(الحموووووووووووووووووله)

[om.saloom]

أهلاااااااااا بنات شخباركم

اليوم ودي اسألكم جم سؤال و كل وحده تقولي رايها

شلون تفرضين احترامج عالحمولة ؟
و اذا اسالتج الخالة شي ما يخصها شلون تردين؟
و اذا قطوا عليج كلام يجرح او مسبه شنو ردة فلج بهاللحظة؟
و شنو الطريقة اللي لازم اتعود عليها اذا ابي اكون جاهزة بأي رد علي اي تصرف او كلام يصدمني و مو متوقعته لأن تعبت
و مسألة الطلعة مو راضي:ٍ

قولولي مواقفكم​

 

[غيوره ومغروره]

انا افضل الرد بابتسامه او بضحك - وافضل اني اندم اني سكت ومارديت على اني اندم على كلمه قلتها وتحسفت
وقللي روحاتج وقعداتج معاهم وتعذري بالدوام او العيال او اي شي -
واذا احد غلط فالحقران يقطع المصراااان وافضل حل
واذا عالطلعه كثر الدق يفج اللحام - يعني حني وحني وحني ليما يرضى

 

[ليتني مـآ كبرت]

رد : (الحموووووووووووووووووله)



والله حياتي آنا مو متزوجة بس ماتحمل أحد يسبني كلش و إلا المسبة

طبعي حيييل إندفاعية و فعلا إذا تكلمت و راددت اتحسف بعدين اقول لو ساكته أحسن لي

فـ نصيحتي لج أحقريهم و لا تنزلين لهم واجد يادوب تقعدين مع خالتج الضحى تشوفين علومها

و تتطمنين عليها .. اما الباقي عطيهم طاف ..

 

[كويتيه مذهله 87]

أنطم

,,,

 

[بشوشه]

اخ يا ريت اعرف جان رديت عليج و ساعدتج بس انا اللي ابي من يساعدني خصوووووووووووووووووووووووصا من حريم الحمى ماااااااااااا اعرف ارد عليهم ابد و اهم كل اللي بخاطرهم يسالون و يتحجون و يحشون و يقطون نقزات و انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مثل العبله شسوي الحشيمه حق زوجي العزيز و عشان ما ينقال عني ام لسان و لا نسره خليني اطلع الضعيفه المسكينه و لا اطلع ملسونه ترى الملسونه ما تنحب

 

[DooLy88]

بجاوب عن نفسي

شلون تفرضين احترامج عالحمولة ؟
احترامي من احترام ولدهم
يمكن لانهم يحترمونه كونه العود وفارض احترامه ومحد يتجرأ يقل ادبه
ولأنهم يحبونه ويحترمونه اكيد نفس الشي يسووه لزوجته


و اذا اسالتج الخالة شي ما يخصها شلون تردين؟
ماقط صارت بس اتوقع لو انحطيت بهالموقف ممم بعطيها رد يحير ماتاخذ منه لاحق ولاباطل
وبغير الموضوع وعلى ويهي ملامح الايتغراب علشان لاتفكر تتدخل


و اذا قطوا عليج كلام يجرح او مسبه شنو ردة فلج بهاللحظة؟
راح اضحك وارد عليهم مثل الكلمة واكبر واكبر وانا اتغشمر علشان لابين لهم اني انقهرت
وان زادو ومصخوها هـــي هــــي اكيد اعلم زوجي وياخذ حقي وزيادة
كلش ولاكرامتي عاد - انا مابقصر فيهم بس بعد ان زيدوها علمت زوجي (الدفاع الخاص حقي)


و شنو الطريقة اللي لازم اتعود عليها اذا ابي اكون جاهزة بأي رد علي اي تصرف او كلام يصدمني و مو متوقعته؟
انج تكونين باردة ومرخية اعصابج وعلى ويهج ابتسامة ماتفارق ويهج وان عطوج من الكلام اللي يصدم ابتسمي زيادة
وبيني انج مستغربة وقلت لج ردي عليهم ورفعي كرامتج يبة باسلوب عدل

كوز في فرق بين الاحترام وانج تاخذين حقج

 

[المغترهـ]

رد : (الحموووووووووووووووووله)

انا افضل انك تاخذي الحياه معهم بالمسااايره وتصدقنى راح تعيشين

وبالتوفيق

 

[أم الحلووووين]

مووعااارفه شارد علييج والله
ان شاء الله البنات يفيدونج

 

[اكسبلانكا]

