الحمل بتووم تعالي سمعي دكتورتي شقالتلي @@

[q8 knosha]

السلام عليكم...​

بنات حبايبي بغييت اقولكم كلام دكتورتي ليييي :eh_s(22):​

انا رحتلها عشان استفسر منها عن جم شغله ومره وحده اقولها تكتبلي على حبوب كلوميد​

لان سمعت حجي البنات وانها حبوب ماتظر وفي بنات يابو تووم عليها وفي بنات ياخذونها من كيفهم​

بس حبيت اقولكم اللي قالتلي اياه دكتورتي عشان لاتاخذونهم بروحكم من غير استشارت طبيب​

انا اصلا كنت مفكره اروح اشتريهم من الصيدليه واخذهم على حجي البنات ومدحهم:eh_s(10):​

بس الدكتوره خرعتنييي :eh_s(2):​

انا الحمدالله ماعندي مشاكل بالحمل وحملت طبيعي ويبت ولدي حبيبي وانا ماعندي مانع ان يبت بيبي واحد​

بس كان خاطري بالتوم المهم رحت حق الدكتوره​

انا دكتورتي فوزيه القطان بس اذا بدش عليها كان لازم بموعد وبعد جم يوم
وانا كانت ثاني يوم لي دوره فكنت مستعيله ابي ادش على الدكتوره عشان تعطيني لحبوب لان سمعت من ثاني يوم دوره اخذهم الموووووووهم.....​

دشيت على دكتوره نهله اعتقد اسمها :eh_s(4): انا كنت ابي سهى بس ماحصلتها اهما بعيادة فوزيه القطان​

المهم دشيت عليها وقتلها انا ابي هل حبوب لان خاطري بتوم...​

قالتلي ماراح اعطيج اياهم لان انتي حملج طبيعي وماعندج مشاكل بالحمل فموزييييييييين​

تقولي ممكن تحملين بأكثر من 2 وهذي مصيبه ان صارت​

لان اذا حملت بأكثر لازم من الشهر الثالث تسويلي ربط عشان لايطيحون لان الرحم مايقد يشيلهم ​

وان نسبة التشوهات تصير كبيره لان موطبيعي​

وان نسبه سكر وضغط الحامل يصيبني وبنسبه كبيره لانهم تووم​

وان اذا اكثر من 2 وانا جسمي ماتحمل لازم عمليه يطيحون منهم قاعده تقولي تخيلي بيكون البيبي مكتمل ايد وريل بس لازم نموت منهم لانج تعبانه​

وان ماراح يصير في جماع طول الحمال​

وان راح تكون ولاده مبكره لان التوم ماتخلصين التاسع فبيوون صغار حيل ​

وقالتلي اذا حملتي بتووووم عن طريييق علاج مستحيل يطلعون متشابهين بيكون كل واحد غير​

وخرعتني الصراحه ​

غيرت فكرتي بأني اخذ حبوب او علاج عشان احمل بتوووووم​

قلت بدعي ربي وانشاءالله احمل بتوووم يارب والله مايقصر مع عبده
احسن من ما العب بنفسي :ggdw:​

واهيا قالتلي دام ان حملج طبيعي لاتلعبين بنفسج​

ايه وقالتلي ان في وحده عطوها لحبوب وحملت ب6 والحين اهيا لها 4شهووور
وقاعده تعابل بعمرها تبي تسافر لندن عشان يطيحون منهم لانها موقادره تتحمل الثقل والتعب
وقالتلي موجوده البنت للحينها تراجع عند دكتوره سهى
وتعباانه وايد كل هذا من لحبوب​

:eh_s(4):وبس حبيت اقولكم عشان لاوحده تفكر تاخذ لحبوب بروحها ​

 

[ام غازي 2012]

امييييين امييييين
الله يرزقج وبرزق كل محروووم يارررب

 

[كلاسيكال]

يارب لك الحمد على النعمه ، والله يرزق كل وحده ماتتمنى طبيعي يارب ، وترزق كل محرومة يارب

 

[q8 knosha]

اميين

 

[ام جي جي الحلوه]

خرعتيني

 

[••غـلآًهْـم••]

