الحزن وضعف النظر واللي جربوا النظارات؟

[قاهره عذالي]

السلام عليكم جميعاا


حابه اسال اللي عنده معرفه بضعف النظر

انا عيوني ضعف النظر عندي فجأه البعيد ما اشوفه

يعني بالمحاضرات لما يكتب الدكتور كلام على اللوحه ما اشوف الا لازم اكون قدام قاعده وقريبه

رحت فصلت نظارات ومليت منهم مو حابتهم احس ثقل علي

ولما اقطهم اصدع واحس اني اتعب عيوني لما اقطهم لان اكون معتمده بشوفي على النظاره

انا خايفه اخسر نظري

شنووو سبب ضعف النظر ؟؟

وهل الحزن له علاقه وكثرة الدمووووووووووع ؟؟؟؟؟؟؟

وهل فعلا في فيتامين لو اكله يقوي نظري وافتك من النظاااااااره؟؟؟؟؟؟؟

 

[منو انت]

اكيد كثر الدموع تاثر على العين عسى الله يكفيج ويكفينا شر الحزن يارب


انصحج تروحين لدكتور مختص وماتهملين نفسج

 

[غرايب]

كثرت الدموع تأثر على النظر وهذا مذكور في القرآن سورة يوسف عليه السلام لما بكى عليه سيدنا يعقوب ((فابيضت عيناه من الحزن فهو كظيم ))

واذا ما لبستي النظاره أكيد راح تتأثرين بشكل سلبي

لازم تلبسين النظاره وما تنحرجين منها هاذي صحه مو لعبه

الله يشفيج

 

[قاهره عذالي]

انا مرت علي سنتين كلها بجي ببجي كل يوم لازم تنحرق عيوني بالدموع

اخر شي طلعت من هالمصايب بدموع وبجي وبس خلص الحزن وارتحت لقيت اني ما اشوف وخسرت نظري اللي قبل سنتين كان اوكي واشوف عدل


طبيب مختص شيسولي بس نظارات يفصل لي ماعنده شي ثاني يعطيني يرجع لي نظري نفس ما كان؟

 

[غلآ مطير]

الصداع الي فيج من النظر التزمي بالنظارات لاتقطينهم الا حزه النوم
وبالطلعات البسي عدسات في عدسات شفافه والملونه

انا بالطلعات العاديه مااحب البس ملونه احس تلفت النظر فالبس شفافه والحمدلله مرتاحه عليهم
بس اكيد بالمناسبات والزواه غير

بس احسن لج بالبيت النظارات لانه العدسات كثرتها مضره

بس انا بين فتره وفتره احس الالم وصداع بس لما اروح يطلع نظري نازل


بس والله ان جت فتره حيييل التزمت فيهم ولما رحت رد نظري نص درجه بس الحمدلله

بس الحمدلله الحين الطب تغير وفي عمليات ليزر للعين شوفي في اكثر من عمليه ابحثي بقوقل


انا لما كان عمري 15 رحت لدكتور سامي ربيعه وقال اذا كملتي 21 سنه اسوي لج عمليه

عاد توني كملت بس مادري خفت واحس تعودت

بس ان شاء الله الفتره الجايه متي ماالله كتب بسويها

اي في اكثر من بنت اعرفها سوت العمليه وتقول ان نظرهاا زين ماحست ان رد مثل قبل

والله يشافينا يارب

سوري ع القرقه :$

 

[قاهره عذالي]

اخاف من العمليات

اعرف بنت سوت ليزك صارلها شهر وتحس ماتغير نظرها هو هو

انا الحين نظارتي انكسرت لان مره نسيت ونمت فيها

يبيلي اروح اصلحها

انا بفصل نظارتين وحده اطار قوي عشان ماتنكسر حق البيت ووحده شكلها زين حق الطلعه
والعدسات عيوني فيهم حساسيه بس بشتري حق العروس والزوارات ملونه

لان الشفافه قبل استعملتهم اختي

تقول لما اجي انزلهم ما اشوف ما اعرف اطلعهم

والله عيونه تبي اهتمام عشان ما نخسرها

الله يعين

انا بلتزم على النظاره

بس غلا مطير بما انج خبره

هل لازم كل شهر اروح اجيك على نظري ؟؟؟؟

والا كل 6 شهور والا شلون الطريقه بالضبط؟؟؟

 

[مهندسسة]

انا صارلي 9 سنين بلبس نضارة !!!
بس صراحة صارت تضايقني وصرت اكررهاا ولا اطيقها .. والصداع شي طبييييييييييييييهي لما ماتلبسيهااا
لانك بتحتاجي تركيز اكثر واقوى لما تصيري بدك تشوفي شي بعيد عنك .....
الاحسن انك تلتزمي بالنضارة او تعملي ليزيك انا مفكرة خلال اسبوعين اراجع طبيب حتى اسوي الليزيك سهللللللللة مدتها عشر دقايق العملية او ربع ساعة ومش محتاجة جراحة ابدا فقط ضو الليزر وسسهلة جدااا وترتاحي طول عمرك
انا خلص قررت اعملها وارتاح

