الجزء الثاني .. عندج سؤال عن حيوانج المريض الحامل او يسوي شي عبيط ممضايقج

[ربي رجوتك]

يعطيكم العافيه قطوطي احيانا ما يروح يسوي الحدث الاكبر ( تغوط ) بحمامه الله يكرمكم مع انه حوضه كبير والتراب يتغير كل بالكثير10 ايام يروح تحت الدرج او بالسيب يسويها له على هذي الحركه تقريبا 8 شهور وهو عمره سنتين
ترا متدلع جدا والكل يحبه هو امانة الله عندنا واطلعه الحوش يلعب اتمنى اعرف السبب

 

[عود ومسك]

اي شريت منهاا

كورس الحبوب مكسرين انصاص مادري ارباع لمده اسبووعين ب ٧ و نص
و بودره للجسم اهيأ قرومنق و اهيأ مضاده للفطريات حلووووه ريحتهاا اعجبتني ب٢،٥
وبخاخ معالج للفطريات هم ريحته حلوه جنه معقم او ريحه مزيل صبغ اظااافر ب ١ بس خالص الحجم الصغير خذيت ب ١،٥

كله طلع ١١

ايي انا واعدتها قريب من منطقتناا مااتدل p:

واذا خلصو ودي اطلب مره ثاانيه حددي كيفت عالبودره والسبراي
بس شنو الريفلوشن شفته من منتجاتها بس مااعرفت حق شنو

واهذا رابط اللي حابه تشوف باجي الادويه والاغراض والاسعار
http://m.wix.com/lindanaamani/online#!Products|page

اميييييين

الريفلوشن يحمي القطاوه من الطفيليات والبكتريا والفطريات والديدان والجرب والبراغيث
ويعطيهم وقايه منهم
ويستخدم بين فتره وفتره اعتقد يا كل سنه مره او كل 6 شهور او 3
ناسيه شكثر المده بس من زمااااااااان كنت ابيه
ووقتها كلمتها وقالتلي ب3 ونص او جنه بتحسبه لي ب3 فا
لما كنت ابيه وقتها كان عندي 15 قطوه وعليج الحسبه:eh_s(16): بس قلت مو شرط اشتريلهم كلهم اشتري بس حق لكبار
وبجرب اللي شريتيهم البودر والسبراي بس مو الحين
وضعي المادي الحين متأزم ان شاء الله عالشهر الجاي
زين الحبوب حق شنو؟
حق الفطريات والا دود؟ وشنو قالتلج عنهم؟
لان انا ما كلمتها على الحبوب بس الريفلوشن

 

[عود ومسك]

يعطيكم العافيه قطوطي احيانا ما يروح يسوي الحدث الاكبر ( تغوط ) بحمامه الله يكرمكم مع انه حوضه كبير والتراب يتغير كل بالكثير10 ايام يروح تحت الدرج او بالسيب يسويها له على هذي الحركه تقريبا 8 شهور وهو عمره سنتين
ترا متدلع جدا والكل يحبه هو امانة الله عندنا واطلعه الحوش يلعب اتمنى اعرف السبب

ماشاء الله كبير مو صغير ليش يوصخ بره مكانه؟
نظفي المكان اللي يوصخ فيه بديتول اللي تحت الدرج
وعقميه بكلور ورشي فلفل او خل عشان ما يجيه
بس شنو السبب اللي يخليه يسوي كذا؟
هل يبي يتزاوج وماجبتيله نثيه؟
وتقولين انج تطلعينه بالحوش يعني مو محبوس عشان تكون ردة فعل منه
فا شنو السبب اذا مكانه نظيف وما ينحبس
بصراحه مادري
اللي عندي لو سوو كذا اكون عارفه السبب وتكون هالشغله ردة فعل منهم

 

[ربي رجوتك]

يعطيك العافيه اختى عود مسك احنا مخصينه واصلا حاولنا وهو عمره 9 شهور وسنه نزوجه لكن انصدم يقول الدكتور معه حاله نفسيه بعد قلبي فبطلنا نجيب قطوطات لان قطوي يحسب انه انسان
المهم احسها رساله مدري ليه لانه يروح الحوض بعدين يطلع ويسويها بالسيب او تحت الدرج يمكن متضايق او زعلان من شئ ياربي من جد احاتى الله لا يسالنى عنه

