغفر الله

كل شي بيد الله اذا اراد شي كن فيكون

 

[ice-moon]

رد : الجبسه

تخيلي بعد مره وحده من الاهل بنتها ولدت قالت بخليها لما تغسل سابع يوم من نفاسها تاخذين مايها الوسخ وتتسبحين فيه راح تحملين بنفس الشهر؟

لاحول ولاقوة الا بالله ..لهدرجه عقول الناس لي هني وصلت؟

صراحه قبل انا اي شي اصدقه لكن الحين الحمدالله ..عندي يقين انه وحده الرازق انا اسعى اروح دكتوره اللي الله يسخرلي لي والله كريم ويطرح فيها البركه

 

[كويتيه مذهله 87]

اي سمعت


انا يوم تأخرت سنتين قالوا انتي مجبووسه وتعالي خل تحلب عليج فلانه وانا مارضيت

وحملت بدون هالخرافات ولا شي

,,,

 

[الزيـــــ^^ـــــن]

رد : الجبسه

والله مادري إذا كانت معاج عروس ثانيه ممكن تصير جبسه

آنـــــــأ اللحين اللي معاي حملت من اول ليله وانا لاء سبحان الله

يقولون جبسه بس ماسويت شي اللهم مرخت رحمي وتوي بديت افحص

صارلي 8 شهور متزوجه الثانيه دشت شهرها وانا لي اللحين مافي شي

الله الرزاق يابنت الحلال

ياااااااااااااااااااااااااااااااااارب ترزقني الحمل السلييييييييييييم يارب وتفرح قلبي وقلب زوجي

 

[احلى سماء]

انا كان عرسي عروستين
معاي مراة حماي
ومراة حماي كانت امها نفسها ووالده وحاضره عرسنا
وبنتها زفوها اول وانا زفوني وراها

 

[دلوعت مودها]

خراااااااااااااااااااااااااااابيط
انا سألت شيخ ثقه يقول بدعه لان الرسول صلى الله عليه وسلم ما ذكرها
هذا حجي فاضي لان الناس المحرومه تبي اي شي تتعلق فيه رقي نفسج وتوكلي على الله,,,

 

[ربي ارزقني بيبي]

رد : الجبسه

انا بعد موداش براسي هلحجي بس شنسوي ناخذ بالاسباب

 

[ربي ارزقني بيبي]

رد : الجبسه

بس هم من صج وحدة من اهلي صارلها سنتين ماحملت وفحوصاتها سليمة اهيا و ريلها
وقالولها جبسة فخلت وحده تحلب علي ظهرها وبنفس الشهر أحملت
بعد كلشئ بيد الله

 

[مناوووي]

انا ياكثر ماقالولي

لان اختي كانت نفااس وانا شفتها يومني عرووس



وقالوا مكبووسه وانا ماصدقت

وللحين يقولون لي

انا سألت بعد وقالولي مو مذكووره وهذي خرافات



ومره دخلت موضوع بالمنتدى وحده حااطه نفس موضوعج

وردوود البنات اللي احملت عاادي واشكثر بعد


يعني خرافات


الله كريم

والله الرااااااازق سبحاااااانه

 

[نكهةالبرتقال]

مالك شغل بالكلام هذا

الله يرزقك

 

[*وهج*]

رزقنا بيد الله
لا حول ولا قوه الا بالله

 

[ربي ارزقني بيبي]

رد : الجبسه

الحمدالله ونعم بالله