الحقوووني كويتيات حدي محتاره !!!!

[*بناتي غناتي*]

السلام عليكم كويتيات
الله يجزاكم خير /....
انا محتاجتكم ومحتاجه تجاربكم ابي رايكم بموضوع ....
انا انشالله بسافر بالصيف بس محتاره زوجي مخيرني بين تركيا ولندن؟؟؟
مادري وين اروح وزوجي على طريف وده ينكسل وانا ودي احجز من الحين وارتاح

 

[FeShinGoOo]

اذا تبين طبيعه وخضره روحي تركيا واذا تبين شوبين ومجمعات روحي لندن ..

ترى تركيا رطوبه بالصيف ..

 

[Samurai]

كم يوم اجازتج ؟ ليش ما تروحين النمسا او سويسرا ؟

 

[الأميرة كيرارا]

إذا مو رايحة من قبل لندن روحي تهبل
سوقهم حدايقهم ناسهم
و إذا تبين طبيعة طلعي من لندن للريف الإنجليزي جم يوم
طولي المدة و إخذي راحتج لأن الاماكن السياحية بلندن اتخلص بخمس أيام
موفقة إنشالله

 

[*بناتي غناتي*]

الله يعطيكم العافيه على الردود
الله يخليكم اذا بروح لندن 10 ايام مع بناتي 3 جم راح تكون الميزانيه من غير التذاكر والسكن

 

[الأميرة كيرارا]

شوفي حبيبتي على حسب طريقتج بالسفر
آنا وحدة ما أهتم للسوق وايد بالسفر
عيد الأضحى الي فات رحت لندن آنا و زوجي و 2 عيالي
السفرة كاملة كلفت 2500 شامل التذاكر و السكن ل 10 أيام
أهم شي تحجزين امبجر و ما تستخدمين تكاسي إخذي كرتين باص لج و لزوجج و اليهال ببلاش
و حجزي شقة لأن أرخص و حجزي تذاكر الأماكن الي بتروحينها من النت أرخص و إخذي التذاكر العائلية

 

[a7la_nono]

طبعا لندن
اصلا تركيا محد يمدحها بالصيف حماتي راحت لها الصيف اللي فات تقول تحسفت حر مووووووووت وماتونس كلش وبنفس الوقت مكلفة يعني لو رايحه لندن والا بلجيكا والا سويسرا اونس

 

[فطووومة]

تركيا تهبل لا حر ولا رطوبه انا جم سنة صار لي اروح لها يعني محد قالي وتقدرين تنامين بدون مكيف وسفرتنا شهر تقريبا ورحلات وتسوق ب 2500 تقريبا

الغلا بالعالم كله والحين الهبه لتركيا واحنا كل سنة نشوف الزحمه اكثر

وحسب اللي تحبين انا ماحب لندن كلها عرب

انوي دشي النت واكتبي اسماء الدول وقارني




وعندج منتدي المسافرون العرب رهيييب فيه كل اللي تبين تعرفينه

والله يسهل عليكم ان شالله *

 

[دلع86]

لندن احسن من تركيا كافي جوها يرد الرووووح

 

[سلوى 18]

انا من رايي روحي لندن ..
لان انتي دافعه دافعه فا الاحسن تروحين دوله اوروبيه اكشخ..
و لان تركيا تخرع يقولون بالليل و محد يطلع يخرعون ..
بس لندن عااادي و كلها خليجيين و كويتيين ..