 

[عود ومسك]

يعطيك العافيه اختى عود مسك احنا مخصينه واصلا حاولنا وهو عمره 9 شهور وسنه نزوجه لكن انصدم يقول الدكتور معه حاله نفسيه بعد قلبي فبطلنا نجيب قطوطات لان قطوي يحسب انه انسان
المهم احسها رساله مدري ليه لانه يروح الحوض بعدين يطلع ويسويها بالسيب او تحت الدرج يمكن متضايق او زعلان من شئ ياربي من جد احاتى الله لا يسالنى عنه

الله يعافيج
ياحبيبتي انتي شلون تجيبين له نثيه وانتو مخصينه
خلاص مافيه رجا الا اذا تبين تونسينه يعني يكون له ونيس معاه ايه
لكن انه يتزاوج انسي خلاص
والله مادري شقولج عموما دايم هالاشياء هذي مثل ماقلت تكون ردة فعل وردة الفعل يا اما تكون من شغله صايره مثال على اللي عندي لما احبسها عزكم الله تبول شطانه منها عشان تطلع غصبن علي
او اضطرابات نفسيه
والاضطرابات النفسيه يا تجي من طق او حبسه
وانتي لا تطقينه ولا تحبسينه فا يمكن دلع او حاولي تغيرين التراب لنوع ثاني جربي
انج يعني تغيرين نوعية الرمل يمكن عل وعسى يفيد معاه
وبشرينا

 

[ربي رجوتك]

الله يعطيك العافيه ياقلبي ( عود ومسك ) غيرت له نوع التراب تقريبا اكثر من مرتين والاكل العلب انوع له والدراي فود من كل شكل
وانا جبت له انثى علشان تونسه الوحده شينه اخاف يشكيني لله يوم القيامه لكن هو رفض وبشده والصراحه اننا جبنا ثنتين كل وحده اجراء من الثانيه خاف الولد على عمره
تصدقين اظنه زعلان من امى لانه فوق عنده حوض صغير حاطته بزاويه بجهة غرفتي عمري ماشفته يسوي هالحركات امى من جاتها الحفيده وهى سافطه ولدي وقبل كان ماينام الا على حجرها
صرت اعطيه جرعات حب اضافيه والله حتى الخدامه ماشاء الله عليها حنونه معه لكن هو شكله حاط امى براسه مدري مالحب الا للحبيب الاولى اظن ترانى جد اتكلم قاعده احلل من مده لكن مافي يدي حيله كل واحد يغنى على ليله قطوطي مشتاق لامى وامي فرحانه بحفيدتها
السؤال
تحليلي يمكن يكون صحيح ؟؟؟​

 

[عود ومسك]

هههههههه يالبى قلبج

ايه ممكن يكون صحيح ليش لأ...اذا عرف السبب بطل العجب

اذا هو كان دايم ينام بحضنها وفجأه تغيرت عليه اكيييد بيزعل ويتضايق
لا تستبعدين هالشي ابدا
انا لما اسكر بابي عن قطوي خصوصا الذكر ترا يحبنا اكثر من النثيه
انا الاحظ النثيه يوووه تموت في اخوي والعكس الذكر يموت فينا ويتدلل علينا اكثر من النثيه
فا الاحظ لما اسكر بابي يسوي قلق فالبيت صيااااااااااااح ونياح
ما يسكت لين افتحله الباب
ولو ما افتحله ممكن يسوي اي شي عشان يلفت انتباهي
ونفس الشغله لو مثلا احبسه عندي بالغرفه ويبي يطلع ويتنفس
راح يسوي اي شي عشان يلفت انتباهي ومثل ما قلتلج انا صارت معاي هالشغله من نثيه وذكر
اني حبستهم عشان خايفه يطلعون بالشارع قامو يوصخون بغرفتهم
طبعا النثيه ماشاء الله ذكيه اول شي تسويه انها تستخدم ايديها وتحاول تفتح الباب وما تقدر
تحاول انها تفحته كذا مره اذا فشلت تروح تفتح ابواب الكبتات
بعدين تروح تصعد عالميز وبعدين تروح تطيح الاكل يعني تسوي كللل شي ينرفز اخر شي تروح تحفر او توصخ عشان اتنرفز واطلعها
وفعلا الخايسه تنجح بخططها ايام ما كانت بغرفتي يوووه حرمت اسكر بابي والسبه حركاتها اخليها تتمشى فالبيت كله
وحاليا لهم غرفه خاصه هم جت فتره كانت توصخ عالارض عشان تطلع والحين تسنعت وهدت

