الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بعض

[تمــــارا]

الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بعض

الحمدلله حمداً كثيراً طيباً مبـــاركاً فيه ..

اللهم لكـ الحمد كما ينبغي لجلال وجهكـ وعظيمـ سلطانكـ ..

الحمدلله .. الحمدلله .. الحمدلله

انا اجريت عملية اطفال الانابيب .. وامس حللت وطلع ايجابي والحمدلله

والى الان مني مستوعبة .. كل شوي افتح الورقة واتاكد .


.وشكلي بعيد التحليل بكرة وبسوي هرموني

اللهم ثبته واحفظه ياحفيظ ..


ومني عارفة اتصرف في اشياء كثير ..لانه أكيد عارفين انه حمل اطفال الانابيب يختلف عن الطبيعي

فياريت حبيباتي تساعدوني .. وتريحولي بالي ..


وممكن يكون مرجع لكل وحدة في نفس وضعنــــا



يعني بالنسبة لحف الجسم والبطن ..عادي؟؟

والمنطقة الحساسة >>عادي بالحلاوة ولا موس؟؟

وتشقير الحواجب .. في كثير حوامل طبيعي ويشقروا..شو رايكم ؟؟


والأكل .. عادي كله .. يعني انا بعيدة عن المقليات والبهارات .. في نصايح اخرى ؟؟

واهم شي .. اهم شي ..

العلاقة الزوجية ..؟؟..

انا دكتوري قال 11 اسبوع ونشوف ..وزوجي بيطق :eh_s(14): ..

مدري كيف بيصبر ..

طيب المداعبات اللي تثيرك .. ممكن تأثر ..>>:eh_s(22): سوووري ع الاحراج

لكن انا خايفة من كل شي .. ودكتوري مشغول .. ولا يقول كلمتين ويسكت

ومافي احد في العائلة مسوي اطفال انابيب ..

قلت مافي غيركم .. نفيد ونستفيد

واذا في نصايح ثانية .. او تمارين ممكن تفيدني .. ياريت ماتبخلو علي


واللي ترد علي... الله يجزاها الفردوس الأعلى من الجنة

ويزقها ماتتمنى .. ورؤية ماتتمنى ..ويكتبلها الرضى في الدنيا والآخرة

ويرزق كل محرومة ويفرج عن كل مهمومة .. اللهم آمين​

 

[الجوهرا]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

الف الف الف مبروووووووك

 

[جـــواهر]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

الله يتمم عليج

جان خبيتي لين يثبت الناس ماتعطي خير

ندري حتي القطاوه تحمل لكن العين حق


الله يثبته ويتمم عليج وتكحل عينج بشوفته

بالنسبه للانابيب اتوقع نفس الطبيعي من ناحية الاهتمام

 

[زين ودلال]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

ما شاء الله تبارك الرحمن

الله يتمم عليج يارب

 

[تمــــارا]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

الله يسلمكم جميعاً .. ومشكووورين ع المرور

يعطيكم العافية

جواهر .. ياقمر انا ماقلت لاحد .. الا امي

واكيد ..اقضو حوائجكم بالكتمان

بس الوسوسة والخوف من كل شي .. ودي اعرف واتطمن

مشكورين جميعا

في انتظار المزيد​

 

[ام اغلى الناس]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

الف مبروك
الله يثبته
اهم شي الادعيه
والراحه
بافيدج من تجارب رفيجاتي
كثري خيار وحليب بالنشا للتثبيت
صلي وانتي قاعده
لاتمشين واجد وابتعدي عن السلم
ابتعدي عن المشروبات الحاره والاعشاب
قللي كافيين بالجاي والقهوه
اكلي فيتامينات وفوليك اسيد
واعتقد بالشهر الرابع الدكتوره بتوصف لج كالسيوم وحديد
اشربي حليب وعصير طبيعي يوميا
لاتشربين او تاكلين اناناس

 

[عنووشه]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

الراحه ثم الراحه ثم الرااااحه



وعسي ربي يثبته يارب. وتولدين بالسلامه

 

[ام اغلى الناس]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

هذا الموضوع حلو وفيه نصايح وادعيه

http://www.q8yat.com/t638059.html

 

[تمــــارا]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

أم أغلى الناس

تسلمي ياعمري الله يسعدك دنيا واخرة

ويفرج عنك كربتك .. بفتح الرابط واشوفه

ومشكوووورة

بس النشا مايجيب امساك .. انا ماصدقت ارتحت ممنه


عنوشة

آمييييين .. يااارب

تسلمي حبيبتي
​

 

