الجلبريك طريقته وفوائده وسلبياته .. حيااااج

[..WhatEver..]

هااااالووو بنات كويتيات

السلامو عليكوم ورحمه الله وبركاتوووه << سلوى المطيري تحيكوم

انا حبيت افيدكم بموضوع الجلبريك وخصصتكم من بين المنتديات لان صج منتدى غايه فالروعه والابداع

وووو سوري اذا الموضوع متكرر مادري ترا انا يديده بالمنتدى بس هالموضوع انشالله يكون شامل كل شي بالجلبريك

نبتدي بدون مقدمات ..جاهزييييين

> اول شي شنو اهو الجلبريك وطريقته وفوائده وسلبياته <


الجلبريك اهوا سلمكم الله برنامج ينحط بالسوفتوير وبس يتثبت بالايفون راح تلقون ايقونه اسمها Cydia وهذي السيديا اهيا اساس السالفه يعني بس تلقينه نازل عندج لا تدشين وتعبثين فيها وتنزلين وتمسحين اشياء لان له تأثير سلبي على الايفون حاولي تستفيدين منها لان السيديا وايد حلوه للي يتعلم عليها

ملاحظه
الجلبريك نوعين مقيد و غير مقيد
أأأأها قلتولي شنو يعني
اوكي << غصب
1- مقيد : يعني اذا سويتي جلبريك وخلصتي وصكيتي الجهاز وبطلتيه لازم توصلينه بالكمبيوتر مره ثانيه عشان تشغلينه
2- غير مقيد : يعني تصكين الجهاز وتبطلينه عادي خوووذ راحتوووك

( فوائده )

1- يخليج تسوين اي شي بالايفون حسب طلبج ورغبتج بالتغيير مثل شكل الساعه , شكل البطاريه , تمسحين slider اللى يفتح الايفون وتحطين مثلا شي ثاني من اختيارج , الوان الايفون , ثيمات ,الخ

2- تقدرين من السيديا تنزلين برامج تشترين برامج ال AppStore ببلاش

3- السيديا وادواتها تخليج تعشقين ايفونج تضيفين ادوات على حسب الفكره اللي تبينها مثل تقارير الرسايل مثل الايفون , تغيير اسم الشبكه ,الخ

( سلبياته )

1- اذا حطيتي جلبريك حق ايفونج تطيح الكفاله واللي تسأل شلون تطيح الكفاله اقولها يعني اذا تبين تردين ايفونج مثل ما شريتيه ورحتي حق الشركه بيقولولج ماراح نسويه لانه عليه جلبريك >> بس ماعليج منهم تعالي عند خويتج واهيا تساعدج

2- السيديا تبطئ الجهاز بمعدل 50% << بايقه هالمعلومه من منتدى ثاني هاهاهاهااي

وبس انا اشوف ان ماكو سلبيات من خبرتي مع السيديا بس اللي ماتعرف لها اكيد راح تكرها واللي راح اتعلم عليها ماراح تستغني عنها .. مثلي

( نوصل حق الطريقه )

.. الادوات المطلوبه حق الجلبريك ..

1- سوفتوير للايفون اختاري ونزلي على حسب ايفونج او ايبادج او ايبودج << مطوله درينا

>> اختاري من اهني <<

2- برنامج الجلبريك واهوا على حسب اصدار الايفون مالج راح احط كذا واحد واختاري اللي يناسب جهازج

3- برنامج الايتيونز عشان تسوين Backup ومايروح عليج شي من اسامي وراسل وصور وتسوين ريتسور حق الاصدار اللي تبينه بس اهم شي ال Backup

>> برنامج الايتيونز اهني <<

-
-
-
نبــــــــــــدي

>> جلبريك 4.2.1 << غير مقيد

( طريقته )

هذا الجلبريك الحلو فيه ان مايحتاج تنزلين ال Firmware وسهل وايد
تنزلين الجلبريك واول ماتفتحينه راح يطلع لج هالصفحه
وصلي جهازج على الكمبيوتر
راح يطلب منج ان تخلين جهازج على وضع DFU

وضع ال DFU خلج معاي خطوه بخطوه وانا اختج خلي عيالج وزوجج على صوب ركزي
1- تطقين الدقمه اللي فوق 3 ثواني
2- وانتي ضاغطه على الدقمه اللي فوق تطقين معاها الدقمه اللي تحت 10 ثواني
3- تهدين الدقمه اللي فوقه وتظلين ضاغطه على الدقمه اللي تحت 15 ثانيه
لما تصير الشاشه سوده عندج