 

[ربي رجوتك]

لبيتي بالحرم يابعد قلبي
نفسي ابوسها هاللى مسويه اكشن الله يخليهم لك حبايبي
طيب والحل امى ماسحه قطوطي من اللسته ما انكر انها تحن عليه واذا اختفت حفيدتها وراحت بيتها ترجع تقول اقطيو تعالى حبيبي طبعا ولدى مايحب يكون استاند باي علشان كذا مايجيها شوي يصد وهو ينفح بشعره هههه مثل افلام الكرتون العلاقه متوتره والسيب وتحت الدرج هم اللى رايحين فيها الضحايه
انا فيه معلوم مافيه حل
يازينك ويازين سوالفك لبى قلبك ياعود ومسك

 

[عود ومسك]

وياج يارب..الله يسمع منج ادعيلي بس ميته واعتمر والا احج يالله يارب يكتبها لنا

ههههههههه ايه والله ما ينقص عليه عارف انه ستاند باي
لا صدقيني هذا الحل لازم امج عسى الله يخليها لكم ترجع تحن عليه مثل اول
بما انج غيرتي الرمل وكل شي اوكي فا باقي الوالده
قوليلها تحن عليه وتعطيه كل يوم جرعة حنان

اييه وام الاكشن خطيره الله ياخذ شيطانها كانت مجننتني كنت ما انام منها والله
كنت اطلع ولما ارجع الاقي غرفتي واغراضي طايحه مكسره عطوراتي مكياجي
حتى اكلها الاقيها شاقه الكيس عافسه الدنيا بس عشان تطلع!
خطيره الخايسه
بس تعجبج من كثر ما تستخدم ايدها ماشاء الله حتى الاكل تاكل بيدها ههههههه

 

[ربي رجوتك]

انوي انتي بس وربي بييسر لك عمرتك ولا تنسين والله اقولها وربي شاهد لك بيت واهل بالشرقيه الخبر تعالي ومنها تشوفين الزكرتي ذكرني بسويره كوبيه
لا حقتك الصراحه شخصيتها قويه واحس الذكر غلبان على قول المصريين هى اللى تفكر وتحوس وتخرب ياحلوهم ياناس اللى عندهم شخصيه
قطوطي احبسه اذا جوا لنا ناس عندهم عيال اشقياء او عمال اخاف على نفسيته واخاف بعد يسرقونه نوعه تركي اوروبي مزاوجينهم وطلع قمري ابيض واعيونه لون ولون يشبه الشيرازي لكن هو على اكبر واطول شعر بسم الله عليهم هالحيونات شوي ينطقون سبحان الله واللى يعل هاللى يجون يقولون بهيم مايفهم
حبيتها قطوتك تاكل بالخمس اجل واكيد تلحس يدها بعد الكل سنه ​

 

[ربي رجوتك]

من جد حبيتها فديت هاليد ياربي نفسي اشوفها ابوس يدها واطبق عليها حنه ههههههه حبيتها بسم الله عليها

 

[عود ومسك]

انوي انتي بس وربي بييسر لك عمرتك ولا تنسين والله اقولها وربي شاهد لك بيت واهل بالشرقيه الخبر تعالي ومنها تشوفين الزكرتي ذكرني بسويره كوبيه

لا حقتك الصراحه شخصيتها قويه واحس الذكر غلبان على قول المصريين هى اللى تفكر وتحوس وتخرب ياحلوهم ياناس اللى عندهم شخصيه
قطوطي احبسه اذا جوا لنا ناس عندهم عيال اشقياء او عمال اخاف على نفسيته واخاف بعد يسرقونه نوعه تركي اوروبي مزاوجينهم وطلع قمري ابيض واعيونه لون ولون يشبه الشيرازي لكن هو على اكبر واطول شعر بسم الله عليهم هالحيونات شوي ينطقون سبحان الله واللى يعل هاللى يجون يقولون بهيم مايفهم

