بنات اسفه حاول انزل الصور بس مب راضيه تنزل
السلام عليكم ورحمة الله وبركاته
والصلاة والسلام على نبينا وحبيبنا وشفيعنا محمد وعلى اله وزوجاته واصحابه الطاهرين
الله يسلمكم راح اكتب لكم قصتي الحزينه بالتفصيل عشان اتعرفون معاناتي اللي مريت بها طبعا كان شعري معدوم
والحمدلله اهتميت به بالزيوت والعجاف ورجع شعري احسن عن قبل بمليون مره وشفت اعلان عن حنا التنعيم وبدت
الطامه الكبرى الشعر من برا ناااعم ومن داخل فلافل عبل ليف عطوه اي اسم تبون والله شعري انعدم واللي حطته تو
الله يعينها اتزهب الكفن لانها بتبجي بجي بعد جم شهر والله من قدام صار طوله 3 انش اخترعت شغله وتمللت عاد صار
اطيح وايد ويتساقط بطريقه مينونه والله اتخرعون المهم قلت مب خسرانه شي يالله خل انجرب ياصابت ياخابت
ورحت وشريت هالمنتج وقلت وقلت الميدان ياحميدان اكيد اتعرفونه وهو لتساقط ( ثيرابي )
وهو يستخدم اول 5 ايام يوميا وبعدين كل يومين مره والله يابنات من اول استخدام وقف التساقط بنسبة 85%
وتيكسلت وحطيته بعدها بيومين وكانت المفاجئه ان التساقط خف اكثر عن قبل لكن الجفاف مازال فكرت وفكرت
وتذكرت خلطه حلوه للجفاف وهي علبة روب و3 ملاعق زيت زيتون و3 ملاعق عسل طبيعي وحطيتهم عدل مدل
من الاطراف حتى الجذور وخليتهم 4 ساعات والنتيجه مذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذهله
الجفاف بح بح بح بس ماخلصت السالفه باقي الشامبو والبلسم
البلسم والشامبو من هربل اسنسز اللي كنت خايفه استخدمه بلول والحين من استخدمته وانا مرتاحه من الجفاف اللي
كان متعب نفسيتي وبعد في شغله اخيره اسويها قبل ماطلع من الحمام وبعد كل هالويه اللي سويتها اخذ نبة الاس اوالياس وغلي ماي حار قد كوب اخذ كمشه بيدي
وبعد مايغلي الماي احطه بالكوب وخليه لين يبرد احطه برشاش ورش على شعري
من الجذور وكل مره صرت ارش عليه والله ياخواتي ارتحت والله يسامح كل وحده اتبيع الحنا ولاتقول مضارها ولا تنصح البنات وتبري ذمتها لانه وايد تضرروا من حنا التنعيم
يالله يابنات اللي تستفيد ياريت تدعيلي اني اخذ اللي ابيه يااااااااااااااااااااااااااااااااااااااااااااااااااااااااارب
بالتوفيق للجميع