بعدين تطقين على Jialbreak Now وراح تشوفين جهازج تطلع فيه كتابه وااااااايد بالابيض لاتخترعييييين وانا اختج طولي بالج انتي صح
راح يتبطل جهازج راح تلقين ايقونه اسمها Loader بالاخضر طقي عليها راح يطلع لج جذي

وطقي على Install Cydia ومبروووك عليج الجلبريك
:ggdw:
-
-
-

>> جلبريك 4.3.3 << غير مقيد

( طريقته )

نزلي الFirmware للاصدار مال جهازج من اللينك اللي حطيته لكم فوق
بطلي الجلبريك و وصلي جهازج بالكمبيوتر
اول ماتبطلين الجلبريك راح يطلعلج نفس هالصفحه طقي على Browse بعدين اختاري الfirmware اللي نزلتيه مال جهازج وبعدين طقي Next



اختاري Install Cydia بعدين Next

​

بعدين سكري جهازج عادي وخليه موصل بالكمبيوتر وطقي Next

​

بعدين راح يطلب منج تحطين جهازج على وضع DFU مثل ماذكرت لكم الطريقه فوق

1- تطقين الدقمه اللي فوق 3 ثواني
2- وانتي ضاغطه على الدقمه اللي فوق تطقين معاها الدقمه اللي تحت 10 ثواني
3- تهدين الدقمه اللي فوقه وتظلين ضاغطه على الدقمه اللي تحت 15 ثانيه
لما تصير الشاشه سوده عندج

اذا سويتيها صح راح تصير الصحه جذي

​

بعدين راح يطلع لج Done

وبس جذي راح تكون خلصت العمليه وولد ان شاء الله :eh_s(9):
ومبروك عليج الجلبريك مره اخرى

-
-
-

>> جلبريك ios5 << مقيد

وصلنا حق ضيقه الخلق مع الجلبريك المقيد اللي اهوا مثل ماذكرت اذا تسكرين جهازج لازم توصلينه على الكمبيوتر وتسوين Just Boot راح اذكر الطريقه تحت

( طريقته )

تنزلين الFirmware مال جهازج وتنزلين الجلبريك وتوصلين جهازج بالكمبيوتر
تبطلين الجلبريك راح يطلع لج نفس هالصفحه
تابعي معاي الصور




















وضع العله هيهيهي DFU بعدها طقي Next



واسببببح

يتبـــــــع ,,,

​

 

[..WhatEver..]

وراح يفتح معاج الجهاز وراح تلقين ايقونه السيديا بيضه بسسسس هم ولا يهمج



طقي على Just Boot







وبعد هذا كله عليج بالعافيه الجلبريك

بس مثل ماقلت لكم هذا مقيد واذا تسكر جهازج بالغلط هذي الطريقه عشان يرد يشتغل ولاتحاتين مقيد مو يعني ينمسح شي من جهازج ولا من السيديا شغله عاديه ترا << متمرررسه الوضع :ch12:
المهم الطريقه اهيا كالاتي

توصلين جهازج عالكمبيوتر وتبطلين الجلبريك نفسه اللي نزلناه حق الجهاز
ونفتحه
ضغطي على Just Boot







وكل ما طفى بس سوي اخر طريقه Just Boot

واذا في وحده ماذكرت الاصدار مالها تقولي واحط لها الطريقه بس انا اشوف ان هذيل اكثر الاصدارات اللي عند الناس وحطيتهم


اتمنى يعجبكم موضوعي من مجهودي وما انكر اني اتسعنت بGoogle حبيب ألب الجمييييع

وسلاااااااامتكم وعاشو الحاظرين

اسمممممع هلاهل هلاااااهل :ggdw::ggdw::ggdw:
​

 

[غيــرة انثى]

مشكووووره يا قلبي عاااد ودي اسويييه و انزل براامج اببلاش بس شلون اعرف اصدار ايفوني ؟

 

[softlady]

بنات انا مو مسويته وماعندي فيزا

وما كو برنامج موعندي

بأختصار عباله على الفاضي

مع احترامي للموضوع

كل برنامج بفلوس مقابله برنامج يشبهه مجاني

والله تلفوني بينبط من البرامج تبارك الله مشالله

ماكو شي بخاطري مانزلته ماادري ليش سالفه الفلوس !!

 

[..WhatEver..]