حبيتها قطوتك تاكل بالخمس اجل واكيد تلحس يدها بعد الكل سنه ​

ان شاء الله يارب
وفديتج والله وفديت اهل الشرقيه عاد صج عندنا من جماعتنا هناك بالخبر وانتي بعد تزيديني شرف واهم شي الزكرتي ههههههههه
ايه اعرف النوع التركي..عسى الله يخليه لج وماعليج من اللي يقول ما يفهم
بالعكس القطو يستوعب بسرعه ويفهم على اللي يربيه.
وتضحكين على قطوتي هههههههههه ايه تلحس ايدها افا عليج وتنظفها بعد

 

[عود ومسك]

هههههههههههههههههههههههههههه اهم شي تطبقين عليها حنه
يااااااربي اتخيل شكلها كذا حاطتلها حنه ولافه ايدها ههههههههههه

 

[ربي رجوتك]

انا بالخبر:eh_s(22):
بحني اليد اللى تاكل بيها واليد الثانيه نقش على كيف كيفها
من جد قطوطي بسم الله عليه عندي من عمره 5 ايام قبل يفتح عيونه اخوي شراه وابتلش فيه وعطيناه فلوس قطوطي علشان مايبيعه
علمته تعال بعطيك حب , وتعالى نلعب وو امش بنطلع وحركه للاكل واذا خايفه عليه يفهم انى ابغي اخبيه
كل هالاستيعاب بصوب ويوم يشوف الصندوق حقه اللى ادخله فيه علشان اوديه البيطري
تصير عليه فهلوه وحيال حيل بس على مين ماما قالت بتروح عند الطبيب يعني تروح عند الطبيب
لكن اللى يضايقني ان المستشفيات كلها صارت تسبح القطاوه وهم مبنجين وقطوطي يجي من بعد السبوح دايخ ويكون بهذي الحاله لمده 3 ايام حاولنا نقول للدكتور بدون بنج قال لا بيشمخني
ارحمهم :eh_s(16): انواع التسحب وهو مبنج ولا حول له ولاقوه

 

[عود ومسك]

انا بالخبر:eh_s(22):
بحني اليد اللى تاكل بيها واليد الثانيه نقش على كيف كيفها
من جد قطوطي بسم الله عليه عندي من عمره 5 ايام قبل يفتح عيونه اخوي شراه وابتلش فيه وعطيناه فلوس قطوطي علشان مايبيعه
علمته تعال بعطيك حب , وتعالى نلعب وو امش بنطلع وحركه للاكل واذا خايفه عليه يفهم انى ابغي اخبيه
كل هالاستيعاب بصوب ويوم يشوف الصندوق حقه اللى ادخله فيه علشان اوديه البيطري
تصير عليه فهلوه وحيال حيل بس على مين ماما قالت بتروح عند الطبيب يعني تروح عند الطبيب
لكن اللى يضايقني ان المستشفيات كلها صارت تسبح القطاوه وهم مبنجين وقطوطي يجي من بعد السبوح دايخ ويكون بهذي الحاله لمده 3 ايام حاولنا نقول للدكتور بدون بنج قال لا بيشمخني
ارحمهم :eh_s(16): انواع التسحب وهو مبنج ولا حول له ولاقوه

ههههههههه نقش بعد
ايه سبحان الله يفهمون ويعرفون حتى نبرة الصوت اذا معصبه والا لأ
ونفس الشي عندي قطاوه لما يشوفون بيدي القطره خصوصا ام الاكشن تنحاش وما اقدر امسكها ولا اقدر احطلها قطره

