سلام بنات .. شخباركم ..
والله ما ودي احط الموضوع عشان عطلة العيد حلاته الناس يرتاحون يستانسون بعييييييييييد عن الهم والغم .. عسى الله يبعد بنات ابليس عن رياييلنا كلنا يااارب ...
بنات اللي يذكرون موضوعي .. بسولف لكم عن المستجدات اللي صارت ... واللي ما يذكرونه هذا هو :
http://www.q8yat.net/showthread.php...%C9+%CD%C8%ED%C8+%CA%DA%E6%D1+%C7%E1%DE%E1%C8
بنات بعد ما سولفت لكم وبردتوا قلبي شوي تدرون شنو سويت ... ؟
قررت اني اسكت بعد و اتناسى عشان راحتي وعشان صحتي !! والله اني تعبت واايد فقلت بس بطوفها بعد عشان ابعد هالهم والغم من ويهي !!
تدرون شنو سويت .. شريت ورد جوري احمر و عطر غالي بـ 50 دينار مع اني على قد حالي بس قلت عشانه كل شي يهون ..
وبغيت اسوي ليلة بس صارت ظروف وماقدرت المهم اليوم الثاني ما قلت له وحضرته شوي شد معاي وبلعتها ورحت طلعت له اياهم وعطيته وانا ابجي ،، ولا قال كلمة ولا حرف ومن سألته قال اللي يعطي هدية خلاص ما ينطر مقابل !
المهم ردت المياه الى مجاريها جم يوم والا بعدها صار موقف حدده قوي ،،،
كان يصلح باب تكرمون حمام الشقة جان ينحبس داخله وما كان عندي رصيد !!!!!!!! قلت له اتصل من تلفونك ما رضى تخيلوووو !!!!
قال لي شريت لج رصيد موجود بالسيارة لبسي ونزلي ودقي من تلفونج .. !!
قلت له صدقني اعرف انك تكلمها يلا عطني التلفون بعد ما راح اشوف شي غريب يعني .. !! المهم ما رضى لبست ونزلت وانا ادري عنده تلفون ثاني وشاكة انه يخشه بالسيارة ...
طبعاً قفلت باب الشقة وخذيت المفتاح معاي وهو هم محبووس داخل الحمام !!! خذيت كرت التعبئة و دورت تلفونه الثاني ولقيييته ... وكااان مفتوووووووووووح بدون رقم سري !!! وآآآآآه يا قلبي بس قعدت اقرا مسجاااات الحقيييرة بنت ابلييييييييييس بنااااااااااااات تخيلو ويييين وصلت فيها النذاااااااااااااااالة ..
تطر منه 500 ديناااااااار !!!!!!!!!!!! والله انها حقيرة واكثر من حقيرة .. وغير المسجات الثانية اللي تشيب الراااس ..
وللأسف صكت فيني الدنيا وما عرفت شلووون افكر وقتهاا .. خو يا غبية دقي عليها .. دقي على ابوج .. دقي على اي احد .. والدلييييييييييييل في ايدج ..
امبي لأ .. صكت فيني الدنيا عدل اللي مخي قفل ولا قدرت افكر .. رجعت الشقة اشوفه يناديني من الدريشة شكله فتح باب الحمام بالقوة ودرى اني تأخرت لاني طحت عليه ..
وانهرت يم الباب وحالتي حالة وبكل برود حسب مني اهم دليييل للأسف وخذا مني تلفوني يومين ما اكلم اهلي عشان ما افضحه لاني كنت منفجرررررررررررة سبيته وسبيتها وتهاوشنا عدل .. وآخرتها ترحم علي يوم الخميس عطاني التلفون وقلت له عطني اكلم الحيوانة اذا ما تبيني اكلم اهلي ..
والحقيرة ادق عليها ما ترد وادز لها مسجات تستهبل تسوي نفسها مو هي ..
بنااااات شسوووي .. يهددني ينهي كل شي بيننا اذا فضحتهم !! يهددني يردني بيت ابوي اذا كلمت امه او ابوي !! يقول لو تكلمني امي راح اقولها الله حلل ثنتين وثلاث واربع وهذا شرع الله .. بس انا ما تزوجتها ولاااا راح اتزوجها الا برضاج .. لو صار وكنت صج ابي غيرج راح اقول انتي دوريلي وحدة مثلج !!!!! يقول ماكو غيرج بقلبي .. بس هذي مادري شفيييه مو قادر يفج منها لانه هي بنت ابلييييييييييييييييييييييييييس !!!
يقول هذي نعالها ما يسواج .. هذي ما توصل مستواج .. انا لو ما احبج ما احبسج جذي وما اخليج تخربين بيتنا .. انا ما ابي احد يدري عشان لا احد يتكلم عنا بالسوء .. احنا من تزوجنا الف الحمدلله محد سمع عنا مشكلة بيننا ابداااااااااااً .. كل شي ينحل بيننا ... وانا مابي اخسرج ولا اخسر عيالنا .. ابيج تفكرين صح من اشيل عنج التلفون ..
اقوله والله عيييييييييب عليك من اشتريلك عطر و ورد و اتنازل واتغاضى عن اللي تسويه واحرقه داخل قلبي .. بعدها بكل برود هم تدق عليها وتكلمها ؟؟؟؟؟!!!!
هالسالفة شي قوي .. كلما افكر ادخل احد موو راضي يخليني .. يقول لا تهدمين بيتج .. اقول له انت اللي تهدم بيتك بإيديك من تكلم هالخـ...حشاكم ..
بناااااااااااات ابي اسفل فيها واخليها تندم قد شعر راسها من غير ما اهلنا يدرون ومن غير ما اخرب بيني وبين زووجي شلووووووووووووون .. ومابي اهلها يعرفون انها تكلم زوجي بس خل يعرفون انها تكلم شباب وانها بنت شوارع مو محترمة وجليلة حيا تطر فلوس من زوجي ..
بنااااااااااااات عفية ساااعدوني منو تقدر ترد على هالحقيرة بس ترى لسانها وسخ مثلها .. ابي كلام يفحمها وتتحسف على كل مسج واتصال سوته ..
ناطرتكم تبردون قلبي بنات .. :"(...
وادري اني حدي وحدة مو صاحية من ما اقول حق اهلنا بس مابي اخسر زوجي والله احبه هاللي ما يقدر حبي له! ×_×
التعديل الأخير:
