الحمل العنقودي و هرمون الحمل تعالو بنات ابي مساعدتكم

[*-*Lo0o0Raaa*-*]

السلام عليكم

الحمدالله على كل حال

بنات قبل فترة حملت بحمل العنقودي وطبعا لازم اجهاض

اللهم اجرني في مصيبتي واخلفني خيراً منها

وسويت تنظيفات ونزل الهرمون شوي شوي طبعا اول مره كل اسبوع ونزل اول مره 697

ولا تستغربون من النتيجة لان الحمل العنقودي يكون الهرمون عالي جدا جدا اعلى من الطبيعي

يعني حتا الدكاتره يشكون يا توم او عنقودي من كثر ما اهوا عالي

بعدها 3 اسابيع نزل الى العشرينات

وقالت لي بعد الدوة الجاية سوي تحليل بعدها وصل هرموني



الى السالب يعني توني كلمت الدكتوره قالت هرمونج نزل -5.3

وانا صارلي شهر وشي من سويت تنظيفات وطبعا امنعتني الدكتوره من الحماله اقل شي 6 شهور وفوق لان الحمل العنقودي مو نفس الاجهاض العادي اخطر من الاجهاض العادي

فحابه اعرف شنو تحليل هرمون حمل سالب ؟؟؟؟وشنو معناته؟؟؟

كلمت الدكتوره بالدوام وماخذيت راحتي لانه زميلاتي عندي

ومنو صار معاها هذا النوع من الحمل ومتى حملت ؟؟؟

لان احس القسم ما في من هالمواضيع.

هل من خوف اذا نزل الهرمون الى السالب؟؟

لان قالت لي الدكتوره اذا طلع سالب بعد الدوره الجايه بعد

خلاص لا تسوين مادري يعني خلاص اتطمن ولا شنو ؟؟

واللي صار معاها الحمل العنقودي متا احملت بعدها وهل تكرر معاها هذا النوع من الحمل ( الحمل العقودي)

بنات بليز انا محتاره وحابه اسمع تجارب

فبليز اللي تعرف اي شي عن تساؤلاتي ترد علي

وتكون فادت غيرهااااااا وايد


وشكرا

 

[نور دنياه]

ماعندي فكره بس اسئلي الدكتوره بالموضوع المثبت فوق.

 

[منونتي]

اب اب لعيونج


عسى الله يطمن قلبج ي ربي

 

[الجوهرا]

حبيبتي انا اعرف وحده صارل لها نفسج وحتى كبيره بالعمر بالثلاثينات وقالها الدكتور سنه ماتحملين ومن كملت شهرين من عوارها حملت وجابت طفل سليم معافى ماردت على كلام الطبيب

 

[بسمه فجر]

هلا حبيبتي لا تخافين أنا حملت عنقودا والله لا يعيد الشر عيا ينزل الهرمون وما نزل الا بابر يا رب لك الحمد والشكر واهم شي انه نزل الهرمون للصفر عندج هذا اهم شي الحمد الله ولازم ٦اشهر ما تحملين افضل لج وبعدين عادي انشالله ما ياثر أنا حملت بعده ٤ بس أنا مشكلتي اجهض ما يستمر والله يوفقج وكثري من الاستغفار

 

[بيت التوت]

الله يعوضج باللي احسن منه ياااااارب

بسمة امل
اجر ان شاءالله لج وربي يرزقج بحمل توئم ويتمم عليج يارب

 

[*-*Lo0o0Raaa*-*]

اب اب لعيونج


عسى الله يطمن قلبج ي ربي

حبيبتي مشكوره :eh_s(17):

ماعندي فكره بس اسئلي الدكتوره بالموضوع المثبت فوق.

سالتها وردت علي ماكنت منتبها بالموضوع يعطيج العافيه

 

[*-*Lo0o0Raaa*-*]

حبيبتي انا اعرف وحده صارل لها نفسج وحتى كبيره بالعمر بالثلاثينات وقالها الدكتور سنه ماتحملين ومن كملت شهرين من عوارها حملت وجابت طفل سليم معافى ماردت على كلام الطبيب

انا ودي اصبر شهرين واحمل بس اخاف

لان ممكن يسبب اورام الله يكافينا ويكافيكم الشر

الحمدالله

 

[*-*Lo0o0Raaa*-*]

هلا حبيبتي لا تخافين أنا حملت عنقودا والله لا يعيد الشر عيا ينزل الهرمون وما نزل الا بابر يا رب لك الحمد والشكر واهم شي انه نزل الهرمون للصفر عندج هذا اهم شي الحمد الله ولازم ٦اشهر ما تحملين افضل لج وبعدين عادي انشالله ما ياثر أنا حملت بعده ٤ بس أنا مشكلتي اجهض ما يستمر والله يوفقج وكثري من الاستغفار

الله يخليهم لج يا رب

انزين من بعد العنقودي متا حملتي ؟؟

 

[*-*Lo0o0Raaa*-*]

الله يعوضج باللي احسن منه ياااااارب

بسمة امل
اجر ان شاءالله لج وربي يرزقج بحمل توئم ويتمم عليج يارب

حبيبتي جزاج الله خير
:eh_s(17):

 

[الجوهرا]

ماادري بس اللي اعرفها اللحين عندها 4جهال وحامل ماصار فيها اي شي ماشاالله وحتى كان الدكتور قايلهاسنه ماتحملين قالت الله الحافظ واذا الله كاتب شي بيصير

 

[دلوعة كويتيات]

الحمل العنقودي اهو الحمل خارج الرحم؟؟؟؟؟؟؟ والا غيره؟
ماتشوفين شر حبوبه

 

[*-*Lo0o0Raaa*-*]

الجوهرا
اي والله الله الحاظ والله يرزقني ويرزق كل محرومه

دلوعة كويتيات

لا هذا غير عن خارج الرحم هذا حمل عادي داخل الرحم بس العيب يكون في المشيمه تكون فقاعات ماي وشكلها جنها عنقود العنب

وهذا اللي يسبب الاجهاض لان المشيمة مو طبيعية
الله يكافينا الشر وان شاء الله محد يصير فيه