[أم معاذ الكندري]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

حبيبتي
الله يتمم عليج يارب
وانا تلقيح مؤ أنابيب
الراحة ثم الراحة ثم ألراحه
ممنوع الجماع
ممنوع اكل الاشياء حاره
ممنوع المشي الكثير حاولي كله تنامين ع ظهرك
بالعربي الفصيح لمي قشج واقعدي عند امك ع الاقل لي الشهر الرابع او الخامس
لا تأكلين انناس ولامنجا
ممنوع شرب المشروبات الغازيه
ممنوع اكل الحوامض مثل الطرشي او المخلل
ابتعدي عن اي شي فيه خل
انصحج خلي شغلج كله موس او مكينة براون
حتي المداعبات الزوجيه ممنوعه اول ثلاث اشهر لانه عند النشوه ينفتح عنق الرحم
هذي الاشياء الي اذكرها
صح بعض الاطباء وخصوصا الخاص يقولون مارسي حياتج طبيعيه بس أختي نصيحه لوجه الله لاتمسعي كلامهم أنا سمعت كلامهم اول مره وندمت
وهذا النصائح كلها ترا من مستشفي الصباح

 

[غرومه غنوجه]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

حبيبتي انا اقول اول ثلاث اشهر قعدي ارتاحي ولا تحركين وايد
لاتشيلين اشياء ثقيله لا ترهقين نفسج بالمشي حاولي حتن طلعاتج تخففينهم
من تنامين نامي على ظهرج ورفعي ريولج شوي
عشان باذن الله الواحد الاحد يثبت البيبي

الحين الاشياء الي لازم تبتعدين عنها

الاشياء الي تنزل الدوره لاتقربين يمها كلش
تمر لا تاكلين لان مريم عليها السلام يوم صارت فيها الولاده الله امرها بهز النخله واكلت تمر
فحاولي الاشهر الاولى لا تاكلين منه
وابتعدي عن الاشيا الحاره الي تسبب الاجهاض الله لا يقوله

لاتكثرين من اكل الملح ولا تكثرين من اكل الاناناس لانهم يسببون اجهاض عسى ربي يبعده عنج

الكريمات الحاره لاتستخدمينهم ديري بالج ان ظهرج عورج ورحتي طبيب وكتب لج وصفة فكس دهان لا تستخدمينها ديري بالج لانها حاره وتسبب اجهاض

الزعتر لا تكثرين باكله

الزعل والاعصاب حاولي لا تقربين منها

البيبسي والجاي والقهوه ومشتقاتهم حاولي تخففين منهم كثر ماتقدرين

عليج بالحليب مرتين او ثلاث مرات باليوم
عليج بانتظام الغذاء الخضروات والفواكه لان فيها فيتامينات
اكلي لحوم لان اعتقد فيها حديد
الادويه الفيتامينات الي يعطيج ياها الطبيب اول باول اخذيهم لاتقطعينهم

والجماع انتبهي انتبهي انتبهي مو تحرمين زوجج لا بس حاولو يكون بشكل خفيف ومافيه حركه قويه ولا ضغط قوي

صبغ ومشتقاته ممنوع مممنوع مممنوع ممممنوع ممممنوع واكد عليها مليون مره
ليزر ومشتقاته لا لا لا لا لالالالالالا وممنووووووووع
ابتعدي عن هل سوالف رجاءا بلييييييييز

وحاولي تنتبهين على عمرج لانه طفل انابيب وينخاف عليه
حبيبتي من قلب فرحة لج وقرة عينج بالحمال وعسى الله يتممه لج على خير
ودييري بالج على نفسج مااوصيج

 

[lavendara]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

اضم صوتي لج
انا بعد حملت من اطفال انابيب و الحين دشيت الرابع الحمدلله
طبعا رحت بيت اهلي و سلم ما اصعده او انزله عندنا اصنصير و كلش كلش صعدي او نزلي خطوه خطوه
الاكل و الشرب حرصي عالفواكه و الخضار و اللحوم و ابتعدي عن اللحوم البارده مثل المرتديلا و غيره و شرب الحليب سواء حار او بارد
و لي يومج هذا ماطلع كلش اخذت مجلس طبي و توني من اسبوعين بديت بس ازور بيت يدتي و اهله
و الصالونه اتييني للبيت
والله يتمم عليج حبيبتي و علي

