الجـــــــــو بفينا وزلامسي وميونـــــــخ ساعدوني

[نوارس الشوق]

اهلين يا حلوات
شلونكم
ودي اسألكم ياللي بفينا وزلامسي وميونخ
شلون الجو برد او معتدل
محتاره اخذ معي ملابس ثقيله او ربيعيه تكفي
اخاف يكون الجو حار وانا اخذ هدوم ثقيله عالفاضي


بليييييز المتواجدين هناك يفيدوني
انا بروح بعد عشره اياام:ada:

 

[nanushi]

السنه اللي طافت كنت هالحزه بزلامسي..

كان الجو معتدل و اينن خصوصا على البحيره بس بالليل كشه يبيله جاكيت ..

وفيينا اول يوم كان مطر و برد حدده و باجي الأيام صار الجو حااار الظهر حتى اخوي يقول احنا يينا و يبنا الحر ويانا p; بس بليل معتدل ..

 

[نوارس الشوق]

مشكوره ياقلبي على الرد الحلو
تسلمين ياقمر
خل نشوفف الحلوات اللي هناك وش يقولون

 

[أم@الحلوين]

انا توني راده صارلي يومين فينا اول ما رحنا كان برد موت بس على اخر ايا صار معتدل يعني لبسي ربيعي

اما بزلمسي الجو حلو ربيعي بس بالليل يصير برد وميونخ اول مارحنالها كان مطر وبراد بس على اخر ايام صار شوي حر انتي لا تاخذين شتوي اخذي بس ربيعي وجاكيتين شتوي احتياطي عشان الجو بأوربا متقلب فجأه ايي البرد وفجأه الجو يعتدل واتمنى لج سفره سعيده

 

[carrot^cake]

ميونخ الجو حلو فيها
عادي ما يحتاج جاكيت
بس اخذي شمسيه ساعات يطق مطر فجأة

 

[نوارس الشوق]

ام الحلوين
ربي يحلي ايامك


مشكوره ياقلبي على هالمعلومه وانا قلت بعد باخذ ربيعي يكفيي
والله يسعدك يارب

ماقلتي لي ميونخ شلون الديره حلوه او سالزبورغ احلا
محتاره بينهم

 

[أم@الحلوين]

تسلمين ياقلبي احنا رحنا سالزبورغ يوم بس ميونخ احلى منها واونس

 

[كرز أخضر]

واااااي ذكرتيني بالنمسا ..ياحلوها وحلو جوها...العام نفس هالوقت كنت فيها....شوفي ياحلوه..اخذي وياج لبس ربيعي مو

شتوي . واخذي صيفي بعد...وخل يكون وياج جاكيت بس مو متين حيل..اخذي اللي خامتهم قطنيه او الصوف الخفيف.. الا

اذا انتي من النوع اللي براده(يعني ماتحبين البروده حتى لو معتدله) مثلي:eh_s(6):بها الحاله اخذي جاكيت متين او

بالطو.

لأن اغلب شي على جو النمسا.. الظهر الجو حلو(ربيعي اقرب للبروده) بس با الليل يبردأكثر..اما ميونخ العام مريتها آخر

خمس ايام بسفرتي وكنا على اول شهر ثمانيه..لبسنا صيفي كانت حاره خصوصا الظهر..