الحلوه اللي تشتغل بيت الزكاه ابيها ضروري 

[اسوومه]

السلام عليكم بنات هذي اول مشاركه لي معاكم
حبيت تفيدوني عن المقابلات لما توظفتوا في بيت الزكاه شنو اسألتهم وطريقتهم بالمقابله
وعندي شي ثاني شنو احسن اداره عندهم وجم معاشات الجامعيه
ماعليكم امر ضروررررري 

 

[ام تولي]

داقين عليج للمقابله علشان الانتداب ؟
شصار معاج ومتى مقابلتج ؟

 

[اسوومه]

هلا حبيبتي لا للحين ماتصلوا بس قلت اخذ فكره عن المكان والاداره وطريقة مقابلاتهم
انتي قدمتي عندهم؟

 

[اسوومه]

بنات بيت الزكاه وينكم

 

[ام تولي]

زوجي قدم عليهم وناطر الاتصال .. اهو محاسبة وانتي شنو تخصصج ؟

 

[Angel_store]

اب اب اب

 

[اسوومه]

هلا حبيبتي انا تخصصي خدمه اجتماعيه واشتغل بالتربيه
بس محد رد علي 

 

[ام تولي]

زوجي يقول اول مره هالسنه يقبلون انتداب من التربيه وان رواتب الباحثين الاجتماعيين قويه
اتعبي على الواسطه حبيبتي

 

[اسوومه]

انشالله بس اهم اهم شي عندهم المقابله وخايفه منها

 

[اسوومه]

بنات بيت الزكااااه وينكم بغيتكم ضروري شنو اسالة المقابله وطريقتهم بالمقابله
وشنو احسن اداره عندهم
والله يوفقكم دنيا واخره ويحقق امنايتكم 

 

[عزتي مالها حد]

ان شالله البنات يردون عليج

انا بالاوقاف
شنو اجراءات الانتداب لبيت الزكاة وين اروح ؟ واسوي الكتاب بإدارتي ولا اروح وين ؟
متى اخر يوم للانتداب ؟
عندج الرقم عشان اتصل عليهم !

 

[اسوومه]

هلا حبيبتي
اهو بس تروحين مكانهم اللي بجنوب السره وتشوفين تخصصات اللي يبونها واذا تخصصج موجود يعطونج اوراق تعبينهم وتعطينهم اياها بس وبعدين يتصلون عليج للمقابله وادارتج مايدرون انج قدمتي يعني ماتسوين كتاب ولاشي بس اهم شي التخصص بكون موجود وبعدين مقابله
بس لازم عندج خبره سنتين ,
اتوقع اللحين سكروا باب التسجيل
وهذا رقمهم 22240225

 

[ام تولي]

التسجيل سكر يوم 10/5

ومن الاسبوع الجاي يبدأ الفرز ويمكن يدقون نفس الاسبوع او اللي بعده

بالتوفيق .

 

[أم عزيزان الحلو]

موفقين

 

[اسوومه]

انشالله حبيباتي
بس اللي تعرف اي شي عن مقابلتهم لاتبخل علينا جزاكم الله الف خيرر

 

[عزتي مالها حد]

موفقين ان شالله
ربي يسهل عالجميع ان شالله

 

[رضوي السوداني26]

بالتوفيق

 

[Lemon Juice]

هلا اختي انا ببيت الزكاة

المقابلة واااايد مهمة ، اللي يقابلونج 5 رياييل تقريبا وحرمتين

يسألونج شتعرفين عن بيت الزكاة وليش قدمتي وشنو طبيعة شغلج بالمكان اللي انتي فيه ..

ويشوفون اسلوبج وطريقتج بالكلام وحتى الشكل يشوفون شكلج ولاحظتهم يختارون البنات الهادين ويهتمون بالحشمة ،،

و سبحان الله الوحده تبيّن وياخذون فكره عنها ولو بسيطه

يبدون يتصلون عاللي مقدمين من نص 10 وطالع

ولما يتصلون يقولون لكم موعد المقابلة بالضبط متى

أي سؤال ثاني انا حاضره

 

[اسوومه]

مشكووووووره حبيبتي على المعلومات ماقصرتي
بس والله شكلهم دقيقين بالمقابله وخوفج ارتبك 
حبيبتي عطيني فكره عن بيت الزكاه لاني والله ماعرف شي عنهم واخاف يسالوني
وشنو احسن الادارات عندهم ماعليج امر

 

[DaLaL_Q8]

بنات انا موظفة بالتجارة صارلي سنة
يصير انتقل لهم او شلون ؟
جامعية علم نفس يليت تفيدوني