الحمدلله تمت العمليه على خيــر ..

[جنان ام عزوز]

السلام عليكم ورحمة الله وبركاته

شلوونكم خواتي العزيزات

الحمدلله يابنات

تمت عملية السحب على خير

والله اني كنت حييل خايفه

وارجف

وادعي طول الليل
:yaaaaaarb:

تخيلوا احنا يمكن 4 بنات اللي يبوون يسوون سحب عند الدكتوره فوزيه

وانا وزوجي قاعدين بغرفه

وادعي والحمدلله صليت الجمعه وقبلها قريت سوة الكهف ومريم والملك

وقبلها بيوم سورة ال عمران

جد يابنات بعد العمليه عرفت ان شعوور الخوف اكثر من العوار

المهم نادوني جناان

تعالي لغرفة السحب

دخلت وانا خايفه اجواء العمليه تخووف وطرت على بالي بهذيج اللحظه العضوه قلب مغليك وكاتي ايز مادري سبحان الله طروا علي وانا داخله ابي اقعد على السرير :bbbiu::eh_s(7):

الا هاذي الدكتوره فوزيه جدامي وتبتسم وتقولي شلونج جنان انتي اللي قلتي لي انج خايفه

قلت اي دكتوره حييل

قالت صدقيني ماراح تحسين بشي

قلت ان شاءالله

والا جا دكتور التخدير البنج

ووقف فوق راسي

قالي جنان قولي اللهم لا سهل الا ماجعلته سهلا وانت تجعل الحزن اذا شئت سهلا

قال قوليها 3 مرات

وقلتهاا

وقال ربنا يسهل علينا ويكرمك قلت امين

بعدين ماادري شنو صار رحت بسااابع نوومه

ماقعدت الا السستر وزوجي يكفخوني جنااان جنااان

فتحت عيوني الا السستر انيتاا يحليلها وزوجي جدامي

قلت خلصت خلصت

قالوا ايه

واقعد ابجي الحمدلله يارب

الحمدلله يارب خلصت

ماحسيت بشي

وابجي وزوجي يهديني ويقولي يوم شفتهم طلعوج من الغرفه نزلت دموعي

صج بني ادم ضعيف لاحول له ولاقوة

المهم

جاتني الدكتوره فوزيه وطمنتني وقالت ترى بينزل دم عادي

واذا حسيتي بعوار بيعطونج مسكن

وفعلا عطوني مسكن

والعوار عوار الدوره الحمدلله

بعدها بساعه جابوا لي وجبة الغدا بس ماكنت مشتهيه وبالغصب كليت زوجي اصر علي ياحياتي

بعدها قلت ابي اروح الحمام

واحسن تحت دم واايد

واروح الحمام والدم ينزل لتحت نقط دم اسود جذي احمر قامج

المهم يوم قعدت على البرج الا تنزل كتلة دم كبيره ووراهاا صغيره

خفت صراحه وقلت للسستر قالت عادي

هاذا يمكن من الابره

وخلوني اقعد نص ساعه عشان يخف الدم

والحمدلله صار جننه دم دوره عادي

يعني مو نزيف الحمدلله

وبعدها طلعت البيت

وريحت

وان شااءالله باجر يقولون لي جم بويضه تخصبت


عسى ربي يعوضني خير عن هالتعب وهالعمليه بالتوااائم السليمين المتعافيين يارب


وارزق كل محرومه وكل من سعت في سبيل تشووف ضناهااا :yaaaaaarb:


وابي تقولون لي بنات بعد السحب نزل منكم دم وايد والا قطع دم ؟؟؟

 

[بدويـة للنخاع]

الحمدالله على سلامتج وأنشالله الفال لما تبلغيننا بالحمل آميييييييييييييييييين يا رب وربي قشعر جسمي من كلامج والموقف انزين ممكن تقولين من......الى شنو يعني التلقيح لأن عندي أختي تبي تسوي

 

[الزيـــــ^^ـــــن]

ان شاءالله ياربي يرزقج بتوووم ويفرح قلبج

ويرزقنا امييييييييييين يارب العالمين

 

[أم سعود الشمري]

الحمدلله على سلامتج وعسى الله يفرح قلبج ويقرعينج بالذرية الصالحة

ياااااااااااااااارب وكل محروم مسلم

 

[Dodo80]

الحمدالله عالسلامه


الله يرزق يارب ومايروح تعبج عالفاضي وانا انشاء الله ناويه اسوي العمليه بعد الرمضان

