الجزء الثالث - تجمع متبعــآت رجييم حسين دشتي حيااكم يا بنآآت ( العيد هالسنه غيـر )

["أم شوشة ^^ومنفوشة"]

هاي جابينيز لا انا اقول اكلوا مايونيز واكلوا دهون اكثر يعني الاكل خلوا مقلي مو مشوي علشان تضعفون

ابيه ابيه ابيه كلامي كله بدليات هذي شوشتي اذا فهمتوا


لأ اقول شربوا قهوة دي كاف يعني خالية من الكافيين....

واكلوا مقالي واكلوا مايونيز زيروا كاربز كثر ماتقدرون

 

[Japanese]

إيييييييه اوكي حلو حلو :$ افا عليج بس لاتوصين لوول

انزين شلون ع الكاكاو ؟

انا اخذ مال اتكنز بس فيه 18 غرام كارب بحبتين كاكاو وصراحه حلو ،،

جي كاكاو وداخله زبده فول سوداني بس فيه وايد كاربز

 

[queen4m]

مرحبا حبوبات كيفكم اليوم تونى صاحية من النوم وبفطر بيض مسلوق مع شاى الناس صار وقت الغداء وانا تونى افطر

بنات عطونى حل نفسى انسدت وزنى ثبت قمت ماشتهى أكل مليت كله همبرجر ودجاج وبيض والقهوة اللى قلتو عليها بدون كافيين

مرة حلوة ناسبتنى والحمد الله على العافية

 

[queen4m]

أم شوشه منفوشه عافية عليك على المعلومات الحلوة وكل مرة انفشى شوشتك عشان توصل لنا بسرعه

هههههههههههههه امزح معاك حبوبة الله يسلم ايدك يارب وتنحفى ياكريم

 

["أم شوشة ^^ومنفوشة"]

حبوبه انتي جابينيز المفروض تاكلين بالشهر الاول بس 20 جرام

يعني الكاكاو الي تاكلينه حده تحفة.... اكو كاكاو فيه 2 او 3 او 4 جرام كاربز ولذيذ اكيد بتلقينه بامريكا دام انج هناك

حبيبتي كوين انا انصحج تحولين عالبحري واذا مليتي عادي اكلي مرة وحدة بس توسته وياها بيضه مقلية او جبن كرفت وخيار وخس وجرجير ودردعي معاه بيبسي يم يم

ومن باجر ردي عالدشتي

 

[نفووود]

بنااااااااااااات

أنا سألت إخصائية تغذيه عن ثبات وزني وقالت لي إبدي نظام ثاني
بس إسبوع وإرجعي لدشتي نفسه

وأنا عن نفسي سويت العام ريجيم اللبن والتمر خمس أيام ونحفت عليه4 كيلو


ببدأ فيه الجمعه الجايه إلى الثلاثاء

من يبدأ معاي؟؟؟؟؟؟؟؟؟

 

[queen4m]

حلو رجيمك يانفود والاحلى لو انتى بتصومين عشرة ذى الحجة لكن انا بكمل للعيد وبكسر الدايت يوم وبرد حق دشتى المرحله الثانية

 

[يمامة]

صباح الخير

ابشركم نزلت هالاسبوع كيلو يعني صار وزني 86 اليوم

انا اول ما بديت دشتي كان 92 من 61-10 واليوم والله مستانسه والاهم من جذي شكل جسمي تغير 180 درجة

 

["أم شوشة ^^ومنفوشة"]

واااااااااي وناسة

ممكن تقولين لنا شنو سويتي بالضبط.... وشنو احساسج لما طلعتي من التسعين؟؟؟

شوقتين وعطينا حافز....

 

[يمامة]

هلا ام شوشة صراحة شعور ما ينوصف والجسم يهبل مالج شغل بالوزن شكلي ضعفانة وايد انا اول شئ كان وزني

95 في تاريخ 27 -9 وخففت اكلي لما وصلت 92 وثبت وزني بعدين بلشت بدشتي طبعا مشي تقريبا يوميا ساعة وان ما قدرت امشي نص ساعة

والأكل اكل كل المسموح همبرجر لحم قلي مايونيز خس سلطة الكميه اللي ابيها بدون تحديد والشاي الأخضر ما خلتيه

يوميا بليل والزيتون كل يوم اكل 10 حبات عشان لا يصير معاي امساك وجبن الحلوم وجبن كرفت وبيض مقلي

حتى لما اروح عند اهلي اواطلع والله ما اخرب اشوف شنو المسموح لي وآكل وابعد عن الغير مسموح وصراحة افقد الحلا بس هم لله
الحمد ما اخرب

لدرجة ان عيالي يقولون لي لو نشوفج ما ما بالسوق ما نعرفج وانتي تمشين بالعبايه شكلج صارغير

 

[queen4m]

مبروك حبوبة يالله شدى حيلك وكملى لحد ماتوصلى للسبعينات ترى مو بعيدة عليك ماشاء الله ماسكه نفسك وماشية عدل

وعقبال البنات كلهن يوصلون للوزن اللى يبون وانا معاهم يارب تحقق حلمنا ونضعف بصحه وعافية يارب

اية بقولكم على شغله صارت معاى اليوم فى الممشى وحدة اشوفها كل يوم تسلم وكل وحدة تروح فى حال سبيلها اليوم تقولى

