أول مشاركة لي معاكم ... أتمنى إنه ينال إعجابكم
ديدة ... ليش رحتي وخليتينا ؟!؟
بعدج البيت ... أظلم علينا
يتمتينا ... أفجعتينا ... ضيعتينا
بروحنا صرنا ... محد يجينا
ظلمة بعدج ... فرقة بعدج ... إنتي تارسة البيت علينا
قمرة إنتي ...عمري إنتي ... إنتي شمعة تضوي لينا
ولهانة لشوفتج ... ودي أشمج ... ودي أضمج ... ودي أسمع كلمة منج ... حتى لو بالمنام تزورينا
إنتي أمنا ... إنتي حبنا ... إنتي مالية البيت علينا
إنتي الإيمان ... إنتي الحنان ... إنتي الشمعة بلا دخان
ما يوم ديدة جرحتينا
ديدة ... لي صار المغرب ... انتلفت حوالينا
صج ماكو ديده ... صج رحتي وخليتينا !!!
ديده ... كنتي دايم الدوم بأحلى الكلام تحازينا
وبعذب الكلام تدفينا ...
سامحينا ديده ... إذا معاج قصرنا
يالله يا ربي ... ترحم أموات المؤمنينا
وتغفر لها وترحمها ... تراها دايم تواسينا
منهو على فراقج ديده ... يواسينا
فراقج ... مر وصعب ... وعسى ربي عليه يقوينا
وسلامتكم
