الحموضه بالمعده ودليل أكيد للحمل ببنت

[سن توب]

مرحبا بنات كيفكم


معلومه قالتها لي الدكتوره وشكلها متأكده منها انا ببداية الشهر الثاني والحموضه بالمعده والحرقان لاعب فيني لعب
الله يعظم الأجر ويصبرني بس


قالت لي الدكتوره اللي يجيها حموضه من بداية الحمل بتكون حامل ببنت

وأنا متبعه جدول ووقت التبويض للحمل بولد

حتى خدامتي الفلبينيه قالت لي اني حامل ببنت

اللهم لا اعتراض بس لي سنه اتابع التبويض وماخليت طريقه وجمع معلومات للحمل بولد
عشان زوجي واهله يبون الحفيد الأول لهم :eh_s(1):


زوجي لما قلت له احتمال كبير انه بنت عصب وقال طفشتيني وعندي طرق واخرتها بنت


استغفر الله ليش الرجال تفكيرهم كذا والله يعين الحريم على التعب:eh_s(14):
يقولي اذا بنت بالكثير 5شهور واحملي بعد البنت


الله يصبرني وتكفون اللي عندها معلومه عن الحموضه بالشهور الأولى وانجاب البناتت تقول لي


دعواتكم بنات

 

[دلوعة اهلها]

بالعكس اللي معاها حموضه حامل بولد انا رفيجاتي اللي عندهم اولاد كله يشكون من الحموضه بس انتي قولي العوارض الثانيه وانا اعرف؟ وماتحلمتي بشي مثلا؟ وشنو مثلا اعراض بطنج؟

 

[بنت التوت]

ياأختي مب شرط بس اللي أعرفه حمل الولديجيب دوخه في البدايه وفيه طريقه مؤكده للنوع بماأنك في الشهرالثاني قيسي حرارتك قبل ماتقومين من الفراش أذاحرارتك فوق 37بنت وأذاتحت37ولدونبضات القلب بالسونارأذافوق 150بنت وأذا140ولدمتأكده من الطرق ومجربتهابعيالي
الله يفرح نظرتك بالولدالصالح آمين

 

[سن توب]

مافيه اعراض غير النوم بس
لاغثيان ولا دوخه ولاشي الحمدلله
بالنسبه للأحلام حلمت اني جبت بنت
واحس بالأم بجنبي الأيسر

مشكوره حبيبتي بس صديقاتك اللي حملوا بأولاد تجيهم الحموضه من أول الشهور؟
لأن الحموضه اللي سمعته للحامل بولد تجيها متأخر

 

[دلوعة اهلها]

شوفي عن تجربه اذا بترتاحين انتي اعراضج مو اعراض وحده فيها بنت لانه اللي تحمل في بنت يجيها غثيان موطبيعي وترجيع ثاني شغله في طريقه مجربه الله يجزاها خير ام عفاف رفيجتنا بالمنتدى قالت الطريقه وطبقتها انا والبنات وفعلا طلعت صح وجبت بنت وهي انج اول ماتقومين من النوم عزج الله تبولين بقلاص وماتحركينه بس تقطينه لمدة 8 ساعات بس واذا شفتيه راح تلقين مثل الغبار او رواسب او غيمه اذا كانت الغيمه تحت بقاع الكاس او بنت واذا كانت بالوسط القلاص او فوق ولد والله جربتها وكانت تحت وجبت بنت واختي جربتها وطلعت فوق وجابت احلى حمني

 

[دلوعة اهلها]

اي باول الشهور تجيهم وتفرق في ناس بالاول وفي ناس بالاخير

 

[سوق الجمعة]

انا في بنتي الحموضة ماجتني الا اخر الشهور لما بدا الجنين يضغط عالمعدة..

ولاتاخذين على الاعراض والاحلام...السونار هو الاكيددددددددددددددد

 

[سن توب]

مشكوره دلوعة أهلها وراح اجرب تجربتك
جزاك ووالدينك الجنه

وياليت يابنات تطمنوني أكثر أنتظر ردوردكم

 

[فرفشه منعنشه]

موشرط انا حامل في ولد من بداية الحممل ولحد الحين وفي بنتي تبارك الرحمن ماكانت فيني حموضة ولا نساة
والله يرزقج انشالله

 

[ام زاكي]

انا حملت بالولد والبنت الحموضه تجيني وبقوه

نفس الشي

انتي هالمره نساتج غير اذا غير فنشالله يكون ولد والله ولي العلم

 

[روعة خيال]

مادري آنا ببنتي ما جاتني حموضة ولا شي

 

[غيـ الناس ـر]

مو شرط حبوبه انا كان فيني حموضه وحامل بولد

 

[عيش و مرق]

