الحيره والتفكير وعدم الإستعجااال ( اقلطووو)

[& الذاهبه &]

بسم الله الرحم الرحيم

شلونكم بناااات وشخبااااركم


خواتي انااا في حيره من امري ’’’ :yaaaaaarb::yaaaaaarb:

بنتي حبيبتي عمرهااا سنتين وثلاث شهور

شخصتهاا عبير توحد بسيط وقاعدين انكافحه بكل علاج متاااح وفي ايديناااا

بديناا مشوار الفطريااات وانتهت:yaaaaaarb:

وراح نبدأ بعلاج سحب المعااادن وان شاء الله بإذن الله تنتهي:yaaaaaarb:

دخلت جلساات نطق وتعديل سلوووك:n2006107:

بس اذا فكرت باستخرااج شهاده اثباات اعااقه احس اني راح استعجل عليهاااا زوجي يقووول عطيهاا فرصه ليما اتم ثلاث سنين

يمكن التشخيص يطلع غلط لاتستعجلين ..

اشرايكم خواتي :s141::s141:

 

[الصابرة المحتسبة]

هلا يالذاهبة

ياحياتي انتي مثل مارحتي عبير وشخصتها طلبي تحويل للوراثة وشوفي شنو يقولون ؟؟
وليش ماطلعين لها شهادة اثبات اعاقة ؟؟؟ قصدج المدارس وشهاداتهم مو معترف فيها؟؟

 

[& الذاهبه &]

اي انشاء الله بنتي تتطور اكثر واكثر

وراح انسافر فيها عقب جم شهر امريكاا

ماودي استعجل باجي لها سنتين عى الرووضه

عسى ربي يشفيهااا

 

[الصابرة المحتسبة]

ان شاء الله ربي يسهل وبالتوفيق يارب

 

[الصابرة المحتسبة]

ان شاءالله اتخذتي القرار

 

[& الذاهبه &]

هلا بالصابره

زوجي اتخذه بالأصح

طيب عندي سؤال اذا بنتي تحسنت وصارت زينه اقدر ارفع كتاااب اوقف هالشهاده ...

فيني شي يرفض ان بنتي تاخذهاا مع اني عارفه ان هذا حقهااا اللي كفلته لها ديرتهااا....

 

[الصابرة المحتسبة]

يقلبي يالذاهبة

لي ربج بلغج بشفاء الغالية تقدرين تطلبين لجنة طبية تشوف الحالة وتقرر بأنها تشافت وتسحب منها الشهادة

 

[شيخة الغيد]

احسن نطري عليها .. لان الشهاده ما تطلع الا بطلعت الروح.. و يمكن يقولون لج لازم تم 3 سنين.. نطري و شوفي يمكن ما تحتاج كل هاذا الله يتمم عليها يالعافيه ,, و عيالنا امين

 

[& الذاهبه &]

امين ان شاء الله الله يشفيهااا ويشفي عيالكم يارب

 

[نشـــامي]

الله يشفي بنيتج

بس ودي اعرف من شنو خايفه من البطاقه؟
يعني اللي عنده هالبطاقه مايدخل مدارس عاديه؟
هل يغيرون بطاقتها المدنيه او نفسها؟؟؟؟؟؟؟؟؟؟؟؟؟؟

 

[مشاعل الشمري]

لا مالها شغل البطاقه المدنيه
بس اهي ام وشايفه بنتها الحمدلله وعندها رفض من الداخل ان بنتها تطلع لها شهادة اعاقه وتسمى معاقه
سامحيني الذاهبة على ردي بس (قل لن يصيبنا الا ما كتب الله لنا)
واذا الشخص مولود محتاج لاعانه او شهادة تكفله حقه ليش يرفض هالحق

 

[& الذاهبه &]

توني اشوف ردج شعووله بتهاوش وياااج

:O_SHH_::eh_s(13)::eh_s(13)::eh_s(13)::eh_s(13):


بنتي الحمدالله قاعده تتطور وهذا القصد من عدم الاستعجال
اول وتالي ابوها قرر يطلعلهاا الشهاده

 

[بنت النخيل]

انا اقولج اختي لاتستعجلين باستخراج هالشهاده مدامج رافضتها من الداخل خليها لما تردين من امريكا ان شاء الله ماتحتاجها

اسال الله العظيم رب العرش العظيم ان يلبسها ثوب العافيه وتكون سفرتكم هذي سبب للشفاء

 

[مشاعل الشمري]

توني اشوف ردج شعووله بتهاوش وياااج

:O_SHH_::eh_s(13)::eh_s(13)::eh_s(13)::eh_s(13):


بنتي الحمدالله قاعده تتطور وهذا القصد من عدم الاستعجال
اول وتالي ابوها قرر يطلعلهاا الشهاده

الله لا اييب هواش حياتي:fun:
وانشاء الله تتحسن بعد وبعد

 

[دمعه ندم]

الله يشافي بنتج يارب
بس بعرف ياقلبي شنو يعني سحب المعادن لان ولدي هم قالو فيه ميزات توحد مو توحد ؟ وماقالولي عن شي اسمه سحب المعادن ولا الفطريات اللي ذكرتيها انا اراجع في مستشفى الصباح يريت اتفيديني والله احس اهملت ولدي حيل ؟؟

 

[& الذاهبه &]

هلا ياقلبي انا بنتي خذيتلها موعد بالتطوري بس التطوري مايعتبرونه مرض يعتبرونه اضطراب وبس يشتغلون على تعديل السلوك وجلسات التخاطب
عشان جذي بنتي لها سنه تراجع عند دكتور عبير عوض طلبتلها تحاليل تسويها بامريكا عن طريق مختبر البشر وطلع عند بنتي حساسية من الكازين اللي حو الحليب ويسبب لها فطرياااات لعبت فيها لعب وايظا طلبت تحليل معادن عن طريق الشعر وطلعت عندها تسمم بالرصاصا والألمونيوم والزيبق تخيلي طفله عندهااا سنه واربع شهور تحمل كل هالمعادن بجسمهاا وبديبت معاها الدورة الأولى لسحب المعادن من اسبوووع


اتمنى اني افدتك اختي

 

[دمعه ندم]

مشكوره ياقلبي الذاهبه والله يعينج ويشافيها يارب

 

[& الذاهبه &]

امين

 

[الصابرة المحتسبة]

بشرينا يالذاهبة

 

[& الذاهبه &]

هلا بالصابره

انا ماخذتلها موعد بالتطوري شهر سته

ودي اقدم عليه وانا مخلصه حوسة التطوري وتقاريري بيدي

والا شرايج؟؟؟