 

[طموحه بزياده]

انا من عمري 13 لي الحين 22 وانا الس نظارات وطبيعي اذا قطيتيهم تسبب صدااع مو طبيعي لان قصر النظر يؤدي الى محولتج التركيز بعيونج حيل عشان تشوفين فالنظارات تعتبر علاج


وثاني شغله

ضعف النظر شي طبيعي ويعتبر مرض العصر والسبب الالكترونيات والشاشات من لابتوب وتلفون وتلفزيو يعني حيل طبيعي



الحل يا تتعودين عالنظاره


يا تسوين عمليه

 

[بيضه كندر]

اي يمكن يكون من الدموع

بس اول شي روحي لدكتور قبل لاتفصلين لان يمكن فيج جفاف انا عيني صار فيها جفاف من كثر البجي << قولي لها جب تبجي :$

وعطتني الدكتوره قطره مرطب للعين باليوم استخدمها 4 مرات وكل مره قطرتين اهيا ع حسب حالتج تعطيج

وهم فصلت نظاره

واذا راسج يعورج من النظاره يمكن لان توج تستعملين النظاره لان انا اول ما استعملتها راسي يعورني

 

[قاهره عذالي]

بيضه كندر
المهندسه
طموحه بزياده

شكرا لمروركم

 

[بكره أحلى وأحلى]

وعليكم السلام

الله يبعد عنج الحزن ويعوضج كل خير ويسعدج

انا انصحج بالاثمد .. كحلي عينج فيه وان شاء الله بيرد لج نظرج مثل ما كان

.

وعَنِ ابْنِ عَبَّاسٍ رضي الله عنهما أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ : (اكْتَحِلُوا بِالإِثْمِدِ فَإِنَّهُ يَجْلُو البَصَرَ ، وَيُنْبِتُ الشَّعْرَ) رواه الترمذي (1757) ، وصححه الألباني في "صحيح الترمذي" .

 

[LiL LiLeY]

أنا نفسج من كثرة الدموع والله

لبسي نظاره لا تخلينهاا

 

[مسك إلمحآسن]

انا بعد نفسسس الحاله

ومفكرره بالليزك بس يقولون يسبب جفااااف

 

[MzOoOn 22]

انصحكم بلليزك .. والجفاف اذا قطعتي القطرات اللي يوصفها الدكتور التزمي فيهم وربج كريم..

والله يجزاه من شار علي باللبيزك ويريح باله يارب

 

[فجرر]

Up Up

 

[chakletaA]

ماكو الا افصل نظاره اطار شانيل عشان انسى ما اقطهم

لان جد مليت من هالعدسات

 

[شندوخه]

انا من سنتين مفروض البس نظاره وسكت على نفسي لم ظعف نظري اكثر واكثر
ومن شهر عيوني كانت حمرا وتعورني رحت للدكتور وقالي اذا بقعد اكابر وبخلي النظاره بيقل النظر اكثر واكثر وفصلت نظاره وصج ريحتني بس مو حابتها كلش وحاذفتها مو قادره ابلعها على ويهي مع انها صغيره ولابقه
والعمليه ماتصلحلي لان عيوني اساسا جافه جدا والعدسات ماتناسبني يومياً قلت بسويها للحفلات والطلعات
شرايكم شنو احسن نوع عدسات وابيها استعمال يومي بو لبسه وقط

 

[prettysoul]

اخت شندوخة
عدسات جونسون
أنا عيوني حساسة وجافة
ومالائمتني أي ماركة بس ارتحت لجونسون استعمال يومي
وشريت محلول
وأحطهم فيه بعد استعمال للعدسة مدته 12 ساعة أرميهم
وعندهم لون بني وأسود وشفاف لليومي

 

[miss unique&chi]

استخدامي قطرات ترطيب حق العين ولابسي عدسات يومي حق الجامعة الطلعات ونظارة خفيفة حق البيت وانصحج انج تسوين ليزك بس تخلصين دراسة ان شاالله راح ترتاحين بعد ليزك

وصج البس النظارة طول الوقت ياثر على الشكل منطقة حول العين والخشم

 

[M!ss Pa!n]

نفس حالتكم والبس النظارة من الابتدائي بس بطلعات المهمة والحفلات ومناسبات البس عدسات شفافة عاادي احس بس ماعودت نفسي عليهم ع طول لان تتعب العين وجفاف وان شالله اتجرا واسوي الليزك