الحارج يذبح :( شنو علاجه ؟ و من شنو يجي ؟؟ ..

[منطلقة بطموحي]

السلام عليكم و رحمة الله و بركاته ..

الحااارج يذبح ..

خواتي .. من شنو يجي ؟ ..

و شنو علاجه ؟ ..

و شنو اسمه باللغة الفصحى ؟؟ .. عشان اقرا عنه بالكتب ..

ارجوو المساعدة ..

جزاكم الله كل خير ..

 

[DLOOL]

حياتي انا شفت على تلفزيون الكويت يقولون التفاااااااح الاخضر زين
وخلي عشاج خفايف ولا تكثرون البزار بالاكل

 

[منطلقة بطموحي]

ما شاء الله عليج اختي دلول .. بسرعة رديتي عالموضوع .. دقيقتين بعد ما نزلت الموضوع ..

مشكووورة اختي بروح اجرب التفاح و ان شاء الله يفيد ..

جزاج الله كل خير ..

 

[Maneena Manaana]

وعليكم السلام

الحارج بالفصحى اضن اسمه حموضة اوحموضة المعده
عليج بحليب باااااارد
وسمعت الخيار زين حق الحارج بس ما جربت الصراحه

وماتشوفين شر ان شاء الله

 

[منطلقة بطموحي]

تسلميين اختي دبدووبة ..

مشكورة وااايد ..

اتصدقين اي زين الخيار ! مساع رحت اشوف الثلاجة اجرب التفاح مثل ما قالت الاخت دلول بس ما لقيت عندما تفاح ، فا جربت الخيار و وايد زييين و الحمد لله خف الحاارج ..

جزاج الله كل خير اختي دبدوبة .. بارك الله فيج ..

في ميزان حسناتكم يا رب ..

و بشوف ايضا كتب عن ( الحموضة ) اللي قلتي عنها ..

 

[كنافه]

واي ذكرتيني لما كنت حامل بقيت اموت من الحموضه

بس انا كنت اخذ دوا شراب اسمه ديفاسكون وكله يحطون دعاياته عجيب

 

[xxx]

هلا اختي وماتشوفين شر انشاءالله


شوفي هالمعلومات


تجنب حرقان المعده ( الحموضه )

--------------------------------------------------------------------------------

لا يمكن تفاديه أو تجنبه بنسبة 100% ولكن تخفيف حدة الأعراض هو العلاج الأكيد:



- تجنب تناول الأطعمة التالية:

1- الأطعمة الدسمة.

2- الأطعمة الحارة.

3-المشروبات الحمضية.

4- الكحوليات.

5- تناول الأطعمة علي وجبات عديدة وبكميات قليلة.

6- قضم الأطعمة بمقدار ضئيل والمضغ جيداً لها.

7- عدم تناول كميات كبيرة من السوائل أثناء تناول الوجبات ولكن فيما بين الوجبات. والكمية التي يوصي بها للمرأة الحامل من 8 – 10 أكواب.

8- عدم النوم بعد تناول الطعام مباشرة.

9- النوم علي وسادات عالية أو أي شيء آخر المهم هو رفع الرأس، لأن الجاذبية تعمل علي منع ارتجاع حامض المعدة إلي الاتجاه العكسي.

10- اللجوء إلي الأدوية المضادة للحموضة بعد استشارة الطبيب فهي تحتوي علي

الماغنسيوم والكالسيوم التي تعطي إحساساً بالراحة لكن مع أخذ الحذر أن معظم هذه الأدوية عالية في نسبة الصوديوم​

 

[dima]

guwa men6alqa shloneeech ;*

ana now fene 7areeej

ekhti galatli ashraaab 7aleeeb bareed

jarbaay 7abebtii ;*

 

[منطلقة بطموحي]

اختي كنافة ..

جزاج الله كل خير بسأل عن هالدوا في الصيدلية .. مشكووورة وايد ..


اختي بنت الكويت ..

ما شاء الله عليج دااايما متميزة انتي .. بارك الله فييج و جزاج الله كل خير .. ردج وايد حلو ..


اختي ديووومة ..

مشكووورة حبيبتي و جزاج الله كل خير ..

 

[اعييز]

حليب باااااااارد ابيض


ووو مري علي اعطيج حبوب حق الحارج ماعرف اسمها بس اللي اعرفه ان تنباع ببوتس

 

[bambena]

الحليب البارد وايد زين

 

[ريمه الكويت]

احسن شى للحارج قشر الرمان فوحيه بالماى خليه يغلى زين وشربي الماى ماله
يسوى دباغه للمعده
وبعد السمسم شوى حمسيه عالنار الهاديه ( بدون زيت) لمايحمر طحينه مع شويه ملح خشن . واكلى منه شويه تقريبا نص قفشه شاى

ماتشوفين شر

 

[الغاليه نونو]

الحارج سببه ارتخاء بأعلي المعده للعضله ياقلبي عليج بالخيار وحده اب وحده وإذا تقدرين تلهمين قفشة ملح عليها قلاص ماي بعد وايد زين واذا تبين شى يقطع منج الحموضه والحارج موووووووليه تروحين حق زين الاتات تاخذين منه مسحوق الصدف البحري تحطين قفشه بقلاص ماي وتشربينه ويروح منج الحارج كلششششش ملششششش بإذن الله وماتشوفين شر يارب

 

[حبنا الله عليه]

سلامة عمرج يامنطلقة بطموحي

ومعلومات بنت الكويت اولاً + الحليب البارد KDD

 

[jolie_q8]

التفاح يزيد الحموضه !! << اسأل مجرب

الحليب البارد زين

بس اهم شي لازم تعرفين سبب الحموضه او الحارج؟

يعني لا تاكلين شي دسم ولا تثقلين بالاكل

الزعتر والزيت << يسوي حارج قويييييييييي​