وممكن تسبب تكيسات علي المبيض وتلعب بهرموناتج

الله يرزقج
باللي تتمنين اذا فيه خير لج

 

[rora_q8]

الله يرزق كل محرومه يارب

 

[ام ساره 4]

تسبب تكيسات عالمبيض ويزيد الوزن والشعر بالويه والجسم وتلخبط الهرمونات

 

[أخاف اجرح]

كل شي طبيعي من الله سهل وحلو ادعي ربج والله قادر ان يحقق امنيتج يارب وتجيبين احلا تواام متشابهين وتكونين بصحه وعافيه

 

[طيبة83]

اصلا ليش تبين توم

ثقل وخطوط وصعبه ولادتهم وتربيتهم

 

['Basma']

الله يرزقج اللي تتمنينه يارب

 

[كويتيه مذهله 87]

الله يرزق كل وحده تبي توم يارب بصحه وعافيه

هو صح الكلوميد يسبب مشاكل وايد خصوصا من دون استشاره الطبيب
بس اشدعوه عليها طيحت حظ التوم ههههههههه صح فيه مشاكل اذا حملتي فيهم بس قليل جدا اذا حافظتي علي نفسج وصحتج مايصير فيج جذي

 

[q8helwa]

الكلوميد مو اي وحده تاخذه علا حسب الجسم

 

[sosowaty]

و عليكم السلام

يزاج الله خير حياتي

 

[Apple1]

أسلمك بالكلوميد
تحمدوا ربكم على النعمة. انا ناخب لحبوب ولا اواطنها
بس اتضريت أخذ كلوميد لان عندي مشاكل بالبيض
الحمد لله و الشكر

الطبيعي ماكو أحلى منه

 

[Om_RaYomaH]

الله يهديكم تحسبون حمال التوأم سهالات
والله تعب اسالوني عن تجربه حملهم ثقيييييييل ومتعل نفسيا وجسديا
انا وراثة حمل التوائم عندي بس ربي مايكتب واحد منهم سبحانه لازم يموت باول الحمال خيرة ان شاءالله

غير صحتهم تجي شوي ناقصه عن الكل
لا اكل لا قعده مثل الناس
وولادتهم يااااربي الله يعييين تذبح
وغير تربيتهم وخاصه اذا موظفه جهاد والله

عينوا من الله خير واحمدوا نعمة ربكم غيركم يتمنى ريحة الجهال وانتوا تبون توائم؟!

 

[عسل حدي]

للرفع

 

[Fmzg]

صديقه اختي كانت تعالج عند فوزيه القطان قبل سنتين وحملت بخمس توائم والبنت قامت تنتفخ حيل وتعبت وصلت لي الشهر الخامس تقريبا الدكتورة قالتلها انا مالي شغل بجم ياهل اتحملين وقالتلها بالكويت مايجهظون البنت كانت بتموت ودوها السعوديه طبعا بتوصيه من دكتور قطب اجهضوها اهناك

 

[q8 knosha]

الله يرزق كل وحده تبي توم يارب بصحه وعافيه

هو صح الكلوميد يسبب مشاكل وايد خصوصا من دون استشاره الطبيب
بس اشدعوه عليها طيحت حظ التوم ههههههههه صح فيه مشاكل اذا حملتي فيهم بس قليل جدا اذا حافظتي علي نفسج وصحتج مايصير فيج جذي

لول اقولج خرعتني والله
انا قتلها خرعتيني جان تقولي لا مااخرعج هذي معلومات ابيج تعرفينها :eh_s(10):

تسبب تكيسات عالمبيض ويزيد الوزن والشعر بالويه والجسم وتلخبط الهرمونات

توني ادري بعد عن هل معلومات

اصلا ليش تبين توم

ثقل وخطوط وصعبه ولادتهم وتربيتهم

مادري بخاطر
التعب اهوا التعب حتى ان حملت بواحد
بس ترتاحين تالي

 

[*ضيفة*]

جزاك الله خير ع النصيحة والله يرزقك ويرزق كل وحدة باللي تتمناه بجاه هالشهر الفضيل
الطبيعي مافي احسن ولا احلى منه