الحجز عن طريق الانترنت المميزات والمساوئ

[ArEEj]

السلام عليكم
الكثير لهم خاطر يعرفون عن الحجوزات عن طريق الانترنت
وما شاء الله اغلب البنات خبره بهالسوالف
تعالوا نتناقش ونساعد البنات اللى محتاجين مساعده

انا بالنسبة لى احب الحجز عن طريق الانترنت
يعطيج اختيارات اكثر تختارين الفندق اللى تبين وتشوفين صوره وتقارنين بالاسعار بين المواقع
كل المواقع اللى تعاملت معها في الحجوزات كانت 100%
يعنى الحمدلله مواقع مضمونه
الاسعار طبعا حييييييييييل فرق وارخص من مكاتب السفريات
واهم شي
انج قاعده في بيتج جدام تلفزيونج وبين عيالج وتحجزين
مو ناطره دور بالسفريات واذا وصلتى عند الموظف يحاول يخلص منج بسرعه

يعنى المميزات واجد
العيب في شي واحد تغيير الحجز او لما تكنسلينه
طبعا اذا كنسلتى مبجر ماكو مشكله
بس اذا كنسلتى متأخر يتم خصم عليج
العيب الثاني
بعض المواقع تخصم من الفيزا مباشرة
انا افضل المواقع اللى بس تحجز لج والدفع يكون في الفندق

ثانيا حجز الطيران
من تجربتى بس جربت طيران الجزيره
واسهل منه ما فيه
تحجزين وتطبعين الفويتشر من الايميل وبس
وجهزي جنطتج _03ba:

ارجو ان الموضوع عجبكم واتمنى من البنات اللى عنده خبره بالموضوع مشاركتنا بخبراتهم
من مميزات ومساوئ

 

[Om Shahen]

يعطيج العافيه على الموضوع
جنج تدرين باللي قاعده أدوره قاعده ادور موقع سفريات مضمون عشان أحجز منه لأن وايد سمعت مثل ما قلتي أرخص من مكاتب السفريات
يا ريت تحطين لنا المواقع المضمونة اللي جربتيها عشان الكل يستفيد << ومنهم أنا لووول

 

[أشكي عليك الحال]

انا جربت حجز الطيران من النت وماكوو اسهل منه

بس الفندق ماحجزت زوجي مارضا يقول يمكن مو ثقه

ويعطييييج العافييييييييه عالموضوووع

ومشكوره يالغاليه

 

[ArEEj]

تسلمووون ع المرور والتعليق
بالنسبة للمواقع المضمونه واللى جربتها

موقع خطوط الجزيرة
http://www.jazeeraairways.com/

موقع أسيا ترافيل
http://www.asiatravel.com/

موقع اسيا رووم
http://www.asiarooms.com/

موقع اسيا اير
استخدمته في حجز الرحلات الداخليه في ماليزيا
ويخدم هالموقع اغلب الدول الاسيويه
http://www.airasia.com/site/my/en/home.jsp


وهذا موقع جراند حياة دبي هم حجزت منهم مباشرة وحجزهم مضمون وعندهم خصومات كان
http://www.dubai.grand.hyatt.com/hyatt/hotels/index.jsp


هالمواقع اللى جربتهم
يلا عاد شاركونا بخبراتكم
شنو المواقع اللى جربتوهااااا ؟؟

 

[آه يا زمن]

للرفغ

 

[هيون و بس]

expedia.com
انا دايما احجز منه خصوصا حق امريكا مضمون و ثقة

 

[Om Shahen]

للرفع

 

[ArEEj]

expedia.com
انا دايما احجز منه خصوصا حق امريكا مضمون و ثقة

مشكوووره ع الاضافه :wqedqw:

 

[بقلاوة]

هلا وغلا فيكم :eh_s(7):

وانا بعد معاكم بسهولة الحجز على النت

من ناحية الارخص وتختارين المكان اللى يلائم ميزانيتج

وعلى طول احجز للفنادق من موقعwww.fendeq.com

وايد سهل وحلوة تحجزين ولما توصلين تدفعين حجزت منا حق دبى والبحرين ومسقط ::eh_s(15):

وبالنسبة للطيران جربت الكويتية والجزيرة والطيران العمانى ... كلهم سهالات حجزى ودفعى وطبعى تذكرتك وزهبى شنطتج وحولى خردتج:bye22:

 

[ArEEj]

هلا وغلا فيكم :eh_s(7):

