الحقووووووووووووووووووووني يالكويت

[نونه قلبه]

لكل منتدى كويتيات ....
كيفكم وان شاء الله بخير //
انا من برا الكويت من السعودية وان شاء الله بزوركم عن قريب وعندي مشكلة عن الاماكن السياحية بالكويت وافضل الفناادق مااا أعرفهااا :eh_s(11):
واتمنى منكم ان تسااعدوووني الله يخليكم :yaaaaaarb:
ابي احلى الاماكن والاسوااااق ربي لايحرمني منكم انا عضووة جديدة لا تطنشوني:eh_s(16):


ودمتم سالمييييين بانتظاار ردودكم :eh_s(7):

 

[kndora]

http://www.q8yat.com/t373751.html

اتمنى اكون افدتج وفي وايد مواضيع مثبتينه انشالله تفيدج

 

[تااضي]

على حسب وين بتروحين الديرة والا المناطق الخارجية

 

[نونه قلبه]

مشكووووووووورين كندورة وتااضي يعطيكم الف عاااااااااااااااافية عالردود ويعطيك العافية كندورة على الرااابط وتااضي للحين مااقررت وين برووح او وين بسكن .....
مشكووورين ..........

 

[قسبجا]

من الاخر الكويت مو دول سياحيه

 

[لولوة الكويتية]

ما قصرت كندوورا

 

[نوف كويتيه]

يـاهلا وغلا فيـج بدش بموضوعج ماابي اطول

((محافظه الاحمدي )) الفحيحيل مجمع الكوت والمنشر بجانب بعض واجيال واسوقه واكترونيات ومطاعم وغيرهـا

المنقف منتجع هيلتون الكويت والفنطاس فندق سفير الفنطاس وبجانبه شاليهات الدانه

والعقيله مجمع البيرق واسوقه وابو حليفه وايد مطاعم على البحر ومجمع كويت ماجيك والصباحيه منتزه مرح لاند

والاحمدي مدينه سياحيه وتجاريه ((غير بالشتاء))

ومدينه اسواق القرين في صبحان

والقريات المائيه قريه المسيله المائيه بالمسيله والاكوبارك بالعاصمه بجانب ابراج الكويت

ومجمع الافنيوز بـادائري الخامس ومعرض ايكيا بجانبه و360 بـالسره والمهلب بحولي وفنار والمرينا

وستي سنتر بالسالميه

وسوق شرق بشرق

وصاله التزلج بالعاصمه والمركز العلمي بالسالميه

ومنتزه مدينه الترفيهيه بالدوحه ((تتبع للجهراء )) ومنتزه الشعب بالشعب وحولي بارك بـحولي

وشاليهات الجليعه عندج كمبنسكي والجون وصالح شهاب

والسينمات تقع في مجمعات ((الكوت و اجيال والبيرق و الافنيوز و360 والمهلب وغيرهم ))

وشارع الخليج بالسالميه يقع منتجع النخيل وفندق موفنبيك البدع وفندق ريجنسي و

انشاء الله اني ساعدتج ودمتي بخير

 

[نونه قلبه]

تسلمييييييييييييييييييييييييييييييييين يا نوووف كويتيه ماقصرتي والله ربي مايقصر بعمرك يالغلآلآ
لك ودي :::

 

[سويت فانيلا]

الافنيوز و360 والمارينا مول وبس

 

[جوري 2007]

مجمع الافنيوز و360 والمارينا مول وسوق شرق

الراية والصالحية للماركات

المركز العلمي ومجمع ديسكفري للاطفال

مجمع الكوت والمنشر بالفحيحيل

واذا عندج وقت حجزي ليلتين بمنتجع الهلتون او كيمبنسكي

انصحج تحجزين بفندق المارينا حلو ويم مجمع المارينا تروحيله مشي وتمرين عالمارينا كرسنت

وحياج الله يالغلا

 

[OM-SEAF]

حياج اللة حبيبتي البنات كفو وفو :eh_s(9):

 

[عانديهم]

up up up

 

[مجنونة ولدها99]

يا هلا والله بريحة السعوديه ...
عندج يا طويلة العمر بالنسبه للفندق إذا تبين شي مرتب فهو ميسوني من جم شهر فاتح ...
والمجمعات عندج الأفنيو و360 أول شي ... هذيل تلقين فيهم أغلب الماركات المعروفه وفيهم قهاوي ومطاعم وسينما ...
وبالأفيو في سبا تايم حق الدلع وفي صالون نسيت أسمه للبدكير والمنكير ...
وعندج المارينا والكوت سوق شرق ...
وإذا تبين دراريع عندج بالفروانيه مجمع العربيد (أنتبهي مو العربيد بلازا )...
وأتمنى لج زياره طيبه...

 

[nouran84]

موضوع رائع شكرا على الموضوع​

يسلموووووووووو​

​

​

 

[nouran84]

موضوع رائع شكرا على الموضوع​

يسلموووووووووو​

​

​

 

[جنـــا]

:

السالميه - شارع سالم المبارك فيه ارقى المجمعات

و بالسالميه بعد المركز العلمي

و على امتداد شارع الخليج العربي احلى المطاعم

و في مجمع جديد اسمه اولمبيا مقابل المركز العلمي ..

وعندج 360 مجمع جديد وفي العاب حلوه

و دايما يسون فيه معارض .. قبل اسبوعين كان فيه معرض راقي

واتوقع بالصيف راح تكثر المعارض

و طبعا الافنيوز مطاعم كفيات محلات العاب كل شي ببالج

يبي تخصصين له ايام مو يوم واحد..

و ديسكفري مول( بالعاصمه ) يصلح حق الاطفال

العابهم عجيبه حركيه و تنمي العقل ..

صاله التزلج ( العاصمه )

مجمع رايه ( العاصمه )

مجمع الصالحيه و مقابله مطاعم عجيبه انصحج تجربينها

حديقه الشعب في منطقه الشعب

مجمع المهلب - حولي بارك في منطقه حولي

مجمع البيرق في منطقه العقيله

مجمع الكوت و المنشر في الفحيحيل - انصحج بالكوت القعده فيه حلووه

مقابل المستشفى الاميري في العاصمه .. في بيوت لعرض الازياء

اغلبها متخصص في الداراريع و العطورات و الاكسسوارات

دار ديفا / بيت السدره / كاريزما

و طبعا 52 في الشويخ بجانب مجمع التلال

معرض 52 متخصص بمصممين كويتين من جميع الاشكال

ملابس / عطورات / ديكورات .. و طبعا مطاعم

الاكوابارك بجانب ابراج الكويت

فيها محل فيشو سبا .. عباره عن اسماك تسوي تنظيف للقدم

من الجلد الميت انا ماجربته بس اشكثر مدحو..

بالنسبه للشاليهات انصحج بمنتج سيشل عجيب في منطقه الجليعه

و الفنادق انصحج يكون بالسالميه او العاصمه

في فندق جديد ميسوني .. و حده من البنات بالقسم نزلت موضوع كامل عنه

و بالصيف تكثر بالكويت المعارض و تكون دائما في

فندق الهيلون قاعه الدره / فندق رمادا الرقعي / ارض المعارض
360

تابعي الجرايد يحطون اعلانات عنها ..

و حياج الله اختي

وان شاء الله تستمتعين بالاقامه في الكويت

:

 

[أم حسيب]

حياج الله بديرتج حبيبتي