انا بلبنات حموضه ولوعه وترجيع........ والى اعرفه نسات الولد اخف من نسات البنت


لان سبحان الله اذا بنت يعنى جنسها نفس جنسك يصير تنافر .........ز واذا ولد يصير تجاذب لان انتى عكس جنسه فيتعادل الجسم وماتتنسين وايد

 

[love love]

اول مره اشوف دكتوره تعطي معلوومه بهالطريقه

حبيبتي توكلي على الله ولا تهتميين بكلام ناس وشهر الياي بتعرفيين ان شاءالله

كل وحده ونساتها غييير

والله يعطييج الي تبيينه اهم شي الصحه والعافيه

 

[لمسة فنية]

وي شنو هذا زوجج مايعرف الله ... اصلا جنس المولود يطلع من الرجال مو المره ماادري احس بهالرجال انه قاعدين لاعبين بحسبتنا
بس انشاءالله يكون ولد يااختي مع انه مايملي عينهم شي انا عندي ولد وانا الحين قالو لي اني حامل بولد لما عرفوا بيت عمي وزوجي كلهم تضايقوا ليش مو بنت تخيلي مو عاجبنهم بعد يقولون خلاص جبتي الولد نبي بنت الحين كانهم داخلين سوبرماركت مو ادميه الي جدامهم بس الله كريم حبيبتي ولا تحاتين الي يجي من الله حياه الله والله يسهل لج ويردج سالمه انتي ومولودج

 

[المبدعة]

مرحبا بنات كيفكم


معلومه قالتها لي الدكتوره وشكلها متأكده منها انا ببداية الشهر الثاني والحموضه بالمعده والحرقان لاعب فيني لعب
الله يعظم الأجر ويصبرني بس


قالت لي الدكتوره اللي يجيها حموضه من بداية الحمل بتكون حامل ببنت

وأنا متبعه جدول ووقت التبويض للحمل بولد

حتى خدامتي الفلبينيه قالت لي اني حامل ببنت

اللهم لا اعتراض بس لي سنه اتابع التبويض وماخليت طريقه وجمع معلومات للحمل بولد
عشان زوجي واهله يبون الحفيد الأول لهم :eh_s(1):


زوجي لما قلت له احتمال كبير انه بنت عصب وقال طفشتيني وعندي طرق واخرتها بنت


استغفر الله ليش الرجال تفكيرهم كذا والله يعين الحريم على التعب:eh_s(14):
يقولي اذا بنت بالكثير 5شهور واحملي بعد البنت


الله يصبرني وتكفون اللي عندها معلومه عن الحموضه بالشهور الأولى وانجاب البناتت تقول لي


دعواتكم بنات

اللي كاتبه لج ربج اكيد خيرررررررررررررررررر

 

[درة أهل الطولات]

لا تعترضين على حكمة الله وللا تتضايقين هذي بنتج ..

بنت ولد كلهم نعمة

 

[بدوره 22]

لا حول ولا قوة الا بالله !!!

بنت ... ولد ..

كلهم نعمه !!

يالله الصحه والعافيه والخلقه التامه

وبعدين انا عندي بنتين وحامل بالثالثه ...

في بناتي الثنتين ما اعرف شي اسمه حمووووووووضه !!!

وما حاشتني الا بهالحمله ... وفيني بنت !!!

يعني ماله شغل !!

وبعدين حتى لو نساتج غير ترى هم هذي مو علامه ان هالحمل ولد

لان هم انا هالمره نساتي تختلف واااااااااايد عن نساة بناتي

فهمي زوجج وقوليله ..

ترى انا عندي كرموسوم اكس

وانت الي عندك كروموسوم اكس و واي

يعني منك مو مني ...

والطرق الي انتي اتبعتيها هذي كلها


بس علشان تجذبين الواي من عند ريلج ... وما انجذبوا !!


شنو ذنبج ان شا الله !!!!!!

 

[الأمل الباسم]

حبيبتي ربي اييبلج اللي فيه الخير

ويااااما ناس قالوولهم بنت وطلع بالاخير ولد والعكس


توكلي على الله

 

[سن توب]

انا والله مافيه مشكله معاي بنت والا ولد اللي يجي من الله حياه الله بس لأني كبيره بالعمر33سنه
وهذا أول حمل يعني فرص الحمال قدامي مو كثيره

مشكورين كويتيات فديتكم وحده وحده

وحتى أهل زوجي يقطون نغزات انهم يبون ولد القهر حتى خواته بالمتوسط يقولون لي قدام أخوهم نبي ولد

كأنه أنا اللي أختار واذا رحنا لبيتنا قام زوجي المصون يقط كلام


يارب ياكريم اجعل مافي رحمي ذكرا صالحا معافى حسن الخلق والخلق