الحشوات التجميلية للاسنان

[BlackRose]

السلام عليكم بنات

اابي استفسار عن الحشوات التجميلية وفعلا فعلا محتاجة مساعدة بخصوص هالموضوع

انا اسناني فيها فراغات وايدة

وحاسة ان لونهم ابتدى يصير مو حلو

حبيت اسوي تقويم بس الطبيب ما نصحني لان عمري 35 سنة ونوعا ما مؤذي

فحبيت اسال عن الحشوات التجميلية

اكو احد فيكم مجرب الحشوات التجميلية او عنده اي فكرة حتى لو بسيطة عن هالموضوع

لاني سامعة من البنات عن موضوع الحشوات

بس ماعندي اي فكرة او خلفية عن السالفة

وحبيت اعرف منو يسوويها بالكويت؟؟؟؟؟

وشاكرة لكم

 

[البندري22]

ماعندي فكره حبوبه وان شاء الله البنات يفيدونج

 

[BlackRose]

up up up

ماكو احد يرد علي بليز

 

[جودي الامورة]

روحي حق عيادة تيجان اللي بلفروانية
زوجك كان نفس مشكلتك والحين ما شاء الله على اسنانه

 

[عــبورة]

انا حاطه حشوات تجميلية
كانت عندي فراغات بين الناب والسن اللي يمه ويم السن الامامي
اممممم الاسنان السته الامامية
الاسنان اللي بالنص الاثنين ماكو فراغ بينهم
بس الباجي فيهم فراغ يعني الناب والسن اللي يمه ويم السن الامامي
وحطيت حشوات تجميليه
صج اهم عدلوووو من ابتسامتي
بس صراحه احس اني تندمت على اللي سويييته
احس مبين انها حشوة تجميليه وغير جذي لهااا ريحه احس فيها لما اتنفس

وبغيت اسالكم اذا كنت بشيل الحشوات يردون شكل اسناني نفس قبل ولا لا؟؟؟؟؟

 

[عــبورة]

شدعوووووووووووووووه
مااكو احد يرد؟؟؟

 

[miss_math]

فوووق

 

[مـزيـااان]

والله يمدحون الحشوات لانها تعدل من شكل الاسنان

ونصحنى فيها دكتور اسنان

 

[ندى ودموع]

انا حطيت 2 حد الحين

بس حطيتهم حق اسناني اللي ورى ,, بس شكلهم ماشالله حلووو مرتب

ماجربتهم قدام صراحة

 

[مشعلل]

رد : الحشوات التجميلية للاسنان

انا اسناني الاماميه كلها حشوات بس الحين يبيلها تغير مدري وش اسوي خايفه اقوى شي

 

[love life]

حبوبة
انا توني ساءلة عن التقويم
والدكتور نفسه يقول الكل يحتاجه
وانه اهوة بيحط بعد فترة
اهوة الكبير ياخذ وقت معاه
بس نصيحتي
روحي عيادة خاصة وسئلي
اذا انتي رايحة حكومة ترا الحكومة مالهم خلق

 

[king moon]

سوي حشوات تجميلية بالليزر رائعة جدا وكانها طبيعية
والاخت عبوره انتي الظاهر مسوية تلبيسة لانها تطلع ريحة ويبغى لك تراجعينهم يفكونها
ويسون لها تنظيف وترجع تمام واذا كانت بورسلان انصحك تستبدلينها بانسيرام
وبالتوفيق....​

 

[ملكةجمال العالم]

والله الاسنان مشكلة بحد ذاتها

 

[أميرة 22]

انا اسناني الاماميه فيها شوية فراغات

يعني حشوات تكون زينه وطبيعية ؟؟؟؟؟؟؟؟؟؟
وما تخرب بعد فترة او تتكسر ؟؟؟؟؟؟