الحنة وحكة الشعر

[بنت روق]

​

السلام عليكم حبايبي
مبارك عليكم الشهر
عندي سؤال انا كل ما احط حنة بشعري استخف يصير بشعري حكة موطبيعية لدرجة يصير
بجلدة الراس نفر وحبوب لمدة تقريبا 3 ايام وغيرت الحنة وستخدمت حنة جديدة ونفس الشئ
ما ادري شسوي ساعدوني
الله يعطيكم العافية

 

[بلسم للكل]

رد : الحنة وحكة الشعر

شوفي اختي يمكن عنك حساسيه بفروة راسك

او كنتي صابغه من فتره قصيره

او الحنه فيها مواد كيماويه


ملاحظه انا عندي حنة ممزوجه بخلطه شغل عدل انا استخدمها شخصيا

للطلب
66553897

يوجد توصيل

 

[MoonDiamond]

عادي الحنه تنشف حيل
زيتي فروة شعرج بزيت السمسم وبعدها حني

انا كان يصير فيني جذي قبل

 

[^^ ريان^^]

رد : الحنة وحكة الشعر

تصدقين انا بعد تصير فيني حكه مو طبيعيه

 

[مزيوونة]

رد : الحنة وحكة الشعر

اي عادي حبيبتي الحنة تنشف الشعر ويمكن عندج حساسية او الحنة مو زينة

الحنة الزينة (( الحنة اليمنية بسسس ))

وانا قبل لما كنت احطها كان راسي يحكني حيييييل جنة فيني جرب ههههههه

بس نصيحة :

اذا سويتي لج حنة حطي معاها قفشتين خل و زيت زيتون بعد وعصير ليمونة كاملة ومرح تحسين
بحكة بعدها انشالله

 

[موزة ام فارس]

عادي حبيبتي زيتي شعرج عقبها وتخف الحكة
ومالج الا العافية ان شاء الله

 

[*أم*خالد*]

جربتي معاها مايونيز ؟؟ وزيت ؟؟

حطي عقبها حمام زيت او زيت جوز الهند

ويمكن فروه راسج فيها حساسيه من الحنه

 

[يفداك قلبى]

رد : الحنة وحكة الشعر

نفس اللى يصير لى بالضبط
حتى كرهت السدر والحنا من سبة هالحكه

وطلع عندى حساسية بفروة الراس

عادى غيرى لا تستخدمينها بدليها بالصبار احلى واخف وافيد للشعر