الحقوووني ياضعف يايتزوج

[صعب حبك]

صباح الخير بنات يابنات انا حيل زايد وزني تعرفون دوام وريوق دسم غير الحلو والفطاير
وزوجي حيل متضايق يقولي وزنج صاير اكثر من يوم كمني حامل مشكله اسوي رجيم يومين واطنش ماادري شسوي حتى ماقام يجي صوبي ويقولي بضحك بتزوج وحده رشيقه شنو الحل

 

[((shoOoshoOo))]

الحل بالدااااااااايت ماكو حل غيرهـ ..


شوفيلج اي دايت وامشي عليه

موفقه خيتوووو

 

[محبة الجنة]

انا اقول تلاحقي عمرج وضعفي وايد احسن لج انتي قبل لا يكون لزوجج هذا الي اخذناه من الدوامات.

 

[الفدنه]

والله لازم يكون عندج اراده
واتوقع كلام زوجج بروحه مو كافي
لازم انتي تتضايقين من جسمج وتصممين انج تتغيرين
الطريقه سهله دايت ورياضه او حتي حركه او مشي
بس التنفيذ صعب ويبيله طولة بال
والله يوفقج

 

[سلاسل ذهبيه]

اذا تبين تضعفين راح تضعفين خلي عندج اراده وهدف
لاتحرمين نفسج من الاكل بس قللي خاصه الدهون والحلويات
وتحركي واجد اذا انتي من النوع اللي مايستمر على الرياضه
خليج حرجه بيتج لان الحركه تحرق الدهون

 

[قمر بيت أبوها]

اقطعي الاشياء اللي ترفع وزنك والرياضه اعتمديه بجدولك وان شاء الله تنحفين علي خير

 

[om MaRyooM]

امشي كل جم يوم حبيبتي
واتبعي نظام غذائي روحي لاخصائي تغذية او اشتركي بوحدة من هالشركات

ولاتاكلين مع البنات بالدوام اخذي ريوقج معاج

 

[لاحزن مع القرآن]

اشتركي بشركة تغذية وبعدين كملي بروحج
صدقيني راح يساعدونج حيل لأنهم مايمنعونج
من أي نوع من الأكل حتى الحلو يجيبونه
بس مسوين اكلهم بمقاييس صحية
ويشوفونج كم سعرة تحتاجين باليوم

 

[فواصل]

قوي ارادتج

وابتدي الرجيم وحطي ببالج انج تحافظين على صحتج

المتن عمره ما صار حلو

اول شيء اشتركي بشركة من الشركات المعروفة

وعقب اعتمدي على نفسج

واشوف عندكم في الكويت وجبات الشركات تنباع في الجمعيات جربي كم طبق حق الغدا او العشاء

او قللي من الكميات الاكل

وخلي عشاج خفيف

واشتركي بالجيم او افتحي اليوتيوب وشوفي التمارين وطبقي

شكثرهم ماشاء الله

او اقل شيء امشي في الحوش الجو حلو

نص ساعة في البداية

وعقب ساعة

لين ما توصلين للهدف

 

[حبيبي مالكني]

اب اب

 

[قطوووة]

الحقي ع روحج قبل لا يطير الريال

 

[Mona Lisa]

مثل ما قالوا البنات الرياضه وتخفيف الاكل

واهم شي الاراده حبيبتي قوي ارادتج وان شاء الله بتنزلين بصحه وعافيه يارب

 

[$كشوخه$]

ترى كل شي سهل بس اهم شي تكون عندج الاراده

 

[أريد حلا]

الاراده

والثقه بالنفس

ولا تعيشين نفسج انا مسويه رجيم محرومه من كل شيء خلج عادي لا تعلمين احد

واذا قالوا لج اكل معانا قولي صايمه

فكي عمرج ورياضة مشي ورجيم

ينزل وزنج واذا اول مره تسوين رجيم ينزل بسرعه الوزن وبشرينا عنج

وعقبالي اسوي رجيم​

 

[سآق نملة]

مثا ماقالوا البنات ا

ي رب تضعفين من غير شر

 

[shyoomQ8]

عقلج براسج وانتي ادرااه ورجال قااعد يقط عليج نغزاات الرجيم مو سحر او معجزه لوومشتهيه تنزلين راح تنزلين

 

[الكبيرة]

ياحبيبتي تبين يصير عندج اراده صراحه كلمة زوجج تخلي الي ماعنده اراده يصير عنده اراده غصبن عنه ديري بالج اهو لو مايحبج ماقال جذيه يبي يشوفج جدامه احلا شي مايبي يخسرج لاتجبرينه يسوي شي مايبيه وبعدين الرشاقه حلوه ....

 

[سوسن مالك]

اي والله حبيبتي تلاحقي على عمرج مو علشان زوجج بس علشانج انتي ترى المتن ما فيه خير وما وراه الا المرض الله يكفينا الشر وبالارادة كل شي يصير باذن الله توكلي على الله و الله يعينج :yaaaaaarb:

 

[انثى برونزية]

الله يقويك يارب
العزيمه هي بدايه النجاح باذن الله

 

[شربـــات لـــوز]

الاراده ثم الاراده ثم الاراده
لا تقولين مااقدر و دوام ايبون فطاير وحلووو
انا ايبون فطاير و حلووو و ورق عنب و كل ما تشتهي النفوس بس وربي اني امسك نفسي
ميته ابي اكل بس اقول لازم اضعف بعدين اكل الي ابي
ترا الريال يبي يشوفج حلوه من جي قالج هالكلام
ودير بالج الحين كلام باجر يصير صج و تتحسرين وتقولين ياريت وياريت وياريت بي حزتها ماراح يفيدج التحسر

بلشي مع شركه تغذيه او دكتوره وانصحج بدكتوره بشاير البدر انا اراجع عندها و نزلت لحد الان 7 كيلو ماشاءالله ماشاءالله
اشتركي نادي او امشي ساعه ممشى شوفي احد يروح معاج الي معاج بالدوام او اختج او اي احد قريب منج عشان تشجعون بعض
واذا قالوا تعالي اكلي قولي صايمه او مو مشتهيه مو ضروري يدرون انج تسوين رجيم
او اذا بتاكلين اكلي شي نتفه و خفيف لا تغيبين على الاكل وتنسين روحج
وان شاءالله تضعفين بصحه وعافيه وتلبسين كل الي تبين و تكونين واثقه اكثر