الحجاب

[mamanoonaa]

اشكراااااا لج احلى برونزيه وشكرا على مرورج نورتي صفحتي
:33_1185028183:

 

[مزيونةq8]

ضـــــد >>
لانها توهي صغيره و حراام و هي صغيره متحجبه و تلبس جم طويل بعز الحر
انا عندي بعد ما تكبر احسن ..
تقبلي مروري ..مزيونة q8

 

[رفرف]

انا ما أأيد الحجاب وايد مبجر ان البنت ما تعيش طفولتها ..
شلون تركض مع اليهال اهي وحجابها وحر وهي اصلا مو مكلفة ليش اكلفها شي الله سبحانه ما كلفها فيه ليلحين ؟

بس من الصغر انهيألها الموضوع ونفهمها انه فرض وواجب وبيي وقت ينفرض عليها (لي كبرت) ونشرح لها اهميته وسبب تشريعه ونحببها فيه وهم تفهم انها اذا ما تحجبت امها وابوها يتحاسبون لأنهم مسئولين عنها .. اتوقع عقب هذا بتكون مقتنعة فيه 100% بس ننطر الوقت المناسب ..

تالي لي كبرت مو شرط بلغت بس البنية يفز جسمها تبين حزة البلوغ اتوقع هذا العمر المناسب بس بشرط تكون متهيأة من صغرها مو اخليها على راحتها ولا افتح معاها الموضوع وفجأة من تبلغ احجبها جنه غصب !!

انا ماعندي تجربة بهالموضوع لأن بنتي صغيرة 6 سنوات ..
بس من عمرها 3 سنين شاريتلها عباية وشيلة فلة من مكة وهي تحب تلبسها وشاريتلها شيلات على أميرات وهلو كيتي عرفتوهم ملوت البنوتات ؟ اهيه من نفسها شافتهم بالسوق وبغتهم وانا حبيت اعزز هالسلوك وتحب تلعب فيهم وحتى مرات تلبسهم وتطلع ماقول لأ واشجعها اقولها لي كبرتي انشالله تلبسينهم على طول مثلي وهي تستانس من هالحجي تقولي اي ابي اصير مثلج ..

 

[landscape]

و الله انا ضد انها تتحجب و هي صغيرة بس لو كانت البنيه يعني طويلة و الا رويانه و عمرها مثلا 10 و الا 11 سنه يعني تتحجب او تلبس عبات من دون حجاب بس بعد البلوغ طبعا لازم

 

[miss abrar]

الحجاب قناعه مهما كبرت البنت لازم تتحجب بقناعتها وقبل البلوغ واو اللي تبلغ صغيره 10 سنين و11 سنه انا ضد ان يحجبونها اهلها

 

[زوجة جوجي]

ألتكليف من 9 سنوات
انا مع الحجاب من 9 سنوات

انا تحجبت يوم كان عمري 8 لان انا كنت احن ابي اتحجب
احسن على الاقل البنت تتعلم

 

[جوري الكوون]

انا مع tmtmt

 

[q8sweeta]

انا ضد الحجاب قبل البلوغ ...اولا لانها بنت وتبي تلبس وتلعب وتركض والحجاب نوعا ما راح يعيقها ..
ثاني شي ابيها تتحجب عن قناعه ..مابي تاخذ الحجاب وتتحجب واهي صغيره ولمه تكبر وتشوف غيرها لابس اتسويلي احجاب بونفخه وتطفح ويها ميكب وتلبس ضيق وقصير وتقولي حجاب ..ابيها ىاتحجب وتحجب احجاب عدل وسنع وتحترم الحجاب اللي على راسها وتحترم لبسها وكل شي بوقته حلو
غير جذي مسؤليتي احببها بالحجاب وهيأها له وخليها لي كبرت اهي تختاره بالوقت اللي يناسبها

 

[يمة يادلبي]

اممم شوفي احنا عندنا البنية من يصير عمرها 9 سنين انحجبها ومحد يعترض لأن العايلة كلها جذي
بس لأن احنا مقرقمييييييييييين حيييييييل ونتفة حييل فنتحجب باولى متوسط

وهذا أح ـسن شي لان البنية كل ماكبرت كل ما انفتنت بروحها اكثر وماحبت الحجاب

 

[فديتني وبس]

مادري بس انا ماايد البنت تتحجب واهيا صغيره
وانشالله اتحجب
وبس

 

[Fashion]

الصراحة انا ضد لبس الحجاب قبل البلوغ لانها توها صغيرة على لبس الحجاب خليها تستانس بطفولتها اذا كبرت اكيد راح تلبس وتقبلي مروروي وثانكس على موضوعج الرااااااااااااااااااااااااااااااااااااااااااائع[/

 

[~..MiMiNi..~]

انا ضد ..