انا اشوف انك تجلسى فى بيتك خلاص مشى قلت لها ليش عاد قالت جسمك حلو قلت لها باقى شوى قالت لا خلاص لحد هنا وبس

وانا مستانسه انها تقول عنى كذا وهى تشوفنى بالعباية اجل لو تشوفنى بالمخصر وش تقول بنات صج كل شىء يضعف مع دشتى الا الكرشه

تنط وش سويتو معاها الحقونى غير التمارين المتعبة انا اليوم كنت صايمه وان شاء الله بكمل صيام العشر كلها وبمشى على الدايت عادى

يعنى اليوم فطرت على بيض مقلى بالزبدة والبصل الاخضر وزيتون وتعشيت تبوله وبعدين تذكرت البرغل مسموح ولا لا انا خايفه انه اخترب

واذا اخترب يبيلى يومين عشان يبتدى يحرق جسمى صدق اذا قالو غلطه الشاطر بالف ماشيه تمام التمام واخرتها تبوله

 

[يمامة]

كوين انتي كم وزنج وشكثر صارلج ماشية على النظام

حتى انا قاعدة اعاني من الكرش احسها شوي بارزة بس قاعدة احاول كثر ما قدر اشفطها وانا امشي وانا قاعدة

يالله المهم ننزل بصحة وعافية

 

[غيوم الشرقية]

هلا والله برشيقات المستقبل القريب ان شاء الله

شخباركم
ادري صايره قاطعه هالايام بس بادية مشروع صغيرون ولاهيه فيه

بس ماشيه تمام التمام الحمدلله

واليوم صمت وناوية يارب اكمل العشر وماتخرب علي الدورة وادعو لي ما تجي كلش واكون حامل

وبالنسبه لي اليوم الجمعه في بيت اهلي ما خربت لان وحده من خواتي صارت زيي دشتيه وصايمه زيي وجابت معاها لحم مفروم وقالت حق شغالت بيت اهلي تحمسه مع بصل وتحطه في بايركس وتخبط بيض وتحطه فوقه وجبن وتحطه بالفرن وااااااو روعه والله طعمه يجنن

وجابت حلى اللي علمتكم عليه

وشاي بدون سكر وكل شي تمام

الحمدلله ومبروك اختي يمامه وواصلي

وكوين فديتج ماشاء الله عليج والف مبروك

نفود شخبارج

 

[يمامة]

صباح الخير

بنات بغيت اسألكم متى ابتدي المرحله الثانية متى اقرر

انا ودي بعد اقعد شهر ثاني على المرحله الاولى شرايكم؟

 

[نفووود]

كوين.....مبروك الجسم الجديد ولاتخافين الكرشه بتطير بنهاية النظام

يمامه....أنصحك تعيدين المرحله الأولي يعني خليها شهرين لين ماينزل وزنك زياده
إبتدي بالمرحله الثانيه

وعقبااال الرشااقه جميعاً

 

[queen4m]

مرحبا رشوقات كيفكم أختى يمامه وزنى الحين 70يعنى طيحت 6كيلو فى شهر ونص بس انا جسمى صغير لو تشوفين جسمى ماتقولون وزنها كذا ونفود حبيبتى انا عدت الشهر الثانى وصار لى الحين نص شهر والله يبارك فيكم كلكم اليوم انا بعد صايمه فطرت على شريحتين جبن مع سفن اب دايت والعشاء ناجت دجاج والحمد الله ومشكورين على التشجيع ويارب كلنا ننحف بصحه وعافية

 

[يمامة]

نفود انا والله بعد مفكرة اكمل شهر ثاني للمرحلة الاولى

كوين عليج بالعافية النزول وان شاء الله تنزلين الباقي بصحة وعافية كم طولج ؟

انا طولي 168 يعني بس ابي اوصل 70

انا اليوم تعشيت جوانح من البيتزا مع دايت سفن

 

[queen4m]

هلا يمامه وان شاء الله توصلين للوزن اللى تبينة انا طولى 156 واى انا فرحاه على جسمى الجديد نازله بكثير مع اللبس لبست اليوم عباية مخصرة كانت اول ماسكه على جسمى الحين تروح يمين ويسار بكل حرية واهلى يقولون لى خلاص انتهيتى بس انا اقول باقى لى كم كيلو ويالله عقبالكم يابنات وغيومه الف مبروك ى المشروع والله يطعمك من خيرة ويكفيك شرة وبالتوفيق يارب

 

[يمامة]

الله يهنيك بضعف يارب وصراحة اهم شئ العافية

انا اليوم اهلي يقولون لي صراحة متغيرة وايد ضعفانة وشكلك نازلة وايد والكل يسألني عن النظام اللي ماشية عليه

وشنو آكل وشنو اشرب

 

[Pretty Amoola]

مساء الخير بنات ،،،

حبيت اشاركم ، اليوم أول يوم لي ، كنت من قبل أخفف

وأمشي بس للأسف وزني كان ثابت !! كنت بتجمع ثاني

وصار لي فترة ما دخلت المنتدى ،،، المهم فكرت أسوي

رجيم دشتي علّى وعسى يتحرك وزني وينقص!!!

بديت اليوم وحاسة بصداع،،


بنات أبي منكم تشجيع وأبي كل وحدة فيكم تقول لي من متى

بادية وكم نزلت؟؟ أرجوكم بنات نفسيتي زفت ،، ساعدوني الله

يخليكم ​