اختي SoftLady يمكن كلامج صح ان ال AppStore فيه برامج بفلوس والعاب بعد ومقابلها برامج ببلاش بس اللي ببلاش تكون Lite يعني اذا كان برنامج ببلاش تكون فيه مميزات اقل من اللي بفلوس والالعاب كذلك اذا كانت ببلاش تكون Lite اللى لما تلعبين وتتشوقين باللعبه تتسكر معاج ولازم تشترينها عشان تروحين المراحل اللي اعلى منها واللي عندها فيزا الله يهنيها بس ليش اقط فلوسي على برنامج وفي شي ببلاش هيهيهيهي << حزززززره

وتظل وجهه نظر يا عيوني

اختي الثانيه غيره انثى اذا كنتي قاريه الموضوع عدل راح تشوفين اني حاطه الطريقه عن اللقافه وتنزلين اخر شي بلا هالحركات هيهيهيهي << مياااانه عااادي

وفي شي اسمه شكرا ترا << غصصصصصصب

شكرا عالمرور الكريم
​

 

[مجنونه فيه]

يعطيك العافيه يارب

 

[..WhatEver..]

اختي العزيزه على قلبي غيره انثى اعتذر لج الغلط مني انا مو كاتبه الطريقه بالغلط والنبي هيهيهيهي << الحين بتنط علي وحده بتقولي مايصير تقولين والنبي

الطريقه عشان تعرفين شنو اصدارج اهيا :eh_s(22):

بالعربي

الاعدادات > عام > حول > الاصدار

بالانجليزي

Settings > General > About > Version

​

 

[مدرسة المستقبل]

السلام عليكم

يعطيج العافية على الشرح الوافي

أنا آيفوني 4.3.5

نزلت الجيلبريك والفورموير

وصلت لي هالخطوة بس ما طلعت لي الخيارات الموجودة في الصورة

وين ألقاها ؟ سويت بحث بفولدر الجيلبريك والفولدر الثاني ماكو شي

 

[..WhatEver..]

مدرستنا الفاضله اصدار 4.3.5 ماشرحت طريقه الجلبريك مالته وعلى فكره هذا الاصدار نزل له جلبريك مقيد

اذا عادي عندج انه مقيد انا حاضر اشرح لج الطريقه وانزل لج الجلبريك المناسب حق اصدارج


وسنننننننننكيووو بنك مصر على المروووور فديتكم ;**

 

[ورده خضرا]

بس مو جنا حرام
وشكراً*

 

[غيــرة انثى]

شنووووووو اللي حرااااااااااااااااااام ؟ :s142:

 

[ورده خضرا]

^لأنه يخلي البرامج الي بفلوس ببلاش مو سرقه

 

[ϻʟǎƙ ཞǿ7ყ*]

لا حبووبةة شكو حرام واذا ع قولتج يخليهم ببلاشش يعني سسرقه لا ياقلبي البرآمج اللي تصير مجانيةة هذي مكركه يعني مو النسخ الاصليه اللي بفلوس هذي يسوون نفسهم و يخلونهم ببلاش و بسس و لاتقعدين تحللين وتحرممين

 

[ورده خضرا]

^مشكوره على تصحيح معلوماتي

 

[AJMAL-ENSANA]

ههههه غرؤري قؤد لَك ههههه

يعطيج العافية سلوى المطيري يؤؤ قصصصدي وت ايفرررر هههه
ميته واسؤي جيل بريك حق ايبادي بس حالف علي ماي برذر ماادري ليش << اتوقع حسباله حرام نفس وردتنا الخضراااا لؤؤؤؤل

 

[..WhatEver..]

ههههههههههههههههههه ضحجتوني شفيكم تهاوشتو ترا كلها جلبريك ليش اقط 5 دنانير على برنامج شي بالعقل ودام في طريقه اوفر ليش ترفضينها وخلي الحلال والحرام بعيد عنا بليززززز فكينا من تنظيم القاعده لا يفجرونا

 

[ندى سالم]

حبيبتي كيف اعرف السوفت وير تبع جهازي انا معاي ايفون 4 ؟؟؟

 

[.:!:. ونس .:!:.]

2- تقدرين من السيديا تنزلين برامج تشترين برامج ال appstore ببلاش

انا عندي السيديا بس ششلووون انزل برامج ببلاش

 

[عازميه ولي فخر]

حبيبتي انا هذا اصداري 4.3.5 اذا عندج رابط التحميل بلييز عطيني الرابط

 

[ندى سالم]

بنات عفيه ردوو علي شنو السوفت وير انا ايفوني 4 شنو اختار؟؟؟