الحزام الحراري

[كيكة كاكاو]

السلام عليكم يا بنات .....
شلونكم ان شاء الله تكونون بخير .....
سمعتو عن الحزام الحراري او الشورت الحراري ؟
انا سمعت انهم يضعفون وايد
وبصراحه شريت حزام من محل الرياضي
بس حبيت اسال اذا سمعتو عنهم ؟؟ وهل يفيدون ولا لا ؟؟ وهل تحسون بحراره لما تلبسونهم؟؟
لان انا ما احس بحراره لما البس الحزام اخاف مو اصلي او خربان
يا ليت تفيدوني والكل يستفيد من تجاربكم

 

[مسك 3]

مشاركة: الحزام الحراري

الحزام الحراري انا توني هابة فيه ما تحسين بحرارة بس تحسين المنطقة تعرق وايد
انصحج لبسي فنيله قطن تحته وغسليه بين فتره وفتره مو بالغساله بس فوطه فيها ماي
والشورت ما جربته

 

[كيكة كاكاو]

مشاركة: الحزام الحراري

هلا والله مسك
حبيبتي انتي تحسين بعرق وايد وانتي لابسته ؟؟
انا احس عادي بس لما افصخه احس المنطقه معرقه بس هم مو واااايد يعني نص ونص

 

[مسك 3]

مشاركة: الحزام الحراري

انا يمكن لأني ألبسه وأمشي عالجهاز والحزام اللي عندي اسكره عدل
اذا كان الشورت او الحزام شوي كبار ما يضغطون وايد

 

[مسك 3]

مشاركة: الحزام الحراري

اقوول لو تشيلين الصوره اللي حاطتها يمكن الله يسهلها ونضعف كلنا
كل ما أشوف مشاركه لج اروح ادور كاوكاو

 

[كيكة كاكاو]

مشاركة: الحزام الحراري

والله ضحكتيني :d
احنا لو الله يفكنا من هالكاكاو ....
تصدقين صج انا بعد لما البسه واستخدم الجهاز ( اوبت تراك ) اعرق وايد
يعني مع الحركه
على العموم مشكوره وااايد مسوكه

 

[مسك 3]

مشاركة: الحزام الحراري

العفو حبيبتي وعقبال مقاس 10 انجليزي قولي آمين

 

[كيكة كاكاو]

مشاركة: الحزام الحراري

لا لا انا ما ابي 10 ابي اكبر شوي :d ( طرار ويتشرط )
اتصدقين انا بس يبيلي 5 كيلو بس شسوي الوزن معلق مو راضي ينزل واغلبه في البطن وفوق (اللي يسمونها الكبد )
عشان جذيه قلت اجرب الحزام

 

[كيكة كاكاو]

مشاركة: الحزام الحراري

اتصدقين امي عندها شورت حراري اول ما تلبسينه اتحسين بحراره
ما ادري ليش حزامي مو وايد حار

 

[لولو_q8]

مشاركة: الحزام الحراري

والله ماادري

 

[مسك 3]

مشاركة: الحزام الحراري

انا نفس المشكله
وان شاء الله نلقى حل
انا ابي انزل 10 كيلوات من ولدت والوزن ثابت اللهم ياكافي يزيد ما ينقص

 

[رهووووووفه]

مشاركة: الحزام الحراري

بنات شخباركم،،،

انا عاد خبيرة حرارة ههههههههههههه

اول شى عندى السونا بلت اذا هذا قصدكم بالحزام الحرارى sunna belt هذا انا جربته تونى باديه فييه احس بحرارته لان فييه درجات للحرارة بس لحين ما اقدر اقول ينفع او لا لان تونى شاريته،،،

وفى سونا روم هم عندى اللى اجلس داخل غرفه حراريه واطلع راسى احب استخدمه بس عيبه يلعوز خاصه انى استخدمه مع خلطات مسويه نفسها فنانه هههههههههه

وعندى سونا شورت البس والعب رياضه ووقت اشيله اللى لا يرويكم جنه مطلعته من غساله بس ما اقدر اتحمله وايد ضاغط على جسمى ويضايقنى باستخدمته مرتين يمكن بس احسه زين صراحه

وفى بعد بدله كامله سونا كانها كيس نايلون عاد هذا اللى صج يعرق جمسى البسه والعب رياضه مشى على الجهار واشيله الا جسمى ينقط عرق نقط نقط توصل للارض كانى ماخذه دوووووووووش

وهذا كل شى وشكرا

 

[كيكة كاكاو]

مشاركة: الحزام الحراري

هلا والله رهوووووفه
بعرف الحين يعني ضعفتي من هالاشياء ولا لا ؟؟؟

 

[sadan]

مشاركة: الحزام الحراري

السلام عليكم يابنات

انا معاكم وجربت الشورت وامشى عالجهاز ربع ساعة بس تصدقون حسيت ان جسمى انلم اشوى يمكن هذا لانى مو متينة

ومعاه احط الحزام نفس الشى بس اول شى البس تحتهم فانيلا وسروال طويل علشان لا يتحسس الجسم وبعد يمتص العرق

بس لا سألت دكتورى قال موتفتكرين انج كلما علرقتى اكثر يعنى ينزل وزنج انت غلطانه لان اللى ينزل ماى مو دهون

بعدين هونت وقمت العب وامشى عادى بدونه

 

[كيكة كاكاو]

مشاركة: الحزام الحراري

ما ادري والله
انا شريته لاني سمعت وحده تقول انها اول ما بدت شرت منه قياس large وبعد فتره medium وبعدين small يعني مع الاستخدام ضعفت

 

[شدن76]

مشاركة: الحزام الحراري

انا ودى اشتري بس محتارة اى نوع اخذ

عجبنى واحد حاطينه بجريدة الصفاة نوعيته امريكى طبعا اهو حزام وله سحاب ماينلف نفس الباقى

 

[رهووووووفه]

مشاركة: الحزام الحراري

كاكاو

هلا انا بعد اسبوع اخبرج لان اول مرة اشتغل بجديه اول كل شى عندى بس كسوله خلنى اجربه اسبوع بذمه وارد عليج بس الحزام مانفعنى احس لحد احين

 

[*** دلــــع الكــويـت ***]

مشاركة: الحزام الحراري

وننتظرج

 

[saro0ona]

مشاركة: الحزام الحراري

انا اختي جربت الشورت و فادها ما شاء الله .. وايد ... لأنها كانت تلبسه و تسوي رياضة بنفس الوقت .. فكان تأثيره قوي ...
مشكوورة

 

[chica_q8iya]

مشاركة: الحزام الحراري

انا وحدة من الناس وايد استخدمت الحزام الحراري
وقالولي انه يطلع ماي مو دهن يعني مايضعف!
بس لمن رحت حق دكتورة قالتي انه بطني مو بس دهن، فيه سيلوليت بعد!
ةالسيلوليت ماي مختلط بدهن وصعبة يروح!
فسألتها عن الحزام الحراري وقالتلي انه العرق ينظف الجسم من السموم والسيلوليت يعتبر سموم
يعني قالتلي شربي لترين او 3 لترات ماي باليوم وعرقي بالحزام وانتي تسوين رياضة وروحي الحمام وايد عشان يطلع السيلوليت مع العرق والبول!
جربت كلامها اسبوع والصراحة نزلت كيلو! طبعا مع الاستمرار بالريجيم بس ريجيمي ماقام يأثر فيني لانه السيلوليت ماله شغل بالريجيم!