الحضانة الانجليزية العالمية جنوب السرة

[oshee]

بغيت رقم الحضانة ومعلومات عنها شلون مستواها شلون المدرسات وتعامل الأدارة جم الرسوم , وبالنسبة لkg2 هل معترف فيهن عند وزارة التربية أو لا سمعت أن الحضانات غير مسموح لها تفتح kg2 بس kg1

 

[سيدة الكويت]

شلونج أختى .........أهيه حضانه تابعه لوزارة الشؤون .......وتعاملهم حلو مع اليهال ...بس مو قويه زود

 

[oshee]

بغيت أعرف عن فرعهم الجديد بالشهداء , وأذا أحد مجرب مدخل عياله kg2 عندهم شلون مستواهم , شلوون بعدين سجل عياله بالأبتدائي سهاله والا في مشاكل مع وزارة التربية, في ناس يقولون أن ثانية روضة أجباري فلازم تكون المدرسة تبع وزارة التربية صحيح هذا الكلام ولا لأ

 

[الرياش]

حبيتي أنا ولدي حاليا عندهم ب kg 1 بالسلام اتصدقين للحين ما أدري عن مستواه ما سوولهم اجتماع ان شاء الله بيسوون لهم عن قريب على كلامهم يعني أشوفه بالانجليزي ماشي حاله مع ملاحظه اني كنت امدخلته الحضانه البريطانيه الي بحطين يمكن هذا ساعده بس بالعربي للحين مسكته القلم مو عاجبتني وناويه أكلم أبلته العربي عن هالشي أنا مو متفرغتله عدل لأني امجابله أخوه بأولى ابتدائي بس أخوه كان أحسن منه بالروضه كان بالبلي قروب أو يمكن اختلافات فرديه ما أقدر أحكم بالاجتماع كل شي يبين ونشوف
بالنسبه ل kg 2 انا سائلتهم وقالوا الشهاده معترف فيها بوزارة التربيه

 

[الرياش]

ايه صج رقم فرعهم بالسلام 25215669

 

[وقف لله]

عن تجربة ترى ماتسوى سعرها يعني لوتحسبينها جم بالشهر يمكن150 اذا مو اكثر انا جربتها ووااايد تحسفت الحين دخلت ولدي نظام اشهر بالشهر110 واذا ما عجبوني سحبته و تعاملهم راقي مو نفس هذيل شايفين نفسهم اللي تبي تعرف مواقف عنهم تكلم وحدة اسمها روني

صح اليهال يتعلم انجليزي ويكتب بس مو مثلما انتوا متخيلين والله لقيت حضانات تربوية ويعلمون ويلعبون وشامل كلشي مايتعدى ال800 بالسنة

 

[iLLuMinaTion]

مشكورين على المعلومات

 

[Nawara]

رد : رد: الحضانة الانجليزية العالمية جنوب السرة

صح اليهال يتعلم انجليزي ويكتب بس مو مثلما انتوا متخيلين والله لقيت حضانات تربوية ويعلمون ويلعبون وشامل كلشي مايتعدى ال800 بالسنة

أختي وقف لله شنو الحضانات هذي فيدينا الله يجزيج الخير
لأن بدخل بنتي حضانة قاعدة ادور هاليوميين ..