الجزء الثالث - تجمع متبعــآت رجييم حسين دشتي حيااكم يا بنآآت ( العيد هالسنه غيـر )

[يمامة]

اي والله يا جابنيز الشغله هذي تشجع

انا صايرة على وجبه وحدة طول اليوم تلوع جبدي من الاكل

 

[Judy abbott]

جابنيز حرام عليج انا مو متيينه متروسه ضعفت عن قبل واايد بس ما ابي اقول جم ضعفت ليما اوصل حق الوزن الي بخاطريييييييي

بس تعبت نفسياااااااااااااااااااااااااااااااااااااااااااااااااااا

ببدي رجييم يوم الاحد مع موضووع يديد << كالعااده رجيم اول يوم بلاسبوع اثنين اربعه يمعه ممنوع لاازم الاحد ولا ما يعتبر رجيم ههههههههه

 

[Japanese]

خخخخخخ كنت احسب بس انا اسوي هالحركه اوبيه جنه الا بدايه الاسبوع فيها سر

:$ ترا بس جذي بغيت احمسج لووول اقولج دوبه :$ :$ :$ :$

اي دايت تبين تسووويننن ؟؟

 

[يمامة]

شخباركم دشتيات انا اليوم .................................نازل وزني الحمدالله

 

[Japanese]

مبرووووك يمامه

انا ماقست وزني من بديت الدايت ،، قمت اكره اشوف وزني كم =( ،،، so far ابي احس بان جنزاتي اوسعو

يااوو ضاقو علي من متنت هالكمن كيلو :/ بس بيوسعون قريب غصب طيب لووول

 

[يمامة]

الله يبارك فيك يا جابنيز

يالله الفال للبنات الباقي كلهم

 

[ام حمود الغالي]

اوكي جودي يعني الاحد انشاءالله التجمع الجديد .. اوكي احسن عشان يكون مع بداية الاسبوع .. وعشان نوزن ونستعد .

 

[غيوم الشرقية]

لا تنسون تحطون الرابط هنا حق الموضوع الجديد وعطونا خبر لو سويتوه

انا ردت حالته المنتدى صار ما يفتح

احاول ادش لي يومين وما فيه فايده

المهم لا تحاتوني انا ما شيه تمام التمام

ومبروك النزول يمامه

وشدي حيلج جودي

وجابنيز يارب تضعفين وتدش جنزاتج يارب بصحه وعافيه

وين كوين ونفود

والبنات الجدد

وين الحماس

يلا نبي الهمه

 

[ام مضاوي]

هااااااااااااااي غيرلز


بلييييييز ابي منكم مساعده
عدي مناسه بعد شهر وجم يوم ولاااااااااازم اضعف من 5 الى 7 كيلو عالاقل

وفكرت في نظام دكتور حسين دشتي

ودقيت عليهم باخذ موعد معاء لكن ماقدرت هالشهر كله ماقدر اروحله

وابي تعطوني النظام بالضبط

والله بدعيلها الي تساعدني وتعطيني دقايق من وقتها

ربي يوفقها ويرزقها ويعطيها الوزن الي تبييييه بدون تعب وبأسرع وقت واهي بكامل صحتها وعافيتها

علشان انظم وياكم بالتجمع اليديد

بلييييييييييز لاطنشوني ضروري ضروري
لاني ما اعرف اي شي عن هالنظام الا انه كله لحم ودياي ومايصير اكل خبز وعيوش وغيره

شنو نظامكم اليومي من البدايه؟؟

 

[يمامة]

غيوم حبيبتي الله يبارك فيج الحمدالله هالاسبوع نازلة كيلوين

 

[يمامة]

هااااااااااااااي غيرلز


بلييييييز ابي منكم مساعده
عدي مناسه بعد شهر وجم يوم ولاااااااااازم اضعف من 5 الى 7 كيلو عالاقل

وفكرت في نظام دكتور حسين دشتي

ودقيت عليهم باخذ موعد معاء لكن ماقدرت هالشهر كله ماقدر اروحله

وابي تعطوني النظام بالضبط

والله بدعيلها الي تساعدني وتعطيني دقايق من وقتها

ربي يوفقها ويرزقها ويعطيها الوزن الي تبييييه بدون تعب وبأسرع وقت واهي بكامل صحتها وعافيتها