مضوعج حلو مثلج اكيد
احترامي افرضه عليهم لما اكون محترمه نفسي بالاول فتلاقيني رسميه معاهم يعني مو مطيحه الميانه وبنفس الوقت مو ناشفه وشايفه روحي عليهم والاهم مادخل ولا اسال عن خصوصياتهم ابد عشان ما عطيهم مجال يسالوني عن شي بس اذا صار وتليقفوا وسالوا تلاقيني ارد عليهم بختصار بس ماعطيهم جواب واضح واذا مابي اجاوب اقول مادري وعلقعليها مادري بجذي ماراح يسالون
اما عن الحجي الي يجرح فانا من النوع اللي صريحه اذا كان الموضوع يخصني اوقفهم عند حدهم بنفس الوقت وقبل لا يتمادون اكثر تلاقيني اقول حق ريلي تبي ترد او ارد انا وبصوت واضح عشان الكل يسمع وافشلهم ويتسكر الموضوع
بس بالنهايه اقولج ترى الزواج مو حرب بين الزوجه والخاله خلج رسميه معاهم وبحدود عشان يحسبولج الف حساب وجبيهم ونزلي عندهم بس لاتكثرين القعده ولا تقطعين خلج بالنص وان شاء الله ربي يوفقج ويسعدج

 

[baian]

الحقرااااااااااااااااااااااان يقطع المصران

حتى لو غلطوا علي .. أنا أمي ماربتني آرادد وأهاوش

أن لي حق ربي ياخذه لي منهم


على الأقل حتى لو صدر الغلط منهم بيتحسفون بعدين وبيقولون هي ماراددتنا وقلت ادبها

يعني بانذكر بالخير

^^ هذي وجهة نظري

وإذا انتي متضررة منهم مالج الا الصبر والحقران

عليج من ريلج وعيالج وبس

تخيلي انج ساكنه بروحج

::

 

[اشتياق]

عدم اعتبار الحموله ند وخصم هو اكبر حل .!

 

[عروسة خالد]

رد : (الحموووووووووووووووووله)

أهلاااااااااا بنات شخباركم
تمام الحمد الله بخير عساج بخير
اليوم ودي اسألكم جم سؤال و كل وحده تقولي رايها


شلون تفرضين احترامج عالحمولة ؟
بالكلمة الطيبه لانج لو تموتين ما راح تفرضينه بالغصب
و اذا اسالتج الخالة شي ما يخصها شلون تردين؟
مثل شنو يعني اذا عن موضوع يخص اهلي اقولها مادري او ارد على قد السوال
و اذا قطوا عليج كلام يجرح او مسبه شنو ردة فلج بهاللحظة؟
اكون واثقه من نفسي وما ارد عليهم واقعد معاهم اذا زوجي موجود
و شنو الطريقة اللي لازم اتعود عليها اذا ابي اكون جاهزة بأي رد علي اي تصرف او كلام يصدمني و مو متوقعته لأن تعبت
و مسألة الطلعة مو راضي:ٍ
ما ارد اذا خاطبكم الجاهلون قولو سلاما اذا صعد داري اقول سلاما واضحك ههههههههههههه

قولولي مواقفكم​

توني عروس اجهز اذا صار هالموقف ما ارد عليهم وامدحهم عن الناس وما اذههم مهما كانو
معاي ما اعطيهم فرصه يلقون علي الزله وترى على فكره الانسان كل ما يكبر يصغر عقله
ويرد مثل الجهل يعني معقوله احط عقلي عقل جاهل هههههههههههه

 

[*peace*]

الحقرااااااااااااااااااااااان يقطع المصران

حتى لو غلطوا علي .. أنا أمي ماربتني آرادد وأهاوش

أن لي حق ربي ياخذه لي منهم


على الأقل حتى لو صدر الغلط منهم بيتحسفون بعدين وبيقولون هي ماراددتنا وقلت ادبها

يعني بانذكر بالخير

^^ هذي وجهة نظري

وإذا انتي متضررة منهم مالج الا الصبر والحقران

عليج من ريلج وعيالج وبس

تخيلي انج ساكنه بروحج

::

عدل كلامها + صفي النيه دايما

 

[انا مو هني]

رد : (الحموووووووووووووووووله)

شلون تفرضين احترامج عالحمولة ؟
ان ما اخذ واعطي وياهم وايد ولا اتدخل بولا شي يخصهم
ومن يصير موقف يمسج بيني ان انتي مو راضيه
وطبعا توجبين وماتخلين يمسكون عليج ممسك

و اذا اسالتج الخالة شي ما يخصها شلون تردين؟
لا راح اجاوب لانها امه عيب اكسر فيها بس اذا انا مابيها تعرفه ما راح اقوله عادي الجذب ابلاش

و اذا قطوا عليج كلام يجرح او مسبه شنو ردة فلج بهاللحظة؟
ارد عليهم بعد مايبيله كلام واستنكر واقول واي شلون عايشين جذي
اذيتوني ان شالله تشوفون حوبتي