الحقوا على اختى ذبحها ضرسها واهيا حامل,,,,

[مـزيـااان]

شلونكم بنات ...ارجو المساعدة

..اختى حامل وضرسها ذبحها من الالم ...ماتت من البكى والدكتور ما يقدر يسويلها شى لانها حامل

بنات عفية اللى عندها خبرة بالاسنان تقولى او اى علاج ما يضر الجنين ,,لحقوا عليها بالدواء ولكم الاجر :0bee2e8d89:

 

[بسبوووسه]

رد: الحقوا على اختى ذبحها.....

ماتشووف شر اختج

تعرفين مسمار مال الاكل

تاخذه و تعظ عليه بالضرس اللي يعورها و تم مخلييته بالضرس طبعا و اهيه تكون عاظته لما تحس بخدار او تتمضمض بماي و ملح بعد زين

وانشالله فدتج و البنات مايقصروون

 

[مـزيـااان]

رد: الحقوا على اختى ذبحها.....

يسلمو يا قلبى

بسبوسة

بس جربت المسمار ما نفع واللة يعينها

 

[الاسطورية]

رد: الحقوا على اختى ذبحها.....

في جل خارجي سحري مومتاكده عالحمل بس اهو خارجي بعود اذون تدهنه يخدر ماتحس فيه خل تسال اذا يصير اسمه سولتان توبكس جل علبه بيضه بالاخضر

 

[كويتيه رزتها ملكيه]

رد: الحقوا على اختى ذبحها.....

عليها بالمره تمضمض فيها وتحط نتفه على الضرس

او حبه ادول على الضرس

او زيت القرنفل تلقاه بالصيديليه تدهن فيه عوار الضرس

 

[مـزيـااان]

رد: الحقوا على اختى ذبحها.....

مشكورة الاسطورية

كويتية رزتها ملكية

بس تقدر تخلع ضرسها وهى حامل

 

[NoWay2know]

رد: الحقوا على اختى ذبحها.....

الدكاتره يفيدونها اأكثر
وانشالله تولد بالسلامه

 

[))a((]

رد: الحقوا على اختى ذبحها.....

ماتشوف شر ان شاء الله

خليها اتبخر بالمره والله شي عجيب

تحط شويه مره على الفحم وتفتح حلجها ويدش البخار بحلجها

وتبخر اذونها الثنتين

تحط ملفع فوق راسها وتبخر اذونها عدل وتلف الملفع عشان تقعد ريحه المره داخل اذونها

وان شاء الله يغدي شرها ومافيها الا العافيه

بس خليها تروح الطبيب يعطيها مسكن

 

[*عهد*]

رد: الحقوا على اختى ذبحها.....

تروح دكتور واهو الي يفيدها

 

[ضحـاوي]

رد: الحقوا على اختى ذبحها.....

قبل 4 سنوات تقريبا كنت بالسادس عالجت عصب

كنت بموووووت من الالم

ودقيت على الميدان ما رضو يستقبلوني

وبعدين دقيت على الحكمه وقالو تعالي

رحت لهم بحولي مجمع بلازا

عالجت عند دكتور خالد مهران

رحت وعالجولي العصب والحمد الله ولا تاثر البيبي ولا شي

 

[شيــوخه]

رد: الحقوا على اختى ذبحها.....

ماتشوف شر اختج بس مادري اذا المسمار يصير لها واهيا حامل اخاف ايلها طلق مايصير تاخذ مسمار

خليها تاخذ مسكن والله انا اعرف وحده اضروس ماكو ووالسببه كل متحمل يطيح لها ضرس


الله يعينها والله

 

[جكورة]

رد: الحقوا على اختى ذبحها.....

أنا بعيالي كلهم عانيت من الأسنان والعصب والحشوات كل أسناني كانت تعورني ولادكتور استقبلني إلا عيادة باب هاني بعمارة السلام بالسالمية يعالجوون الحامل ويسوون لها كل شئ تنظيف وعلاج ووووو وماله تأثير على البيبي إن شاء الله وسلامتها

 

[BHS]

رد: الحقوا على اختى ذبحها.....

حبيبتي انا في الرابع رحت الميدان ما استقبلوني رحت الحكمة عند دكتور فايز الطبري خدرني و سوالي علاج عصب و كورس مضاد حيوي و عاااااااااااااااااااااادي سهالة سهالة و لا عوار الضروس يمووووووت من قلب
الفرق انه ما يقدرون يسون أشعة علشان يعرفون الخراب لوين واصل بس و سلامتكم و طمنينا عليها

تري الحكمة ممتااااااااااااااااازه

 

[من بعيد]

رد: الحقوا على اختى ذبحها.....

المُرة المُرة ثم المُرة !

 

[قرمزيه]

رد: الحقوا على اختى ذبحها.....

والله انا بالسايع وعالجوو العصب عندى عادى مااثر علي الحمد الله

 

[مـزيـااان]

يسلموووووا على المرور

وما قصرتم يا احلى عضوات واللة يعين كل حامل

 

[قمر الليالي]

حبيبتي أنا كنت حامل يمكن السادس أو السابع مااذكر رعورني ساعتها ضرس العقل ورحت لعيادة الثريا وعادي شالوه وهذي بنتي الحمدالله مافيها شي وعمرها الحين 3سنين
وحبيت أفيدج عندي رفيجاتي سوا عصب أسنانهم وأهم حمل

 

[جاي الضحى]

يفضل على الحامل انها تبعد عن أي نوع من الأدويه...وفي حالة الألم والطوارئ تراجع الطبيب واهو يصرف العلاج أو الدوه....لابس في معالجة الحامل في وقت الضروره القسوى...إذا كانت تعاني من ألم.... الأدويه يا ناس تأثر على أعضاء الجنين وخصوصاً في فترة الحمل الاولى -فترة تكوين الأعضاء- مجرد إن الله حفظ الحريم إلي كانو حمل وخذو أدويه مو معناته انج ميخالف تاخذين مسكنات.....ديرو بالكم...خلها تروح الطبيب ....ألم الضرس جايد..........ما تشوف شر.
ملاحظه شي على الهامش : تنظيف الأسنان عند عيادات الأسنان للحامل منصوح فيه او أحسن فترة اهي فترة الحمل الثانية- من الشهر الرابع لي السادس- الأعضاء تكاونو والحامل ماتكون وايد ثقيله.​

 

[ريم الشمــال]

مااعرف والله بس حبيت ادش وادعي لها ان الله يشافيها وماتشوف شر يارب

 

[ملاك-77]

ماتشوف شر
ويخف الالم وتولد بالسلامه
حبيت ادعيلها