الحمدلله رب العالمين :(

[Warrda19]

السلام عليكم ورحمة الله وبركاته
شحالكم بنات ،،
رح ابدى موضوعي عطول بدون اي مقدمات
الصراحه مادري اهي مشكلة اهي ابتلاء اهي
شي عادي مادري شسمي حالي !!!




انا وحده متزوجه والحمدلله مرتاحه بزواجي واايد
ماشالله والله لا يغير علي

واتمتع بقدر احمد الله عليه من الجمال ، والحمدلله
جامعيه واشتغلت فترة ماقبل الزواج

مشكلتي احس ان فيني عين او نفس وتدرون شنو
يعني عين !!!
يعني من اول ماخلصت الثانوي صادني تعب وخمول
ونزلت عشر كيلو بشهر واحد وشعري كله نزلت و
بشرتي صارت باهته ووجهي شاحب وبقيت ست سنين
لما استرديت صحتي
وما تقدملي احد مع ان الكل يضرب المثل فيني بالجمال والاخلاق
وكل ما وحده تشوفني كأنها تشوفني كنتها
بس لما نجي لللجد لا احد يتصل ولا احد يجي
يطق الباب
المهم تزوجت صارلي سنتين ،، اول سنة من زواجي
كانت من اسوأ ايام حياتي
ماكان زوجي وطلعت فيني عيوب الدنيا
مرة وحده بالنسبه للانجاب
صادني ارتفاع بهرمون الحليب وصل فوق ال 3000 مع
انه الطبيعي 500 وتحت
وتكيس شديد بالمبايض مع اني ضعيفه ووزني مناسب
وكسل بالغدة الدرقيه وادى ذلك بالتالي لضعف بالاباضه

الحمدلله والشكر لله
اريد من كل من تقرأ موضوعي ان تدعو لي بالذريه الصالحه

 

[اميره1980]

حطي موضوعج في قسم تأخر الانجاب احسن
البنات هناك يفيدونج اكثر
موفقة

 

[ام زهقانه]

الله يرزق ان شا ا الله الذريه الصالحه
بس اختي الله مثل ما انزل الدا انزل الدوا
انتي نفس قصتج دايما عيون
بس هذا ابتلاا
اناي لاتخخلين الرقيه الشرعيه كل يوم اقريها وراح تشرفين الفرق مع ايام
والقراة القران وعندج الرقيه بعد اليوتوب حلوه
انتي اجتهدي القراة القران والرقيه وصلاة الفجر تخفف عليج ولا تنسين الدعا
وارقي نفسك دايما
وذا علي اكياس نصيحه اشربي ماي مقري فيه او ماي زمزم
وامسحي علي بطنج انا انفجر انبوب فيني بقيت اموت من عين
بس الحمد الله علي كل حال
ربج كريم ورزاق لا تنسين كلامي
الله يرزقج الذريه الصالحه

 

[شـوق@]

الله يرزقج بالذريه الصالحه
ويوفقج يارب

 

[لمى الهاجري]

شربي ماي زمزم وماي مقري شربيه وانثريه بالغرفة وجيبي زيت زيتون مقري عليه وتدهني فيه وتحملي تمدحين ريلج جدام الناس وخاصة رفيجاتي وزميلاتج بالدوام لا تكلمين عن حياتج الخاصة ولا عن ريلج العين حق

 

[! يكفيني انت !]

الله يرزقج ولا يحرمج يااارب اقري سورة البقره يوميا او ٣ ايام متواصله تقرينها كامله
وحطي سورة البقره بيتج تقرا وعليج بقيام الله والادعيه الله يرزقج ووفقج يااارب *

 

[طموحه بزياده]

قسم الانجاب راح يفيدج ... عليج ببذل الاسباب وترقية نفسج وقراءة البقرة وراح تبطل اي عين او سحر .. والاهم الاستعانه بالله والتوكل عليه .. اسأل الله العظيم رب العرش العظيم ان يرزقج عاجل غير اجل بما تريدينه

 

[ام الحلوه والمزيون]

Size="5"][/وسوتج هي الي جلبت لج المشاكل زايد نضرتج السلبيه تفايلي بلخير واقري ادعيه وكلي حبوب الغد وان شالله طيبهsize]

 

[popa]

حبيبتي في حبوب توخر الحليب والتكيس وايد يعانون منه وعلاجه سهل وادا انتي محسوده في شي اسمه
قران اقري على نفسج

 

[ديانا سبنسر]

الله يرزقج الذرية الصالحة امييييين

 

[gorgeous lady]

حصني نفسك دايما،الله يشفيك ويرزقك بالذرية الصالحه في اقرب وقت

 

[الغـــــزال]

داومي ع أكل 7 تمرات ع فكة الريق مع ماي زمزم
وأقري سورة البقره بأنتظام...وداومي ع الرقيه الشرعيه

وأكثري من الصدقه..

