الحمل والزيرتك.... ساعدوني

[rehamq8]

السلام عليكم حواملنا الحلوات
الله يسهل عليكم يارب ويتمم حملي
عندي استشارة اذا في وحده نفس حالتي تفيدني
انا من سنه صار معاي حساسيه بالجسم رحت الطبيب وقالي اسمها اركتاريا اذا ماني غلطانه ووصفلي الزيرتك يوميا وقالي انه ماله اثر على الانسان
عموما الحين انا توني حامل صار لي شهر وخفت من الزيرتك ووقفت اكله بس الحساسيه ذابحتني والحكه سألت الدكتوره بالتليفون لان لي الحين ما بديت اراجع قالت الزيرتك ماله خطوره كبيره وانه يعتبر من المجموعه الثانيه إلي اثرم موكبير
بس لين الحين خايفه
الي مرت بنفس الحاله تقولي شسوت وتنصحني بليز

 

[مدمنة ككاو]

انا نفسج بس حساسية بالجيوب وراسي احسه بينفجر

شوفي حاول بس على الاقل اول 3 شهور ما تاخذينه دوري بداله كريم يهدي الحكه وتصبري لين ادشين الرابع واخذي زيرتك كل يوم حبه

والله يثبت حملج ويخفف عنج ياربي

 

[rehamq8]

بعد عمري مشكوره مدمنة كاكاو
والله قاعده احاول بس بعض المرات افصل واقعد احك حيل جنه فيني جرب اعوذ بالله
الله كريم ويهون علينا
انا بحمالتي الاولى جتني حساسيه بجسمي كله عالشهر الاخيروالدكتوره ولدتي لاني كنت كل يوم اروح ابجي عندها وضغطي يرتفع
بس هالمره من قبل الحمل اصلا وعودت جسمي عالزيرتك
فالظاهر احتاج فتره على ما يتعود جسمي بدونه
والله كريم

 

[_Pure_]

في ادوية حساسية بديله شوفي غير الزيرتك

 

[دلع86]

انا صار فيني حساسيه بحمالي بالشهر الخامس ودكتورتي وصفت لي زيرتك بس الصراحه انا خفت اخذه وما اخذته بس قالت لي ان ماله خطووره

 

[rehamq8]

والله انا بعد خفت اخذه وفي دوا ثاني نسيت اسمه بس قالتلي الدكتوره انه كله اخليني دايخه اكثر من الزيرتك وانا مونافصه ابروح نساتي كلها خمول ونوم والله ماني ادره اركز بالشغل والبيت اخلي اليهال وانام ما ادري عنهم

 

[كتكوته ورديه]

انا صارلي حساسيه من شهر 2 ولا حين احط كريمات زيرتك وحبوب اهم شي استشارة الدكتور

 

[rehamq8]

الله يعينج والله ويعيني
انا مارحت للدكتوره ان شاء الله بروح واشوف شتقول

 

[اطياب طيبه.أم عبدالله]

انا اخذه عادي
فيني حساسيه موسميه وما اقدر استغني عنه والدكتوره قالت لي عادي اخذيه
بس خذيت 3 حبات بس بالشهر الثالث لاني جد تعبت من الحساسيه

 

[@سيدة نفسي@]

انا خذيته ببداية شهري التاسع وقالت لي الدكتورة عادي تاخذينه خذيت حبتين بسسسسسسسس

الله لايراويكم طحت يومين بالفراش جني مقتولة ولما راجعت بأول اسبوع من التاسع

قالت لي ماي البيبي نااشف لازم ولاااادة وفعلا ولدوني ..

على فكرة انا الزرتك مايناسبني من الأول ويتعبني يمكن عشان جذي صار وياي

مضاعفات منه بس انا قلت أبري ذمتي <<<< متأثرة بأجواء تحقيقات وزارة التربية ههههههه

 

[دلوعة المطران]

للررررررررررررررفع

 

[كاديالكويت]

أنـا بالشهر السادس كانت معاي حساسية جيوب أنفيه ووصفه لي الدكتور بـس انـا مأخذته بشكل مستمر
كنت اقطع فيه يمكن خديت أربع حبات لأني كنت خايفه والحمدالله الوضع مستقر

 

[ام نوونه]

انا دكتورتي قالت عادي تستتخدمينه حتى اول الاشهر لاني كنت مريضه

بس خفت اخذه