 

[جنان ام عزوز]

الحمدالله على سلامتج وأنشالله الفال لما تبلغيننا بالحمل آميييييييييييييييييين يا رب وربي قشعر جسمي من كلامج والموقف انزين ممكن تقولين من......الى شنو يعني التلقيح لأن عندي أختي تبي تسوي

الله يسلمج

اللهم آميــــــــــــن ربي يسمع منج

حبيبتي التلقيح انواع

في تلقيح داخل الرحم اللي اهو تلقيح صناعي واهو نفس الجماع العادي

اما اللي انا سويته اهو حقن مجهري نفس اطفال الانابيب بس الفرق انهم يحقنون البويضه بالحيوان المنوي

واسمه تلقيح خارج الرحم


يارب يتلقحون كل بويضاتي
وعسى ربي يرزقني بالتواااائم ويرزق كل محروومه

 

[جنان ام عزوز]

ان شاءالله ياربي يرزقج بتوووم ويفرح قلبج

ويرزقنا امييييييييييين يارب العالمين

اللهم آميـــن

ربي يرزقني بالتوائم ويرزقج بالزين ويرزق كل محروومه

 

[جنان ام عزوز]

الحمدلله على سلامتج وعسى الله يفرح قلبج ويقرعينج بالذرية الصالحة

ياااااااااااااااارب وكل محروم مسلم

الله يسلمج

ربي يسمع منج يارب

ربي يرزقني ويرزق كل محرومه ومحرووم
جزاج الله خير

 

[جنان ام عزوز]

الحمدالله عالسلامه


الله يرزق يارب ومايروح تعبج عالفاضي وانا انشاء الله ناويه اسوي العمليه بعد الرمضان

الله يسلمج

وعسى ربي يرزقج بالحمل قبل رمضان وماتحتاجين للعمليه يارب

 

[رشروش]

حمد الله على سلامتج يا قلبى وانشالله تبشرينا فالحمل

 

[جنان ام عزوز]

رشروش

الله يسلمج ياغناتي

اللهم آميـــن

ان شاءالله يارب ابشركم بالحمل

 

[مربى و قيمر]

الحمدلله على السلامه
وان شاء الله حامل بتوام سليمين
يارب
ويرزقنا كلنا
كم العمليه عند فوزيه بدون العلاج

 

[شنوووفه]

الحمدلله والشكر ياارب :>
مته يقلولج النتييجه
وانشالله باذن الله حااااااااااااااااامل

 

[جنان ام عزوز]

مربى وقيمر

الله يسلمج ويسمع منج يرزقني بالتوائم يارب

العمليه من غير العلاج 1100 دينار
السحب 900 دينار
والارجاع 200دينار

وعسى ربي يعوضنا بالحمل بالتوائم يارب



شنوووفة

اي والله الحمدلله يارب
يقولون النتيجه باجر بالليل
جم بويضه تلقحت ومتى يكون الارجاع
وربي يسهل يارب

 

[سراب44]

الحمدالله علي السلامة
وعسي ربي يرزقج بذرية الصالحة

لا اله الا الله محمد رسول الله

 

[ام دليار]

الله يرزقك ويرزقنا يارب

 

[جنان ام عزوز]

اللهم آميــــــــــــــــن


ربي لاتذرني فردا وانت خير الوراثين

 

[عطر الدوحه]

الله يرزقج ياحيااااااتي

 

[قلب مغليك]

الله يرزقج
يارب
هالشعور كان مولم انا تعذبت نفسيا وقت العملية عند ناهض يودونج غرفة كانها تنويم طبعا حاولت دخل الابره ماقدرت مالت البنج ورحت غرفة العمليات عنده بصوب هناك دخلوها وعندي 2 من دكاترة البنج والممرضات كاني بعمليات واللبس والجو عاد لما قعدوني بغيت اموت من الكمام والبنج احس في طعم بحنجرتي
تدرين وقتها تذكرت البنات اللي سوها اكثر من 8 مرات الله يعينهم لانها بالنسبه ليي كانت عملية نفسية اكثر من انها علاج
ودعيت قلت يارب مليت من كثر مافحصوني ياربي لاتذلني لعبادك
والحمدالله ربي رزقني
الله يرزقج يارب

 

[غلا عيوني]

الله لايخسر تعبج يارب ويرزقج بتوائم الصالحين