الحجاب

[فـلـفـلـهـ]

انا ضده .. خلها تعيش طفولهتااااااااا

 

[ازمه وتعدي]

بعد البلوغ لكن اكيد فى علامات وجسم البنت يتهيا

لعمليه البلوغ يعنى يطلع لها صدر وتبين ملامح الا نوثه عندها


انا بالنسبه لى بناتى رااااح اخليهم يتحجبون و يغطون وجههم بعد البلوغ


لكن قبله تلبس عبايه على الكتف اذا وصلت لعمر 10 سنوات لكن ماراح اخليها تغطى وجهها


الا اذاا هى تبى تتغطى <<< انا اشوف قبل 13 تتغطى او تتتحجب براحتها لكن مو غصب [/b]

اما بعد البلوغ اكيد راح تغطى وتلبس العبايه


ربى ماانزل شى الا وله حكمه الحجاب اللى العالم مستهينه فيه والله انه درع واااقى لكل انثى من نظرات الرجل والحرام والفتن


شوفوو حكومه حماس فرضت على الطالبات لبس الحجاب بالمدارس << اللى ماتلبس الجلباب عندهم مايسمحون لها بدخول المدارس


يعنى العالم وصلت لشى احنا ملتزمين فيه من زمااان

اتمنى من كل اخت غير محجبه تستغل رمضان وتتحجب

من ترك شيئا لله عوضه الله بخير اا منه [/color][/color]

 

[*أم*خالد*]

الحجاب لحفظ البنت من نظره الريال الجنسيه الحيوانيه المعروف فيها لأنه وانتو بكرامه لوووول

البنت الصغيره ماتثير غريزه الريال ( المنحرفين ما ينعدون لأن اكو منهم نفوسهم تفز على صبيان صغار مانقدر نحجب الصبيان بعد )

فـ ما اشوف له داعي ابدا ابدا ... وتكسر خاطري البنت الصغيره المتحجبه احس منتقصين من طفولتها

خلوها تعيش طفولتها وتستانس .. وبلبس عادي بنطلون وبلوزه .. اكو ناس الله يهداهم الابو لحيه والام نقاب والبنت لبسها ماله علاقه فيهم العلاق والشورت

يعودون البنت على الحياء واللبس السنع .. ليحد ماتكبر وتبلغ وتتحجب

 

[فرااااولة]

قبل سن التكليف
عشان تتعود عليه شوي شوي
وبعدين البنات اللي يقولون على كيفها بعد البلوغ؟؟؟؟وشرع الله وين راح؟؟؟؟؟

 

[HeR HiGHNeSs 90]

غلط غلط غلط ومليوووون غلط لانه بهل شي بتجذبين الانظار لها انها صارت مره والله حراام عليكم انا اتحجى لاني عشت هل شي انا تحجبت قبل لا ابلغ قبل كل خواتي حتا اميييي تحجبت واهي كبيييييييييره وعندها اربع بس انا تحجت صغيره والحين قاعدا ادفع الثمن ماحسيت بطفولتي ولاعشتها حراام والله حرام منو بيردلي حياتي الي راحت ماحسيت اني استانست مثل باجي اليهال البنات خصوصا وانه عايلتنا حتا الحريم الكبار اليدات مو متحجبين وايد حسيت بفرق

 

[qadsawia]

والله انا اقوول ان البنت اذا بلغت تتحجب لان انا جذي مابلغت الا لما بروح اولى ثنوي وعلى طوول بلغت وبعد اسبووع تحجبت
بس في بنات يبلغوون بسرعه واهما بعدهم يهال اهني عااد انا من رايي نخليها شوي بعدين عااد نحجبها لانها ياهل وتبي تستانس
بس في وايد يهال يبي يتحجبون عااد هذا على الاهل لان انا اختي الحين تبي تروح اولى متوسط وتقوول انا بتحجب وامي تقولها لما تبلغين اتحجبي وهذا من وجهه نظري يسلموو ع الموضوع

 

[حناينq8]

ضد الحجاب قبل البلوغ

 

[النشبه88]

سن التكليف 9 سنين وواجب على البنت تححجب شي واجب مو شي اختياري
وكل ما كبرت وتأخرت بالحجاب يكبر راسها وياها

 

[المـــــها]

لأ
يعني لما تبلغ أو لما تكبر شوي يعني على ال 13

 

[كريستال ليدي]

انا ضد

ليش تتحب و اهيا ياهل ؟ ماكو سبب حق الحجاب بهالعمر خليها تعبش طفولتها حالها حال اليهال

 

[أم حورية]

سن التكلييف مو هو سن البلووووغ؟؟؟؟


عالعموم انا ضد حجاب البنت قبل البلوووغ.... توها صغيره وبتحس بالنقص وتحس بالتقييد

اذا بلغت اكيد تتحجب

لييييييييييييش النقص والتقييد بالعكس .. يمكن الحجاب يضايق شوي مع اللعب بس دام انه حابته راح يكون عادي عندها ..

