الحنة السودة شوهت ايدي ساعدوني

[Qـويتية]

السلام عليكم كويتيات، شلونكم وشخباركم ؟
بدخل في الموضوع علطول .. بنات امس رحت صالون وحطيت نقش حنه على ايدي اليسار، الحمدلله ايد وحدة بس واليتني ما حطيت ... قعدت اليوم الصبح حسيت بحكة غريبة دلكت ايدي ولا شوي أشوفها متفووووووخة على شكل نقشة الحنة واي شكلها يخرررررع والحين انتفخت زيادة شكل ايدي يخرع مشهوه وتحرق حيل حيل وياااااابسة احط عليها ماي بارد تسير مثل الصخر ياااااااااااااااااااااااابسة، بنات مادري شسوي فيها الله يخليكم ساعدوني ودخلنا العيد الحين أنا في البيت لابسة gloves بسبتها وشكلي بلبسه لي طلعت ايدي شكلها كلش مو مال أحد يطالع فيها ساعدوني الله يخليكم شنو أحط لها ؟؟ شنو ينفع معاها علشان يروح هالانتفخ والاحمرار احس جلد ايدي بينشق شسوي ؟؟؟؟؟؟

 

[shoO shoO 95]

و عليكم السلام و رحمة الله وبركآته
اول شي عيدج مبارك و كل عام وانتي بخير
ثاني شي اقول لج لا تحطين شي يمكن يزيد الالتهاب او اللي قاعد يصير بيدج يزيد اكثر و تسوء حالة ايدج
روحي طبيب جلدية احسن
و ما تشوفين شر
الله يشفيج
و يعطيج العافية

 

[Qـويتية]

اختي shoO shoO 95 الله يخليج يعني لها علاج بالكويت ؟؟؟ فيه أدوية لها علشان تروح ؟؟؟؟ والله خايفة ميتة خوف ميتة طمنيني حياتي T___T بنات الي تعرف أي علاج تقول أنا مو عارفة أنام من شكل ايدي قاعدة أفكر

 

[shoO shoO 95]

اختي shoo shoo 95 الله يخليج يعني لها علاج بالكويت ؟؟؟ فيه أدوية لها علشان تروح ؟؟؟؟ والله خايفة ميتة خوف ميتة طمنيني حياتي t___t بنات الي تعرف أي علاج تقول أنا مو عارفة أنام من شكل ايدي قاعدة أفكر

والله ماعرف ماعندي خبرة بهالاشياء بس اكيد في وان شاء الله البنات يفيدونج
و الله يشفيج ان شاء الله
عاد كلش مو وقته اللي صار لج بوقت العيد الله يعينج و يشفيج

 

[Turquoiseya]

حبوبة حطي ميبو

في بنية بالابتدائي تحسست ايدها من الحنة عقب النقش وانتفخت لدرجة انها راحت البابطين
كان يعقمون ايدها بماي السالين او اللي نسميه درب وبعدين يحطون عليها ميبو

 

[GoLD .. ~]

رد : الحنة السودة شوهت ايدي ساعدوني

حبيبتي جربي ماي الورد مع ثلج و نقعي ايدج فيه شويه بس لازم تروحين الصيدلية و تاخذين كريم حروق او شي عشان يخفف والله انا سمعت انه في بنت من حروق النقش في ايدها ماراح من الحنه السوده الله يعينج انشالله و يروووح

 

[cherry67]

جربي حطي مره نقعيها بماي بارد وحطي على ايدج وما تشوفين شر
كل عام وانت بخير

 

[فانيلا]

رد : الحنة السودة شوهت ايدي ساعدوني

روحي على طبيب جلدية الحين بأي مستشفى خاص
خوفج تزيد الحاله لانها حساسيه

 

[الحبيبه الدبيبه]

لاتخافين لها علاج
الحنه هذي فيها مواد كيماويه حارقه تحسست لها ايدج بشكل سريع دهنيها ميبووو بس لازم تراجعين اي عياده خفاره بالخاص عشان لاتزيد
الله يشافيج

 

[قطوة@@]

رد : الحنة السودة شوهت ايدي ساعدوني

استخدمي بيبانثين و لا ميبو

و الله يشافيج ما يسوى عليج نقش الحنه ..طلعت من عينج

 

[Qـويتية]

مشكووووورين حبايبي على الردود الي ريحت قلبي رحت الطبيب وعطوني ابرة كرتزون وحبة اخذها وكريم وانشالله أستعمل ميبو بعد ناطرة النتيجة وتروح هالنقشة اي والله ما تسوى علي طلعت من عيني بس شسوي قلت خل أشوف خوصا اني اموت بالحنى بس اموت على الحمرا مو السودة الله يكافينا شرها تسلمون حبيباتي عيدكم مبارك :e3:

 

[هدوء.]

هلا حبيبتي ما تشوفين شر
سالفتج بالضبط نفس بنت خالتي بالضبط
وراحت لدكتور جلديه وقعدت فتره واهي تعالج وراح منها
اجر وعافيه حبيبتي

 

[#أم العز والدلال#]

هلا حبوبة ما تشوفين شر وكل عام وإنتي بخير يارب


حبيبتي عليج بالفازلين لا تهدينه مني ليما تتشافين بإذن الله ولا تحاتين وايد يصير فيهم جذي بعدين يروح

 

[Qـويتية]

حطيت ميبو حبايبي ناطرة النتيجة ... واي أحسن الناس مخترعة من ايدي ومشكوووووورين

 

[حلاا الدنيا]

الله يشفيج
مادري شيحطون الصالونات بالنقش الكل يشتكي منهم

 

[shaikhat elbnat]

انا يتني فتره كل اسبوع اروح الصالون ارسم حواجبي بالحنه
بعد رابع مره تقريبا انتفخوا حواجبي بس بشكل مو ملحوظ و صاروا متل الحبوب فيهم وارمين
وقفت الحنه و الحمدالله رودا طبيعي
الجلد تحسس من الحنه لانها مخلوطه مو طبيعيه

 

[Miss Cherry]

ماتشوفين شر