لأنه بيقيدها بمرحلة طفولتها و مهما كان بتشوف اللي من عمرها يلعبون ويناقزون ويتزحلقون و اهي قاعده بحجابها لأنها ماتقدر تسوي شي او بيعيقها ..

من و اهي صغيره احببها فيه و اعلمها عليه و من تبلغ يصير شـي اجباري لا بكيفي ولا بكيفها ..

انا تحجبت و عمري 13 .. خواتي كلهم من 8 سنين و الحين يقولون جان زين مو متحجبين وودنا نقطه !! انا مابي عيالي يوصلون لي مرحلة يفكرون فيها يقطون الحجاب .. مع انه خواتي كلهم كانوا اهمه يحنون من كيفهم يبون نفس بنات عماتهم اللي من عمرهم :/

 

[Pepsi Cola]

انا افضل اني ارغبها واحببها في الحجاب قبل سن التكليف واذا قالت انها تبي تتحجب على طول احجبها بس اذا كملت التسع سنين غصب بتتحجب واهي طيبه بعد.
الحجاب حاله حال الصلاه واجــــــــــــــــــــب بسن معين.
يسلمو على الطرح المفيد​

 

[rawan22]

بيئه عن بيئه

بس انا عن نفسي ماراح اخليها تتحجب الا بعد البلوغ

ابيها اتعيش طفولتها بدري عليها

يعطيج العافيه

 

[pama girl]

انا مع الحجاب مع التكليييف والتكليف ماله شغل بالبلووغ ...هذا شرع مافيه كلااام ولمن الرسول يامرنا انفذ بدون مناقشه لان ما تشرع شي فيه مضره بالعكس تركه هي المضرة الاكيدة ..الدليل احنا مأمورين نعلمهم على الصلاة من 7 سنوات..هذا امر الرسول(ص) يعني مانعلمهم؟؟ علشان اطفااال؟؟ ليش منو الاعلم والافهم احنا ولا رسول الانس والجن؟؟؟؟

انا مع حجااب البنت من 9 سنواات..وهذا سن التكلييف....

انا اايد كلام حور:ggdw:

 

[((SAFIRA***Q8YA))]

اذا قبل البلوغ,,بنت عن بنت تفرق الأن في بعضهم يبلغون امبجر ويتحجبون وفي بنات يوصلون للثانوي وليلحين ما ابلغو
و طبعا ساعات ايكون جسم البنيه متغير فاحرص اني أستر جسمها قبل شعرها بلبس واسع ساتر واقولها عن الحجاب واحببها فيه
و هم شي اتحجب ابرضاها وقناعتها,,أنا مع اذا كان بلوغه متأخر

 

[شوكولاتيه]

قبل البلوغ لااا

الا اذا كانت هي تبغى تتحجب

بنت اخوي من كثر ماهي متأثره فيني

وهي عمرها 9-10 اصرت هي تتحجب

وانا كنت اقول لها خليكي بعدين مارضيت

و اختها ما تحجبت الالما بلغت

بس اهم شي تكون عندها قناعه بالحجاب

مو عملية اجبارية

 

[Red carpet]

انا مع الحجاب يكون قبل البلووغ
و اساسا اهو فرض من عمر 9 سنين
لان بهالعمر العقل يكون مكتمل
و البنت تتحاسب من 9 سنين
و راح تكون مفاتنها ليلحين مو باينه
شالفايده يكون جسمها طلع و الاوادم شافوها و عقب تتحجب
راح يذكرونها قبل ما تتحجب بمفاتنها و زينتها
و لو مثلا البنت ما بلغت
فيها مرض لا سمح الله
شلون يعني ما تتحجب؟؟
و التهذيب ايي من الصغر

 

[*غرور انثى*]

الحجاب بعد البلوغ احسن عشان تحس انها صارت كبيره مع التغيرات الي تصير لها

نفس رايي بالضبط ومشكوورة

 

[11 ادبي]

اكيييييييييييد مع انا اصلا تحجبت وانا برابعه ابتدائي

اذا البنت حابه تتحجب اي خل تتحجب ليش لاء

اما اذا ماكانت تبي واهلها غصبوها اهني اقول انا ضد هلشي