انا مع الحجاب .. والام محاسبة سواء رضت البنت ولا ما رضت ..

انا تحجبت وعمري 8 سنين وما حسيت لا بالنقص ولا التقييد ..

والحجاب واجب تلبسه البنت بعمر 9 سنين حتى لو ما بلغت .. وقبل هالعمر هو العمراللي تبدي البنت تفهم شوي شوي يعني أعلمها عليه واذا لبسته زين على زين يعني التربية تبدي قبل سن التكليف لأن كل شي على التعود واذا تعلمين البنت على الحشمة راح تلبسه من نفسها ..

ومشكورة عالموضوع ..

 

[أم حورية]

سن التكليف 9 سنين وواجب على البنت تححجب شي واجب مو شي اختياري
وكل ما كبرت وتأخرت بالحجاب يكبر راسها وياها

كلام منطقي 100%

 

[• قلبه نصيبي •]

شوفي انا ماحب اغصب وحده علي الحجاب بس اذا شفتها محنجه علي الحجاب ليش لا
بكوون مع مو ضد

 

[cute q8 girl]

انا مع الحجاب يكون قبل البلووغ
و اساسا اهو فرض من عمر 9 سنين
لان بهالعمر العقل يكون مكتمل
و البنت تتحاسب من 9 سنين
و راح تكون مفاتنها ليلحين مو باينه
شالفايده يكون جسمها طلع و الاوادم شافوها و عقب تتحجب
راح يذكرونها قبل ما تتحجب بمفاتنها و زينتها
و لو مثلا البنت ما بلغت
فيها مرض لا سمح الله
شلون يعني ما تتحجب؟؟
و التهذيب ايي من الصغر

أأيدج

و كلام صح بصح و انا تحجبت و انا عمري 9 سنين

و مابلغت اله بعدها4 او 5 او 6 سنين (مااذكر )

 

[Escada <3]

آنا ضد لمن يكوون غصبن عليها أما أذا البنت تبي ومقتنعه ليش لأ ..؟

 

[Judy abbott]

سن التكليف اهوه 9 سنوآت والبنت لازم تتحجب من عمرها 9 سنوات واتفق مع وجهه نظر الاخت red carpet

 

[mamanoonaa]

شاكره مروركم

 

[asrar mdfona]

اذا كانت البنت اهي تبي تتحجب وقتنعه فيه انا معاها
لكن اذا كانت ما بلغت وغصبوها انا ضد


واذا بلغت لازم تتحجب

 

[كويتيه حلووووه]

انا مع الحجاب مع التكليييف والتكليف ماله شغل بالبلووغ ...هذا شرع مافيه كلااام ولمن الرسول يامرنا انفذ بدون مناقشه لان ما تشرع شي فيه مضره بالعكس تركه هي المضرة الاكيدة ..الدليل احنا مأمورين نعلمهم على الصلاة من 7 سنوات..هذا امر الرسول(ص) يعني مانعلمهم؟؟ علشان اطفااال؟؟ ليش منو الاعلم والافهم احنا ولا رسول الانس والجن؟؟؟؟

انا مع حجااب البنت من 9 سنواات..وهذا سن التكلييف....

انا مع الاخت ..

انا تحجبت وعمري كان 9 سنين مع سن التكليف وبلغت عقبها ب4 سنين وبالعكس ماخذا طفولتي وبرائتي ولا لعوزني وماخلاني العب عدل

((((اهو يعتمد عالبيئه وعلى قناعة البنت نفسها )))) يعني البنت اللي مو مقتنعة بالحجاب اقتناع كامل تحس انها ماعاشت الطفوله

واللي تكون قريبه من الله حيل حيل ماظنتي تحس بيوم انها تحسفت على لبس الحجاب بسن صغير

انا لي عمر 14 سنه كنت العب مع اليهال وامسك باربي وماحسيت الحجاب كان عائق ولا سلب مني شي

الحمدلله ابوي ماغصبني بس من يوم كنت صغيره وانا امي كانت تقولي عن الحجاب لما صار عمري 9سنين وتحجبت وكنت مستانسه معنه يدتي وكل الناس كانت كل ماتشوفني تقول حرام عليكم توها ياهل وحزتها كان صيف وخنننننننننننننننقه وحرر مووت بس عادي انا كنت متقبله الشي هذا وللحيين بعد مقتنعه الحمدالله طبقت الشرع وتحجبت وانا بسن التكليف

البنت اذا من الصغر تعلمت عالدين بنغرس فيها احسن من مايكون الحجاب على كبر ويفز جسمها وتكون متعوده على لبس معين ولا على تساريح وقصات معينه وعيونها متبطه على اللي حواليها راح يكون اقتناعها اقل اما يوم صغيره ماتفكر بهالطريقه وتستانس بالحجاب وتبي تتحجب اليوم قبل باجر



والحمدلله اني تحجبت صغيره وصليت وصمت وانا صغيره هم

واللحين مافرق لبسي عن ماكنت صغيره ..عادي البس بدل او عبايه عادي المهم شي يسترني ومايلفت :eh_s(6):