علشان انظم وياكم بالتجمع اليديد

بلييييييييييز لاطنشوني ضروري ضروري
لاني ما اعرف اي شي عن هالنظام الا انه كله لحم ودياي ومايصير اكل خبز وعيوش وغيره

شنو نظامكم اليومي من البدايه؟؟

شوفي ام مضاوي انا وحدة بصراحة اشجعج على النظام انا بلشت فيه من تاريخ 16-10 وكان وزني 92 وتدرين اليوم كم وزني قولووووا ما شاء الله 83 الحمدالله وانا ملتزمة بالنظام ومع مشي تقريبا يوميا من ساعة الى نص ساعة
صراحة النظام روعة واللي يشوفني شكلي بالسبعينات ما يصدقون اني بالثمانين انا بالنسبة لي المرحلة الاولى عدتها شهرين
وان شاء الله راح ابلش بالمرحلة الثانية 16-12

الرجيم على 4 مراحل ، المرحلة الأولى إسبوعين أو أكثر وتسمى هالمرحلة

مرحلة حرق الدهون ، تخسرين من ( 2 _ 6 ) وتمتنعين عن النشويات الي

هي : عيش ، معكرونة ، بطاط ، بسكوت ، كيك ، خبز ، صمون ، شابورة ،

ذرة ، السكريات ، الحلويات ، الفواكة، الكافيين، الكتشب ، الحليب، الروب،

اللبن ...

أما المسموحات : الزيوت والدهون ، مايونيز ، الزبدة ، الأجبان كاملة الدسم ،

اللحوم من همبرجر ، نقانق ، كفتة ، كباب، وغيره ، الدجاج ، السمج ، الربيان ،

الخضروات ويفضل الورقية مثل الجرجير ، السبانخ ، الخس ، الملفوف ، وغيره

ممنوع الجزر ، البطاط والذرة .


أما المرحلة 2 تبتدين تضيفين نشويات زيادة مثل تضيفين حليب

أو روب أو ممكن حبة فاكهة باليوم. وهالمرحلة ممكن تستمر شهور حسب الجسم.


المرحلة الثالثة هي المرحلة الي يكون فيها وزنج قريب من الوزن المثالي وهني

تكونين عارفة شكثر تاكلين نشويات علشان ما يزيد وزنج.

المرحلة الرابع هي مرحلة الحفاظ على الوزن .

 

[ام مضاوي]

مشكووووووره يمامه ياقلبي ماننحرمش

بس شلون اعرف اني عديت المرحله الاولى ؟؟ ولازم ابلش بالثانيه

انا طولي 154
ووزني 67

يعني جم الوزن الي اوصله علشان ابدي بالمرحله الثانيه؟؟
انا الوزن المثالي لي 50 - 51

 

[queen4m]

عيدكم مبارك ومن العايدين الفايزين

مرحبا على الجميع وهلا غيومه شكلى ضاحكه عليك سويت مثلك يوم خربطت انحشت من التجمع انا صارت لى سالفه مع الصيام

تعرفون انواع المشهيات على الفطور وكنت ماسكه نفسى ومرات افطر بلحالى عشان ماخربها مع الاهل وحرمت نفسى اشياء كثيرة

المهم رجعت من السفر يوم عرفه يوم رديت بيتنا وزنت انصدمت صدمه قوية وزنى ماتحرك من القهر قلت خلاص بفتحه يوم العيد

وكلكم تعرفون يوم العيد وش يصير مع الذبح وسدة النفس وحتى اليوم الثانى نفس الشىء فقررت انى افتحه صدق وكملت الاسبوع

صدق مافى اكل علية القيمه بس خذيت راحتى بالشوكلاته وامس انعزمت على حفله والكل انبهر بشكلى الجديد وفستانى وانبسطت

وقررت انى ارجع اليوم الخميس حق دشتى واليوم انا اول يوم فى المرحله الثانية بس اللى يقهر فى هالاسبوع رجعت كيلو والله كريم

واذا سويتو تجمع جديد عطونى خبر انا معاكم على طول الخط ان شاء الله

 

[غيوم الشرقية]

هلا والله برشيقات المستقبل القريب ان شاء الله

حياج الله ام مضاوي معانا وماشاء الله عليج ما يبيلج واجد توكلي على الله وانظمي معانا