وانا بعد معاكم بسهولة الحجز على النت

من ناحية الارخص وتختارين المكان اللى يلائم ميزانيتج

وعلى طول احجز للفنادق من موقعwww.fendeq.com

وايد سهل وحلوة تحجزين ولما توصلين تدفعين حجزت منا حق دبى والبحرين ومسقط ::eh_s(15):

وبالنسبة للطيران جربت الكويتية والجزيرة والطيران العمانى ... كلهم سهالات حجزى ودفعى وطبعى تذكرتك وزهبى شنطتج وحولى خردتج:bye22:

عيل جذى طيحنا سوق السفريات
بسوون احتجاج علينا
لووول
يسلمووو ع الاضافه

 

[غالية22]

انا جربت الاماراتية في طريقتين للحجز اما انج تدفين بالقيزا او تحجزين وبعدين تدفعين بالمكتب والحجز سهل

 

[مدندنه]

ميزة انج تحجزين من سفريات تعرفينهم
انج تغيرين وتلغين وفي السفر اذا صار مشكلة مع الفندق او الطيران .. يدبونج

اما النت .. حلو بس مو ايام الصيف والزحمة ... لان اي مشكلة .... منو تراجعين ؟؟

 

[ArEEj]

ميزة انج تحجزين من سفريات تعرفينهم
انج تغيرين وتلغين وفي السفر اذا صار مشكلة مع الفندق او الطيران .. يدبونج

اما النت .. حلو بس مو ايام الصيف والزحمة ... لان اي مشكلة .... منو تراجعين ؟؟

أى صح هذا اللى تكلمنا عنه
من مساوئ الحجز عن طريق الانترنت هو عملية تغيير الحجز او اذا بتكنسلينه
عشان جذى اللى يحجز لازم يكون متاكد من التواريخ اللى يبيها تكون تناسبه
لان التغيير يكون صعب شوي

يسلموووو ع المشاركة

 

[أم كادي]

يعطيج الف عافيه

 

[أحلى^حياه]

حبيت اضيف مواقع انا مجربتهم
gtahotels.com
galahotels.com

 

[ام _خلودي]

اناا المواقع الا حجزتهم منهم ومضمونه

http://www.expedia.com/

حلو الموقع ومرتب ومضمون الف بالميه
وطريقة الدفع يخصمون على طول

الموقع الثانى
http://www.booking.com/
انا جربته بحجوزاتى لاوربا الموقع مضمون

واسعاره حلوه وارخص من اكسيبديا لان اكسيبديا يقصون
من الفيزا عموله بس هالموقع ماياخذ منج عموله
وطريقتهم بالدفع يسون HOLD
على المبلغ وبعدين اهناك تدفعين

 

[د.شريفة]

انا احب احجز عن طريق النت الصراحه شي حلوو
من ناحية الطيران تعرفين الاسعار وتحصلين ارخص الاسعار
ولا يقصوون علينا مكاتب السفريات
والا من ناحية الفنادق احسن واحسن تشوفين الصور بعيونج وارخص بوايد واااااااايد من الحجز من السفريات وارخص اكثر من انج لما توصلين الديره وتحجزين فرق السما عن الارض

 

[RegaLoS]

جربت موقع الكويتية
او الجزيره حده كلينا فيها مقلب لان ما ايبنلج اذا في ترانزيت الا بالمطار
الاماراتية
البريتش
او لما اتكنسلين سهالات يخصمون منج شويه او اقل من المكاتب اذا استلمتي التذاكر
الفنادق احسن موقع او ارخص موقع او اغلب السفريات يحجزون منه او منهم سفريات المستقبل

booking.com
اسعاره حدها رخيصه او يسوون عروض بين فتره او فتره او مايقصون من الفيزا الا اذا رحتي الفندق
او امينين ال تشوفينه بالصور اتشوفينه بالواقع

 

[ArEEj]

تسلمووووون ع الاضافات
شي حلو تذكرون تجاربكم ويستفيدون منها البنات
يعطيكم العاااافيه

 

[مدندنه]

حبيباتي .... ملاحظة بعد

بعض المواقع يوهقج شوي شلون ؟؟

مثل http://www.expedia.com

تحجزين وتحطين بطاقتج ... وبعد ما تخلصين تتفاجئين انه يقولج الرد راح يوصلج بعد كم يوم !!!!!!

يعني يعلقونج ... مو بنفس اللحظة يجاوبونج

ولا تقدرين تحجزين من مكان ثاني لانج ناطره !!!!

تاكدوا من هالشئ

من المواقع الزينه لحجز الفنادق

www.hotel.com

يعطيج تاكيد الحجز بنفس اللحظة

موفقين