الحمل والإجهاض .............!؟

[dania2]

انا حامل وماكنت حاسبة اني بحمل وتفأجات بالحمل بعد عمل فحص الحمل بالبيت وتضايقت مو من الجنين إني عندي اولاد يهال واخرهم عمرها سنة وحسيت بظلمها وبظلم نفسي بالوقت الحالي فما نصيحتكم بالسبة للإجهاض واسقاطه علما ببداية الحمل مايقارب اسبوعين فهل يصير وكيف الطريقة ومن يقدر يفيدني بهالشي هل هناك حبوب وهل هي متوفرة هنا بالكويت وهل لها تأثير سامحونا بس حيييييييييييييل مضايقة ومالي عارفة شسوي بروحي حتي ريلي يقول بنظلم البنت وهم مضايق ومايعرف شنو يقول لي

 

[جبنة بيضة]

الله يهديج يا اختي هذي نعمه من الله و انتي هذا تفكيرج لازم تقولين الحمدالله هذي عطيه من رب العالمين غيرج متشفق على الضنى لا حول و لا قوه الا بالله

 

[امتى اشوفك]

لا يجوز الاجهاض الا باسباب منها ان يكون الحمل خطر على الام وبقاءه ضرر عليها اما لغير ذلك لايجوز لاسامح الله تخيلي انك لو اجهضت ربما اثر على صحتك او ظهر ذلك باحد اولادك وانا احكي لك عن تجربة لان احد من قريباتي سقطت طفل عمره اربعة اشهر كانت لاتريد وبعد سنة توفى ابنها بدون سبب اما بخصوص التربية انا واختي فرق بيننا اقل السنة والحمد لله امي ربتنا والحين باحسن حال هذا رزق من رب العالمين الله يقومك بالسلامة وابشري قد يكون الخير كله على وجه هذا الطفل وادعي الله ان يكون معافى وتام الخلقة ...تعوذي من الشيطان اختي

 

[dania2]

مشكورين علي الردود ونعم بالله واعرفهذا عطية من رب العالمين بس مضايقة من الحمل بهالوقت ماشفت حياتي اول ماوفتحت علي الدنيا صار عندي عيلة وماشفت حالي وتدرون البيت والعيال وطلباتهم يحتاجون عناية

 

[الأميرة كيرارا]

حبيبتي حمدي ربج و لا تفكرين جذي في ناس تتمنى العيال
أدري عيالج صغار بس لاتحاتين الله بيقدرج على تربيتهم

 

[dania2]

مشكوورة اميرا كيرارا والله مال عارفة ولا اعتراض علي حكم الله واعرف خير ونعمة بس العيال مسؤولية وانا بيلي كرمني فيهم ربي مو خالصة تجاههم بالتربية والمسؤوولية والدراسة

 

[@ام يوسف@]

Re: رد: الحمل والإجهاض .............!؟

حبيبتي حمدي ربج و لا تفكرين جذي في ناس تتمنى العيال
أدري عيالج صغار بس لاتحاتين الله بيقدرج على تربيتهم

انا معاج هذا اللي كنت بقوله :eh_s(7):

 

[dania2]

مشكورين لحد الآن مالي عارفة شسوي حتي أهلي مادريتهم ,,,,,,,,,,',,,,,,,,

 

[_ظل الياسمين _]

ربى يجعلج الخيره من امرج.

 

[+بسبوسة+]

تبين اقص عليج ولا تبين الصج؟؟؟؟؟؟؟؟؟؟؟؟؟؟؟

الاجهاض في كل حالاته حرام الا اذا كان فيج او فيه مرض خطيييييييييييييييييييييييييير

هذي نفس وسالفة اظلمها ما اظلمها..انسيها لان مافي ظلم اكبر من القتل

بتقولين عمرها اسبوعين...يا اختي الزرع نوقف عنه الماي عمدا عشان يموت؟؟؟؟؟؟؟؟؟؟؟

انتي ضامنة باجي عيالج بيبقون لج؟؟؟ ضامنه برهم لج؟؟؟
ضامنه نجاحهم؟؟؟

ان مع منع الحمل لكل وحدة تحس ظرفها مايناسب

بس اذا حملت خلاص الموضوع مافي نقاش!!

حمدي ربج حمدي ربج

لاتقولين تزوجت صغيرة وبشوف نفسي وبربي الباجي عدل

ضامنه ان باجر تجهضينها ويجيلج شي اكبر يشغلج عن عيالج...

نصيحة

ابي منج بس 3 ايام التزمي فيها بالصلاة بوقتها بالضبط
وبالوتر
واقري سورة البقرة عشان مايقرب يمج الشيطان

واستخيري..

شوفي شلون ربي بيشرح صدرج للياهل المسجين الي اهو لحمة في بطنج مافي شي يرحمه الا حنانج..لاتقولين فلوس ولا راتب ولاوقت فكري فيه له حق مثل باجي عيالج
تدرين والله اني قريت انه يحس برفض امه له...وش ذنبه؟؟؟
هالياهل الي ربي خلاه في بطنج امانه ترعينها ولا ماترعينها

حفظي الامانة عشان الله يحفظلج البركة والصحة والعيال...

 

[ام سارونة]

ما يجوز
قولي الحمدلله

 

[dania2]

الله يبارك فيكم وعلي مروركم الطيب ونصايحكم وعسي ربي يشرح لي صدري للخير ويجعل إيماني أوقي من أي وقت ويديم الصحة والعافية عليكم وعلي عيالكم ويبارك لك في حياتكم