تمي ع المرحله الاولى الين تقربين من هدفج يعني اذا نزلتي 6 كيلو انزلي ع المرحله الثانيه وتمي فيها اسبوعين بعدين دشي الثالثه واسبوعين والرابعه وخلي حياتج كلها المرحله الرابعه

انتي اذا تعودتي على كذا بتستانسين والله وبتحافظين على وزنج وتنزلين اكثر بعد

احنا نخربط لان مشوارنا طويل في المرحله الاولى ونشتاق للسكر والحلى و المعجنات علشان كذا نخربط بس لو مثلج مشوار قصير كان على طول نوصل لاهدافنا وبدون ما نخربط وتوكلي على الله وننتظر يومياتج اليوم ان شاء الله


كوين ليش هالتخربط اسبوع عاد قلنا يوم يومين ثلاثه بس اسبوع واااجد والله

انا اليوم بنجن ع الحلى ابي حلى باي طريقه بس مسكت عمري الحمدلله للحين ما خربتها

وكل شي ماشي تمام

نفود وينج من زمان عنج عسى المانع خير الله يستر لا يكون خذتي طريقتي زي كوين اذا خرتها خشيت راسي

عادي ما راح نهاوشج لان عيد

هههههههههههه ننتظرج

جودي وينج اليوم

جابنيز يلا ما بديتي

 

[ام حمود الغالي]

والله يابنات انا ناطره يوم الاحد عشان ابلش.

 

[غيوم الشرقية]

ليش الاحد

ليش مو بكره

هذا احنا كنا نبتدي السبت والحين عشان صارت بداية الاسبوع عندكم الاحد قلتوا الاحد

خلي عندج اراده وابتدي بكره

 

[مس هنادي]

سلام عليكم يالدشتيات
ابي انظم معاكم بالتجمع اليديدبس انا اليوم اول يوم بالرجيم
انشاءالله نوصل تاوزن المثالي واحنا بصحه وبعافيه

 

[يمامة]

شلونكم بنات

انا الحمدالله اموري كلها تمام والله مستانسة من الشئ اللي وصلت له امس رحت انا واختي خيطت لي بدلة للعرس اللي عندنا والله يا بنات كنت اتشرط واي قصة لابقة لي لاني ضعيفة قبل كنت ادور اللي يغطي

ويضعفني الحين لا ابي اللي يبين جسمي وضعفي والله استانست من قلب وزوجي امس يمدح جسمي ويقولي جسمج حلو قصي شعرج

وانا من قدي يا أرض هتزي

صراحة بنات النظام مجرد تعويد لنفس وكل شئ يصير تمام انا كنت مدمنة كاوكاو وحلا صراحة الحين شوي خفت هالشغلة عندي

بنات اختي لما شافتني مشت على نظام دشتي اول اسبوع نزلت كيلوين وبعدها وقف وزنها والحين يزيد ساعت 3 جرامات
او 4 جرامات ليش توقعون وهي ما تخربط ملتزمة وشكل جسمها ضعفان بس لما توزن تكون زايدة؟

بنات انا معاكم ان شاء الله بتجمع الجديد

 

[غيوم الشرقية]

هلا برشيقات المستقبل القريب ان شاء الله

شخباركم

حياج مس هنادي معانا يلا ننتظر يومياتج

يمامه مبروك الضعف وعقبال ما تحافظين على هالجسم الحلو وتنزلين لين وزنج المثالي

بالنسبه ل الحمدلله كل شي تمام ماشيه تمام اليوم اكلت دجاج مشوي ع الفحم وشربت سفن اب

والحين بسوي لي الحلى لان خلص وباكله بالليل ان شاء الله

يلا شدو الهمه ونبي التجمع الجديد

 

[نفووود]

غيوووووووووووومه:eh_s(17):

ياقلبي........أنا هناااااا:eh_s(4):

تصدقين خطتك عجبتني ......(آكل والخبط وانحااش من التجمع:tongue22
بعد اللبن والتمر صرت 79 وفجأه وبدون لخبطه صرت 81 و7 غرام
مع اني رجعت لدشتي من قبل الوقفه بيوم ومالخبطت الا يوم واحد كليت تويكس
الظاهر عطوني عين كل من شافني بالعيد يقول شمسويه بجسمك