بس ليش عندكم يسبحونهم ببنج؟ والله حرام البنج مو زين وممكن يذبح الحيوان
وكثرته تأثر على مخ الانسان فمابالج الحيوان
حرام عليهم
انا والله عمرررري ما سبحتهم ببنج حتى لو كانت القطوه عدوانيه
اوديها مستشفى عندنا وعند واحد مخصوص فلبيني ماشاء الله عليه ايده تتلف بحرير
ياربي هالادمي مادري شنو يسوي.. اللي القطاوه وعزكم الله الكلاب يسكتون بيده!!
حتى لما يحلقهم او يقص شعرهم اطالعه اقوله انا مربية قطاوتي لكن ما اقدر امسكهم واسبحهم الا ما ندر وحتى القص لو انها صغيره ام 3 شهور صيحه ماصيحه عشان امسكها واقصلها
يعني ما تقعد هاديه وبيده ماشاء الله قمة الهدوء والذرابه !!

 

[ربي رجوتك]

تصدقين والله اللى قايل هالكلام انه فلبيني عنده جنسيه بريطانيه اظن ومو من زمان من فتره بس ابتدا يبنج شكله واجه قطو راعي مشاكل
عاد قطوطي مايسمع خلقه لكن يشوف هالدكتور ولا نفس ولا كلمه مدري ليه حاط كل القطوطين بخانه وحده مع انه يعرفه ويدري ان حقي جبان متشجع علينا طايح دبغ فى عيالنا واختى

 

[عود ومسك]

لا والله حرام حاولي فيهم او شوفي مكان ثاني
ترا كثرة البنج مو زين عليهم

 

[zain 3la zain]

عوود ومسك اي حبيبتي الحبوب للفطرياات ويختلف السعر اذا كيتن حبوبهم ارخص

واااي الله يعينج علييهم انا وحده ومن كثر الدلع احسها مسويه خرم بالميزانيه ههههههههه ��

غير التعب والتنظيف صج يبيلهم طأأقه ..

حلوه الريفلوشن احتمال اذا خلصو الحبوب اجيبلها وقايه
الفطريات الحمدلله بدت تتشقر وخف السواااد بالجلد ✌


بسإلج منو الدكتور اللي يسبح القطااوه ؟؟

 

[ربي رجوتك]

المشكله العياده الوحيده اللى اعرفها هى الكراون اللى فيها الفبيني وهذا يسبح ويقص الشعر بالبنج وديت قطوطي مره عياده ثانيه قال بدون بنج والطبيب مدري الجزار مصري والله شفتوا الدجاج يوم ينتفون ريشه دخلت عليه لا ويعصب بعد يبغى يكمل تنتيف بوسي تجيه مرات تكتل بشعره يتشربك ويحتاج قص سالت كثير كلهم مايعرفون عياده من غير بنج ومستحيل اوديه عند هالجزار بسم الله على الحيونات منه وحتى صديقتي صارت تودي قطوها البحرين عند طبيبه بيطريه احسها شغلانه الصراحه
اذا طلع الشتاء لازم اقص من شعره ومحاتيه من ذلحين بعد عمري هالعيون اللى تطالعني وانا اطقطق على الجهاز

 

[عود ومسك]

عوود ومسك اي حبيبتي الحبوب للفطرياات ويختلف السعر اذا كيتن حبوبهم ارخص

واااي الله يعينج علييهم انا وحده ومن كثر الدلع احسها مسويه خرم بالميزانيه ههههههههه ?

غير التعب والتنظيف صج يبيلهم طأأقه ..

حلوه الريفلوشن احتمال اذا خلصو الحبوب اجيبلها وقايه
الفطريات الحمدلله بدت تتشقر وخف السواااد بالجلد ✌


بسإلج منو الدكتور اللي يسبح القطااوه ؟؟

الا تسوي خرمين بالميزانيه والله من زماااان ما رحت السوق كله منهم
صج مصرف وتعب الله يعين
والريفلوشن ترا حلو انا ناويه ان شاء الله عليه باخذ حق لكبار
ان شاء الله تتشافى بأسرع وقت بس انتي استمري وبشرينا بالاخبار الحلوه

انا اسبحهم بالدولي اللي بالوفره او مينا عبدالله
والله عجيب الفلبيني ماشاء الله عليه
اذا خلصتي علاجها ونويتي تحلقينها او ترتبين شعرها وتبين تروحين قوليلي اعطيج اسمه