 

[غرومه غنوجه]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

نسيت اقولج ان قلتي الحين لهم ولا بعدين النفس الحسوده الي ماتخاف الله بتحسد اول وتالي ودام قلتي الحين احسن من بعدين لان بعدين خوفج يشوفون بطنج فجاه كبرت وبيبطلون عيونهم عليج

 

[أم معاذ الكندري]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

اي صح
أختي داومي ع قرأة سورة البقره كل يوم
والرقيه الشرعيه واذكار الصباح والمساء
واكثري من الاستغفار والدعاء
وصح بعد ابتعدي كل البعد عن شرب الأعشاب

 

[ام الحلوااات]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

مــــا شــــــآء اللــــه لاقـــــوووة الا بـــاااللـــــــه تــبـــااارك الـــرحـــمــــن

اللــــه يـــثــبــت حــمــلــج ويــتــمــم عـــلــيــج ويــفــرحــج بــضــمــة ضـنــاج
حــبـيـبـتتــــي كــتــمــي عــلـــى ســالــفــه حــمــلــج ولا تــتــحــركــيـــن وااايـــــــد وانــتـبــهــي مــن الـــدرج
وارقـــــــي نــفـــســـج ولا تــخــلــيــن اذكــااارج ودااومـــي عــلــى الاســتــغــفــار
واقــطــعــي الــجــمــاااع الــثـــلاث اشـــهـــر الاولــــــى لــيــن يــثـبــت حـمـلـج
ونــصــيــحــــــــــه ابــتــعـــدي عــــن الــتــشــقـــيــر والــصــبــع والــمــواد الــكـيــمــاويــه​

 

[تحبني ولا ...]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

الله يثبته يارب ويرزقج بتوأم


اهم شي ارتاحي لا تتحركين واجد وانسدحي ع ظهرج



الله يرزقج باللي تتمنين

 

[اطياب طيبه.أم عبدالله]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

الله يثبته لج يارب وتقومين بالسلامه وتفرحين فيه بحضنج

 

[تمــــارا]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

حبيبتي

الله يتمم عليج يارب
وانا تلقيح مؤ أنابيب
الراحة ثم الراحة ثم ألراحه
ممنوع الجماع
ممنوع اكل الاشياء حاره
ممنوع المشي الكثير حاولي كله تنامين ع ظهرك
بالعربي الفصيح لمي قشج واقعدي عند امك ع الاقل لي الشهر الرابع او الخامس
لا تأكلين انناس ولامنجا
ممنوع شرب المشروبات الغازيه
ممنوع اكل الحوامض مثل الطرشي او المخلل
ابتعدي عن اي شي فيه خل
انصحج خلي شغلج كله موس او مكينة براون
حتي المداعبات الزوجيه ممنوعه اول ثلاث اشهر لانه عند النشوه ينفتح عنق الرحم
هذي الاشياء الي اذكرها
صح بعض الاطباء وخصوصا الخاص يقولون مارسي حياتج طبيعيه بس أختي نصيحه لوجه الله لاتمسعي كلامهم أنا سمعت كلامهم اول مره وندمت
وهذا النصائح كلها ترا من مستشفي الصباح

الله يسعدك ويوفقك ويرزقك الذرية الصالحة المعافاة ،تاااامة الخلقة

فعلا دكتوري ماقال لي الا : كثري سوائل، ابتعدي عن المقليات ، ابتعدوا عن الجماع11 اسبوع

ع العموم مشكورة ع النصايح حبيبتي .. والله يثبتلي حملي​

 

[امواج الكويت]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

انا الحمدلله توني والده صارلي 24 يوم بنت اطفال انابيب

عيشي حياتج طبيعي بس بدون تعب ولا اجهاد مني لمن يثبت الحمل

والاكل وعادي والجماع عادي بس مو بقوه لا عالخفيف هههه

والافضل خلي الدكتور يتاكد من عنق الرحم عندج يمكن تكونين محتاجه ربط نفسي

 

[امواج الكويت]

رد: الحمدلله سويت اطفال انابيب وطلعت ::حامل :: <<لكل وحدة مرة بتجربتي ..تعالو نفيد بع

والشيره عادي انا مع الربط كنت اشيل شيره واساساً المسافه بين الرحم والفتحه من تحت كبيره