الحامل ..والمجلس الطبي؟؟؟

[اخفي همومي بضحكتي]

السلام عليكم


بنات انا مرت اخووي حامل والحمدالله بس وحامها صعب يعني تكرمون لوووعه وتدوخ وتطيييح باي مكان وفــــــــــووووق هذا دوامها تعب يعني لازم تشتغل والا يتكود عليها الشغل واذا ردت تبجي بجي من ظهرها....
حيــــــل تكسر الخاااااطر


وابي مشووورتكم وخبرتكم بالمجلس الطبي
شلووون طريقتهم؟؟؟

علما بانها ماعندها اجهاضات من قبل ولله الحمد...

وقلت مالي الا خواااتي بالمنتدى يفيدوووني​

 

[بنت اكابر]

وااي جنج تتكلمين عني

والحين مقدمة باجر لجنتي بشوف اذا بيوافقوون لي ام لااا

ادعي لي


لي عوودة

 

[اخفي همومي بضحكتي]

ان شالله يوافقووون

جم شهر لج؟؟

وخبريني شنو يصير معااااج؟؟


موفقه يااااارب

 

[غلاي عزوزي]

حبيبتي المجلس شكو بالنفاس

انا خبره فيهم مرتين سويت
بس متي بالتاسع يعني حدي تعبانه وموصله مو توني


خل تاخذلها راحه جم اسبوع ليمن ترتفع نساتها وخل تسأل طبيبها اذا يقدر يسويلها تقرير طبي امكن تحتاج مع ان مالهم شغل بالوحام

 

[نونه الزعفرانه]

انا بنت خالتي كانت المشيمه نازله وقالو لها لازم ٢٤ تكونين نايمه على ظهرج ممنوع الحركه
وما وافقو على طلبها للمجلس الطبي
بس أهيا ختقدم وانشالله يوافقون لها

 

[aseman]

والله المجلس الطبي طواله موعدي مال المجلس اخر هالشهر وما يندرى شيصير
بس خلا مرت اخوج تقدم والدكتورة مالتها تدعمها بتقرير قوي والله كريم

 

[الفنانه79]

اممممممممممممم المجلس لوووعه وعباله


انا توه الاسبوع اللي طاف لجنتي وعطوني شهرين الحمدددددلله وان شاءالله اجدد

والله كريم

بس انا حاله خااااااااااااااصه يعني اهما يبوون حالات مستعصيه مو الوحام مايعطووونها

 

[أم عبود 2011]

رد : الحامل ..والمجلس الطبي؟؟؟

اللي أعرفه يوافقون عالتوائم - والمتأخرة بالحمل لسنوات طويلة وشرط تكون كبيرة بالعمر - المشيمة النازلة لعنق الرحم لأن لها أنواع على حسب تقديرهم - طفل الأنابيب - وطبعا تضل الوااااااااااااااااااااااااااااااااااااااااااااااااااااااسطة فوق الكل

 

[اخفي همومي بضحكتي]

ماقصرتو والله

 

[a-a-alrajhe]

الواااااااااااسطه...
انا رفيجتي حامل بتوئم ماوافقو ليها عطوها بس تخفيف عمل ساعتين...!!! وحدة ثانية معانا بالمدرسة مافيها شي تبارك الرحمن حتى مافيها وحام وافقوا عليها عشان واسطه...

 

[كويتيه مذهله 87]

بنات شكوا الواسطه
انا الحمدالله قدمت بدون واسطه
يعني اجهاض متكرر والدكتور الي يمسك تقريرج هو يعرف اذا تحتاجين صج ولا دلع

 

[المكسيكيه]

ان شاء الله يوافقون عليها

 

[مر الايام]

انا لا واسطة ولاشي جبت واسطة وماوافقوا عليها ....


وقدمت بدون واسطة والحمدلله انقبلت اوراقي والكل كان مستغرب شلون ؟ لكن دعمته بتقرير من دكتورتي الخاصة .... بس لما وصلت التاسع

كلش ماعطوني ولا يوم ارفضوا يعطوني الله كريم .


حاولي منتي خسرانه .... والتوفيق من الله .. والله يسهل عليها يارب والله حاسه فيها .

 

[أم عبود 2011]

رد : الحامل ..والمجلس الطبي؟؟؟

ربي ييسر لج أمورج
بس صج والله الواسطة موجودة حتى بالمجلس الطبي
بنت عمي دلووووووووووووووووعه حيل ومافيها إلا العافية وماشاء الله من حملت وإهي كل يوم اتنطط من مجمع لي مجمع حتى نساة ما حاشتها
تهاوشت مع مسئولتها بالدوام وقالت لريلها مابي أداوم قام الحبيب يسوي اتصالاته مني مناك وفعلا ضبطها وكاهي كل يوم قز بالمجمعات من صباح الله خير ماشاء الله ولا جنها حامل
آنا شخصيا أعرف لي وحدة هناك بالمجلس الطبي كل تقول لي ييبي تقريرج وأضبط تقول مو مشكلة خلي دكتورتج تكتب لج أي شي أستغفر الله ما أحب الفلس الحرام شكرتها وقلت لها لا قدر الله لو احتجت لهالشي باخذه من ربي مو منج
بس عسى ما تحتاجين لأحد وربي يكون واسطتج