الجرانيت 00 الله يجزاها خير اللي تساعدنى تعبنى حيل

[TARAF]

يعطيكم العافيه خواتى انا بيتى كله جرانيت وتنظيفه تعبنى
تشوفينه بالليل حلو يلمع مع الليتات
بس تعالي الصبح والا الظهر والله يفشل تقولين كلش مامر عليه المساح يطلع جنه مغبر مع انى مسحته 000 حتى ما احب احد يدش بيى بالنهار من كثر مامنظره مضايقنى 00000

شنو الحل بتنظيف الجرانيت وشنو الادوات ومواد التنظيف اللازمه له

عفيه بنات 00 اللي تعرف لا تبخل بالرد

 

[بتبوتااا]

ماعندي فكره والله رووحي الجمعيات وسأليهم اكييد اهم يعرفون

 

[TARAF]

يعطيج العافيه بتبوتا

وانا سالت قبل وتدرين كل واحد يمدح لى شغله بس من غير نتيجه

بانتظار باقي الخوات

 

[دانــــه]

لو سمحتي بيني لي وش تقصدين بالجرانيت ؟؟

هل هو الجرانيت الطبيعي ؟؟

أو هو البورسلان ؟؟



بانتظارك

 

[زيـنـه]

الجرانيت اهو الرخام .. طلبي من شركة تنظيف لها سمعه طيبه بالسوق مو اي احد خل يجلون الرخام (الجلي عبارة عن تلميع للرخام و تنعيم)
و ان شاء الله تنحل المشكله
و اذا ما انحلت بعد الجلي ..يكون احيانا من نوع الرخام نفسه يكون مغبش و جنه مغبر .. و الله يعينج بهالحاله لان بالنهار على طول راح يبين جنه مغبر.

 

[Harmony]

شوفى حبيبتى روحى ابل اكو عنده صابون حق تنظيفه تلقينه يلق لق لج و طريقته سهلة جدا بعد الفاكيوم كلين تخلطينه بماي و تمسحين فيه و خلاص و اذا عندج مكينه الغسيل بعد احسن و احسن بس المساح العادى هم يكفى و تقدرين كل جم شهر تسويله واكسنج و سلامتج

 

[أسيرة قلبه]

حبيبتي هذا مو وصخ

هذي بقع

لان الجرانيت يشرب ماي و يبقع


انا نفس حالتج بالضبط

بالليل شحلوه و بالنهار مبقع و يفشل

علشان جذيه بغيره

 

[قهوة عربية]

ماأدري حبيبتي طريقة تلميع الجرانيت ..ودي أساعدج

بس أنا السيراميك عندي بالبيت كل فترة وفترة استعمل له فلاش ....عجيب كل البقع اللي بالأرض تختفي :eh_s(15):

 

[TARAF]

تسلمون خواتى على المرور

انا الجرانيت يبت له شركة اول ماركبته انا شاريته من الصقر وحلو بالمحل بس بالبيت وقت النهار يفشل جنه مغبر ويبت شركة تنظيف بعد ماركبته بعشرين يوم قالوا اهو جذى الجرانيت بالبدايه بس مع كثر المساح تروح الطبقه المغبره
والحين لى ثلاث سنين على هالحال
يعنى ماستفدت من الشركه شي نفس النتيجه

يعطيكم العافيه وماقصرتو

 

[دانــــه]

حبيبتي

ما جاوبتيني على سؤالي




اللي مركبتيه هو جرانيت طبيعي ..؟؟ أو بورسلان ..؟؟