والله يشفيك ويعافيك..ويرزقك بالذريه الصالحه ياااارب

 

[Happy.Qtr]

فديتج مشكلتج لا عين ولا شي . احساسج بالتعب والكسل والخمول بسبب ان الغدة النخامية الموجودة في الراس فيها اضطراب والغدة النخامية هي اللي تتحكم في هرمون الحليب وفي كل هرمونات الجسم بما فيها هرمون الغدة الدرقية وهرمون الحليب اذا ارتفع يسبب اكياس على المبايض ويأثر على الانجاب وانتي مشكلتج انج ما رحتي للطبيب من البداية عشان تشوفين شنو سبب الكسل والخمول وقلتي عين وحسد وللاسف اغلب الناس يفكرون نفسج .. صج العين حق والحسد موجود بس مو معناته انه نقط كل شي عليه ونهمل صحتنا
الحين لازم تتابعين مع دكتور غدد عشان ينزل لج هرمون الحليب ويشيل التكيسات وترا العلاج مو سهل ويبي له صبر والتزام بمواعيد الدواء
والله يشفيج ويعافيج

 

[مفعمه بالحيويه]

الله يرزقج بالذريه الصالحه
حبيبتي فيه دكتور اعشاب يقدم برنامج على قناة سكوب يوم الاربعا اظن الساعه تسع او عشر ـ، المهم

عنده مركز علاج بالاعشاب والحجامه

يعالج كل شي ذكرتيه



والله يشفيج

 

[(كويتيه عسل)]

الله يشافيج يارب روحي الطبيب عالجي واستمري بالعلاج واهتمي بنفسج وقت الدورة

وااااايد بنات مثلج والحين عندهم عيال ويرزقج بالذريه الصالحه :eh_s(17):

 

[كرآميل]

كل شي له علاج .. العيـن داومي عـ القرآن و الصلاه في وقتهـا
وراجعـي عن تأخر الحمل ولا تعتمديـن دكتور واحد يوم بتبديـن الاعلاج استخيري قبل
وبدي يوم بتكونين مرتاحه


الله يرزقج بالذريه الصالحه

 

[أعشقه]

زوجة حماي عندها هرمون الحليب حيييل مرتفع وماحملت لها الحين 4 سنوات
راحت المستشفى عطوها ابرتين ونزلت عندها الهرمون وصار كل شي اوك الحين ..
وبالنسبه لموضوع التكيس عادي تعالجي ويروح بس توكلي ع ربك اختي صار معها تكيس وتعالجت وراح التكيس
وترى قالت لها الدكتوره احيانا سبب التكيس يكون نفسي .. شوفي نفسيتك انتي وحاولي تصلحين امورك
وبالنسبه للغده .. شوفي لك اكلاات تحفز لك الغده .. غذااا اقصد اكلك يمكن مو زين مايناسبك ..
بس عن تجربه زوجة خالي هرمون الحليب مرتفع لدرجه ان صدرها يطلع حليب وهي مب حامل ولا شي بس لان الهرمون حيل مرتفع ..
قالو لها تاخذ ورق الريحااان الي تصير ورقته اشوي كبيره .. وتحكه ع صدرهاا واستمرت عليه فتره بسيطه وع طول حملت نزل عندها الهرمون .. ان شاء الله فهمتي علي ..
ماحبيت اطلع ومافدتك لو بالشي القليل .. ربي يوفقك ويسهل امورك ويرزقك من حيث لا تدرين ..

 

[Warrda19]

مشكورين عالرد حبايبي
فديتكم انا موضوعي الهدف منه اني افضفض
وبالنسبه للخوات اللي قالوا روحي تعالجي ولا
تهملين ،، انا لي سنة اتعالج يعني ما اهملت نفسي


وحياكم

 

[بولندية]

الله يرزقج و كثري من استغفار

 

[جــــود]

الله يشافيج ياربي
ويرزقج من واسع فضله