الحوامل اللي كان راس بيبياتهم فوق ولدتوا طبيعي ؟ ~وينكم~

[حبيبة سعيد]

مرحبا بنات شلونكم

طبعا العنوان مبين ومايبيله شرح :bbbiu:

ومثل ما انتوا عارفين اللي يكون عندها راس البيبي فوق يولدونها بعمليه وادري اللي تقول الحبي زين والمشي والسجود وتحريك الدكتور للجنين وووو الخ

لكن حبيت اعرف حوامل المنتدى اللي مروا بهالتجربه وينكم شصار عليكم كتبوا تجاربكم خل نستفيد ومشكورين ماتقصرووووووون حبيباتي :balo:

 

[كويتيه مذهله 87]

حبيبتي لا تغامرين يمكن انجحت مع غيرج وماتنجح معاج ما ابي اخوفج بس لازم تستشرين دكتور شاطر وشووفي شقووول
,,,

 

[نادره في وجودها]

انا خالتي ولدوها طبيعي


انا ولدوني قيصريه

والحمدالله كله اجر وعافيه

 

[مروووم]

انا من الي كان راس البيبي فوق وطبعا ولدوني قيصرية
لااااا تجازفين ديري بالج
انا ولدي نبضات قلبه قلت وبسرررررررعه على طول قيصرية

 

[جذابه بنت ذيابه]

رد : الحوامل اللي كان راس بيبياتهم فوق ولدتوا طبيعي ؟ ~وينكم~

حبيبتي


انا بالسابع والثامن راسه فووووق


ونص الثامن فر لي البيبي الدكتور


والحمدلله ولدت طبيعي

 

[الأميرة جوري]

رد : الحوامل اللي كان راس بيبياتهم فوق ولدتوا طبيعي ؟ ~وينكم~

لرفع

 

[حبيبة سعيد]

يعطيكم العافيه بنات على الردود واكيييييييييييييييد كل حاله تختلف عن الثانيه وكل شي بيد رب العالمين

لكن احب اعرف شنو الاغلب يولدون بهالحاله طبيعي والا عمليه واللي ولدتوا طبيعي انتوا بجريات والا لا ؟؟

 

[لمسة انثي]

عمري روحي لدكتور طلبه مدري باي مستشفه بس رفيجتي فرت البيبي عنده مرتين وولدت طبيعي الحمدالله شوفي امشي وايد وخاص علي التراب وانتي حافيه ووشربي مااي.. وقري سورة مريم كل يوم كامله بعد صلاة الفجر ودعي ربج .. صدقيني محد بينفعج غير ربج خليه ملجأج وشكيله وبجي له خليه اهو دنياج صدقيني بقدرة قادر ان شاءلله يتعدل وينزل تحت لاتنسين تدعين ان الله يحب العبد اللي يدعوه.. اقري البقره وال عمران ونساء .. لله الحمد اتمني م الله انه يفرحج وتولدين طبيعي...

 

[LiL MaMa]

رد : الحوامل اللي كان راس بيبياتهم فوق ولدتوا طبيعي ؟ ~وينكم~

انا اعرف وحده البيبي صار راسه تحت اول التاسع
الله يقومج بالسلامه

 

[قطرة مطر83]

رد : الحوامل اللي كان راس بيبياتهم فوق ولدتوا طبيعي ؟ ~وينكم~

انا كان راسه فوق و ولدته قيصري

ربي يسهل عليج

 

[موتوز]

رد : الحوامل اللي كان راس بيبياتهم فوق ولدتوا طبيعي ؟ ~وينكم~

الله يسهل عليك وتولدين طبيعي بصحه وعافيه

 

[Q8lady2009]

حبيبتي إذا كنتي بجر فمايغامرون فيج راح يولدونج عمليه لان ماجربوا رحمج بالولاده بس اذا كنتي قبل هالمره والده طبيعي روحي لدكتور شاطر وانشالله بامر الله يولدج طبيعي

والله يهون عليج

 

[حبيبة سعيد]

الحمدلله على كل حال وعسى الله يسهل علي وعلى كل حامل ان شاء الله وماتقصرون والله على هالردود والدعاوي الحلوه

صج انكم اكثر من خوات وماخاب من استشار

 

[بنت عطا 24]

انا كنت حامل ابجري والراس فووق ولدوني عمليه
على طول لان كان ضغطي مرتفع ماقدروا يلفوون الراس

والله يهون عليج وتولدين طبيعي

 

[اخت شيوخ]

رد : الحوامل اللي كان راس بيبياتهم فوق ولدتوا طبيعي ؟ ~وينكم~

بقولج تجربتي
انا اول بيبي كان ولله الحمد طبيعي
الثاني كان الراس فوق وكنت اراجع عند محسن طلبه بالشفا <<< ايام ما كان بالشفا .... المهم حاول يفره ما قدر قلت خل اجرب دكتور ثاني .. رحت الهادي نفس الطريقة يفره الى النص يعني يستعرض الجاهل وما يقدر يكمل يقول يمكن يلف الباجي البيبي بروحه لكن البيبي يرجع لوضعه الاولي يعني الراس فوق
آخر شي قالي طلبه بأفحصج اذا عنق الرحم يتحمل اولدج طبيعي راح اولدج على المقعده<<< بيني وبينج ما كنت راح اغامر حتى لو قال يتحمل الرحم
بس سبحان الله قالي العنق صغير<<< مو صغير صغير لكن ما يتحمل بيبي على المقعده
وقلت خيره مع اني كنت احبي واسوي كل الي يقولي عنه ولا فر
وجبت قيصري
الثالث كان آخر محاولة للطبيعي ... لو جبت قيصري خلاص كل ولاداتي قيصري
كنت اراجع عند حسام بالشفا... الراس فوق قلت له شلون احبي؟ قال ايه الكلام الفاضي ده؟ قلت دكتوري اول يقولي احبي؟ قالي وبعد الحبي فر البيبي؟ قلت لا
قالي علميا ما ينفع ولافيه دراسات تثبت هالشي لكن لو عاوزه تحبي احبي!!!
سلمت امري لله وكنت ادعي وبعد كنت الشهر التاسع برمضان ... كنت اقول يارب الي فيه خير لي و للبيبي سخره لي
والواحد ما يبي يضيع تعب 9 شهور
بعدين سبحان الله احيانا تكون الوحده مافيها شي وكل امورها اوكي وقت الولاده يفرالبيبي من الطلق وتولد قيصري او ممكن نبض البيبي يضعف
يعني القيصري مو بس للي راسه فوق يعني لا تفكرين بالموضوع وايد والي فيه خير ربي يسهله لج ويقومج بالسلامة انتي والبيبي وان شاء الله ان شاء الله يفر البيبي وتجيبين طبيعي
آآآآآآآآآآآآآآسفه على الإطالة:cxxxp: