الحليب الحليب المشكلة الأزلية

[ام فاطمة وزهراء]

بدش في الموضوع علي طول أنا كل أولادي ما يحبون الحليب وولدي البجر تغربلت معاه ولا حب. ولا نوع من الحليب والحين كلش ما يشرب حليب وأكله بكي يأكل أشياء معينه ومتغربله معاه عمره 3 سنوات و 10 شهور ويش اسوي وياه اشلون اخليه يحب الحليب والسؤال الأهم هل الحليب مهم في سنه ؟؟ والمشكلة الثانية بنتي الصغيرة عمرها سنه و10 شهور ونفس المشكلة بعد ماتحب الحليب جربت نآن وابتميل كانت تشربه من الولادة تالي حسيت انها ماتحبه وضعيفة قلت أغير الي بروجريس بعد ماحبته وجربت غنن من سميلاك ... بنات ويش تنصحوني باي حليب أبيها شوي تمنتن وايد ضعيفه حتي الثياب مؤ حلوين عليها ولا كانها بتصير سنتين بعد كم شهر أمهات ويش اسوي ماابي تصير نفس اخوها ويش اسوي وليش ماشاءالله في يهال يحبون الحليب الله يخلي ليكم أولادكم بس بغيت مساعدتكم ... والله ضايقه فيني الدنيا. .. وهل في فيتامينات بديله للحليب !!

 

[zain-alq8]

جربيلهم بديا شور بس انا ولدي سنتين احطله بمميه ومايشربه بدون مميه حاولت اجرب هالحليب وايد زين وحالي بطعم الفانييللا والعسل والكاكاو

 

[كوكتيل عسل]

حطي قفشة عسل مع الحليب عشان يحبه ولدج او جربيله حليب بالنكهات او هورلكس او اوفلتين المهم انه يشربه
وترى الحليب ضروري لنا الكبار فشلونللصغار وجسمهم يبني

 

[miss_Ba6oOo6a]

خليهم علا الاكل العادي احسن مع الفيتامانات وبس
انا اقطع الحليب من سنه ونص من الاسنان تطلع وياكلون بروحهم يعوفونه
الاكل واايد افيد من الحليب يتفخ وغازات عالفاضي
عوضيهم اجبان روب حليب نكهات فيه حطيلهم بمطارات ولا الكواب وايد كبار علا المميه وبس كل ياهل وبنيته مو شرط المتن صحه للياهل مردة يكبر

 

[روح مووود]

الله يعين انا نفس الحاااله

 

[مشتطـه]

الصراحه عيالج كبار اتوقع مو لازم لازم حليب

عبالي بالاشهر اعمارهم

 

[نـعـومـه]

صح عقب السنتين مولازم حليب عطيهم لبن شوي اجبان

 

[english muffin]

شلون مب لازم حليب
امبله لازم لعالاقل 5 - 6 سنوات
اهو في مرحلة نمو وتوه بداية حياته يحتاج لمناعة و فيتامينات وكالسيوم

 

[البلوره]

هلا اختي جربي تسويله حليب مع شاي .. الحليب السايل مثل ابو علم او ابو قوس او بوني مع الشاي؟

او حليب تشوكليت المراعي .. ياشوكلاته يافرواله وجيبي النوع الصغغير الحجم علشان مايغثه

في منهم مني صغار يمكن يتقبل اعرف اولاد ماكانو يشربون الحليب وحبو المراعي.. بس مره باليوم لانه يعطي طاقه

ومايخليهم ينامون بس الصبح عطيهم ..

 

[قشطـــة]

توهم اصغار لازم حليب

شوفي جربي معاهم حليب فرش وحطي معاه حليب نكهات مثل حليب الفراوله
وبتدريج خففي حليب الفراوله اللين يصير حليب فرش عادي وراح يتعودون يشربونه إن شاءالله
هاشكل اسوي ويا عيالي والحمدلله يشربون الحليب ... عيالي من عمر عيالج الله يخليهم ويحفظهم
واذا يشربون في اكواب او مميه خذيلهم عليها شخصيات كرتونيه