الخبيرات بالليزر ممكن مساعدة؟

[سكارلت]

السلام عليكم

بنات اليوم كانت اول جلسة ليزر لي ..
مسووية رجولي وايديني ومنطقة الاندر ارم ..وكنت
متوقعة من كلام النيرس اللي
استقبلتني بالفحص ومواضيع وردود البنات
اللي سووا ليزر ان الجلسة راح تطول وتاخذ ساعتين او حتى ساعة
عالأقل .. بس صدمتني الممرضة الجديدة انها خلصت بسرعة
بربع ساعة بس! !!.. وماعادت عالمكان الا مرة بس
مع اني سمعت انها المفروض تعيد عالمكان نفسه مرتين
مو بس مرة!!

عادي هالشي ولا لأ؟!

مع العلم اني بعيادة معروفة وغالية وهذا
اللي مخليني استغرب!!
وكلام الممرضة الهندية غير وكلام الممرضة الفليبينية غير

 

[ghadeerq8]

في شي غلط بالليزر شوفي اذا طلع شعر خلال اربع ايام روحي لهم مره ثانيه و تهاوشي معاهم بعد انا بالليزر ريلولي بس ساعه و نص تطول

 

[ghadeerq8]

والي تسويلج الليزر لازم تكون اخصائيه مو ممرضه ولا اي وحده ثانيه شوفي شهادتها او اي شي يثبت لانه لاسمح الله يمكن تحرقج ولا ماتسويلج عدل و ماتستفيدين شي

 

[LoLaTi]

لايكون عياده ياكو ابولو او رويال حياه
هذوليس اخيس عيادتين سويت فيهم شغلهم بسرعه بو ربع ساعه وخررررررطي
مادحينهم وموصلينهم بالسما مادري على شنو

الليزر بأي منطقه كانت بالجسمن حتى لو صغيره المفروض مو اقل من ساعه

 

[سكارلت]

اختي غدير
حتى انا حسيت في شي غلط
بسرررررعة خلصت ..يعني رجولي وايديني
كاملين والاندر ارم
وكل هذولي بربع ساعة بس!!!!!

 

[سكارلت]

lolati

كلامج خوفني..فعلا انا برويال حياة! !!
الله يستر ..بصراحة قلبي قرصني منهم ..بموعد الفحص
يوم اقولها شوفي نوعية الشعر مناسبة لليزر جان تقول
لا مو مهم ..مع ان كثافة الشعر ونوعه يلعبون دور مهم
حيل في نجاح جلسات الليزر

بس انا خبلة اللي ماهجيت منهم وشفت لي عيادة ثانية! !
حتى الممرضة كانت بس تسولف وتضحك ومو مركزة عالشغل!!

 

[سكارلت]

زين تنصحوني بأي عيادة؟ !
ابي شغل مضبوظ .. مو بربع ساعة وهي خالصة
ويعطيكم العافية

 

[noty]

هلا اختي

الليزر ما يطول و تمر مره وحده عالمكان

رويال حياة ما يسوي ليزر الا بعد تست و بعدها يسوي

ومافي جلسه مدتها ساعه !!

اهي ضربات سريعه و تمر عالمكان بتخطيط اهي تخطط بشي ابيض

شوفي طلال العلي عيادتهم زينه

 

[سكارلت]

اختي نوتي

اعرف بنات واجد سووا جلسات ليزر
وكلهم طوولوا..حتى النيرس اللي سووت لي
التست كانت تقولي ان جلستي راح تاخذ اقل شي ساعتين! !
لأني مسووية رجولي وايديني والاندر ارم كاملين
وهذا اللي خلاني استغرب

جم اسعار الليزر عند طلال العلي؟!

 

[noty]

والله اختي انا اللي اعرفه انا ما ياخذ وقت خصوصا الاندر ارم دقايق و يخلص

الايد ما عندي علم الصراحه

الاسعار اسوون عروض بين فتره و فتره

ما اذكر بالضبط بس مثال الابر ليب الجلسه عندهم ١٢ دينار

 

[ghadeerq8]

انصحج بعياده جارالله الالماني بالدور ١٣ عند الاخصائيه زكيه كان عندهم عروض قبل فتره الجسم كامل معه بكيني ب ٢٠٠ دينار و ليزرهم وايد زين و تسويلج بضمييييير و بعد اسبوعين تسوي لج جك اب حق الويه و الاندر ارم ببلاش

 

[ghadeerq8]

انا سويت عندهم اربع جلسات و للامانه الشعر خف بجسمي بنسبه ٩٠٪

 

[ghadeerq8]

و الاندر ارم و البكيني كلللللللش مايطلع و كل ماكان شعرج كثيف و اسود تستفيدين اكثر

 

[قاهره عذالي]

غدير


فدتينا والله

البكيني بروحه

بجم بهالعياده؟

 

[Alrem_q8]

يمدحون طيبه كلنك رفيجة بنت خالتي مسويه


انا افكر اسوي عنده بعد جم شهر
بنااااااااات طلبتكم اي وحده مجربه او سامعه عم طيبه كلنك بالليزر تقولي