الحقوني بنتي طاحت ع راسها

[الفراااااشة]

السلام عليكم
بنات الله يفرج همها اللي ترد
تطمني
بنتي اليوم المغرب طاحت من المشايه ع راسها ويوم شلتها تقلبت عيونها وتشنجت ونامت وصياحها خفيف
ووديتها الطبيب كشف اشعه قال مافيها شي بس لازم مراقبه 24ساعه
او تنومينها
وانا رفضت
ومن اليوم حركاتها كأنها دايخه وبس تبي تنام وعمرها 10شهور
واشوف رجفه بيدينها تكفون يابنات مالي الا الله ثم انتم طمنوني والله احس اني ابموت بمكاني
والله اني اركض جني مجنونه خايفه عليها وجاني صداااع وماقدرت انام ومغص
الله لايوري اللي شفته لكم
تكفوووووووووووووووووووووووون
الله يوفقكم طمنوني واللي ماعندها خبر تدعي لبنتي تكفون والله شاحده هالدعوه منكم الله يجزاكم خير

 

[قلب مغليك]

ماعندي خبره
الله يشافيها ويعافيها لج الحين الفجر ادعليها وربي يسرها

 

[omali_store83]

الله يطمن قلبج .. وان شاء الله مافيها الا العافيه

بس المفروض عقب الطيحه ماتخلينها تنام على الاقل لمدة ساعتين واللي اعرفه لازم ماترجع بعد
ولو قلبج مو مطمن وديها طبيب ثاني خل يجيك عليها ​

 

[ورود خذلتها العاصفه]

حبيبتي وديها الحييين الطبيب تطمني عليها

 

[الفراااااشة]

جزاكم الله خير
والله دعوتكم تريح
هي ما رجعت >> استفرغت

بس قلبي مو مرتااح الدكتور قال جيبيها بكره وانا الحين حالتي مايعلم فيها الا الله
ومادري ليش حسيت اني بختنق
تكفون
تكفووووووووووون
لاتنسونها بدعائكم
الله يفرج هم كل من تدعي لبنتي بالشفاء لو بظهر الغيب
والله اني اكتب ودمعتي ع خدي
وهي نايمه عندي بالغرفه وقبالي ودي افتح الليت اضمها بس خايفه اكدر عليها
اللهم يامجيب الدعاء ياحي ياقيوم اشفي ابنتي وعافيها واتم عليها بنعمتك ياااااااااااااااااارب
احس اني مضيعه ولاني قادره اركز عشان ادعي
تكفووون بحاجه لدعائكم

 

[ناتشوو]

الله يحفظها
وديها طبيب تطمني
انا لو مكانج اقعدها
احاول العبها شوي
اتطمن انها زينة بنفسي

 

[al om]

الله اطمنج عليها حبيبتي بس لازم تودينها الطبيب علشان اذا في شي لا سمح الله اله تتلاحقين عليها

 

[عمري ولدي]

الله يشافيها ويطمن قلبج ومافيها الا العافيه ان شاء الله

 

[مس لولو~]

الله يشفيها لج ويخليها


​

 

[ASOMA]

الله يشافيها ​

بس اذا جتها حالت تشنج حبيبتي اقلبيها على بطنها وحطي فوطه بحلجها او بطانيه اي شي عشان لا تبلع السانها وتختنق ​

وانصحج وديها المستشفى لازم تودينها وطمنيني عليها ​

وماتشوف شر​

 

[بنتـ المملكه]

اختي روحي معها المستشفى بسرعه حتى لو قال الدكتزر مافيها شي نفس اختي طاحت وصار لها مثل اعراض بنتك

بعدين طلع عندها نزيف في دماغ من عمرها 6 شهور للحين عمرها 7 سنوت كل يوم في مستشفى

الله يشفيها ويعطيها العافيه

 

[شربت من نيلها]

اللهم يارب يا ارحم الراحمين اشفيها يارب
حبيبتي ربنا يطمنك عليها يارب وان شاء الله تكون كويسة وطمنينا عنها اول ما تدخلي​

 

[غلا الروح79]

الله يطمن قلبج عليها يااارب وماتشوووف شر بس لاتغيب عن عيووونج دقيقه لين يعدى اكثر من المده
اللى قالج الدكتووور عنها وانشاالله مافيها الا العاااافيه....

 

[الفراااااشة]

الله يجزاكم خير لكل اللي ردت
طيب انا اخاف يسوون اشعه وتاثر عليها لان من انولدت وهي بس يسون لها اشعه
طيب الحين قعدت وتضحك وعاديه مررره بس مادري شسوي اخاف يبهذلون فيها بالمستشفى
ترضع وتضحك وعاديه حركاتها طمنوني فيه ضرر
وانا ابروح المستشفى المغرب واطمنكم ان شاءالله

 

[ناتشوو]

الله يطمن قلبج
بس ماسمعت ان الاشعة منها ضرر

 

[@الياسمين@]

الله يطمنج عليها
ويحفظها من كل شر