الخدم ياحريم ( خدم البيت , الدوام وسكول, الشوارع ,المجمعات )

[شيخه الغيد]

السلام عليكم ورحمة الله وبركاته


اليوم صراحه بفضفض لكم


سالفه الخدم عند بعض الحريم مدام انتي ملكه البيت ما تحتاجين الخدامه يالله ماعليه زمن وتطور واشغال ودوامات

اولا : محتاجه خدامه توه عندج طفلين! ولا 3 ...! ولا في حريم تيييب خدامه خدامه على كل ياهل الحمدالله والشكر

الام الي ربت مو الي ولدت

اعرف وحده مصريه تقول اغلب الحريم الي عندنا يربون الي يابو قلت لها اكيد! الام تربي تتعب

تقول نستقيل من دوام لي ولدنا يصير عمره 6 سنين تقريبا متربي على ايدنا ,متعلم يعرف كل شي ,![/QUOTE
عفوا ليش احنا خدامه تمسك عيالنا من اول مانولدو :bbbiu:


1- محتاجه خدامه خليها مؤقته لتنظيف الملابس والكوي تنظف يعني اذا هالشي يضايقج :lololoe:


-----
الي يشتكون من الخدم


قدوتنا الرسول صلى الله عليه وسلم في التعامل والرحمه مع الناس


تقرص طق تكفخ اوديها بيت اهلي مو مرتاحه عليها مابيها!

مدام انج تبين خدامه اختاري لج خدامه سنعه وتعاملي معاها بالطيب

لان اهيا بشر مثلنا



سوت الاكل شيليه انتي وديه المطبخ الشي من وراج ياليت تشيلينه وتعلمين عيالج على هالطريقه بتفيدهم وايد ويعتمدون على نفسهم وكفايه رحمه للخدم ., يسوون يحطون ويعدلون من وراج


يعني اهما بشر يخدومونج بوقت معين مو بكل الاوقات حرام عليكم ياحريم طبعا مو كلكم

في بعض الحريم تخلي خدامتها تسلم والمسلمه توديها الصلاة خصوصا برمضان .,

تلقينها من زمان عندها وفي خدم من عمايلهم من زمان عندهم بس من معاملتهم الشينه سوت لهم بلاوي اعوذ بالله

مو كل شي على الخدم وين السنع يااحريم بيتج وعيالج


ان شاءلله ماايييون خدم :lololoe: >>>هجوووووووووووووووووم عليها ههههههههههههههههههههه



طبعا مااشمل كل الحريم مع ان نصهم يعتمدون على خدامه حتى مالها خلق تشيل الاكلينكس الي طاح يم الزباله الله يعزكم

يوم قطته بالغلط .,




الخدم في المدرسه


الخدم في الدوام


الخدم في البيت


الخدم في الشوارع ينظفون


طاقين درب عابرين محيطات تاركين اهلهم وعيالهم عشان يخدمونكم وياخذون المعاش

30 ولا 50 دينار بالشهر والله لو الفقر الي فيه جان ماصبروا شهر

ودعوة الغائب مستجابه


ارحمو مافي الارض يرحمكم مافي السما ياليت يصير في وعي ماردنا نموت ونتحاسب والدنيا نعيشها مره نفس العيوز الي متكشخه ولا الاخره احلى احلى احلى الله يرزقنا الجنه يارب اللهم امين


-----

خدم الي لابسين اصفر والي بالمجمعات

والله قلبي مايرتاح الا لمن ابتسم لهم واعطيهم فلوس والله ربع دينار يطيرون بالفرحه

حتى ماره مكان مطعم اشتري صمونه حتى مطعم هندي سمبوسه ماتكلف ربع

شفتي مسكين ولا مسكينه عطيهم
يدعون لج بظهر الغيب


والله اتضايق لمن اشوفهم تاركين اهلهم ويااييين ماتدرون شنو مصايب الي عندهم


بالاخير بشر حالنا حالهم واحنا نطمع بالاجر


شفت بعيني ناس تطالعهم بطريقه موحلوه ! ولا تحتقرهم ولا تزفهم روحي مناك انت هييييييييه اذلف كانه مو بشر

​

 

[شيخه الغيد]

ما اقول كل خدم زينين

في فئه نحذر منها

هدفهم شي مو زين

تسوي نفسها عند المعزبه تصلي تصوم

بس من وراها فعايل شينه

واغلب مشاكل تصير في البيوت بسبب الخدم :jumpon:


فاحذروا من هالنوعيه


ولازم تعطفون ترحمونهم عشان يرحمون عيالكم وبيتكم لان بتطلعين وتروحين دوام

وعيالج والخدم في بيت واحد الله يعلم شنو يسووون

وعندي النوعيه الي ماارتاح لها العيون المشخطه فلبن اندونيسيات يهبون مع في بعضهم زينااااات يتكلمون انجلش

يطبخون فناتك بس همن ماارتاح لهم :33_1185028183:

:27d66a9c24b146327bf فمان الله​

 

[أهداب]

رد : الخدم ياحريم ( خدم البيت , الدوام وسكول, الشوارع ,المجمعات )

لاحبيبتي الحين الخدامات مو نفس اول
تضايقت قالت وديني المكتب يعني مخيره مو مسيره
عندها نقال وتلفزيون شوي ويصير عندها لاب
وحريمنا الحين صارت ماتكتفي بخدامه لا خدامتين ويمكن معاها طباخه بعد والشقه غرفتين وصاله يعني اكو اللي يعاونها
وصايرات يتشرطن ويتأمرن
عموما وجهه نظرج واحترمها
تحياااااااتي

 

[bride collection]

اي والله صح كلامج ماقصرتي
يعطيج العافيه

 

[شيخه الغيد]

رد: رد : الخدم ياحريم ( خدم البيت , الدوام وسكول, الشوارع ,المجمعات )

لاحبيبتي الحين الخدامات مو نفس اول
تضايقت قالت وديني المكتب يعني مخيره مو مسيره
عندها نقال وتلفزيون شوي ويصير عندها لاب
وحريمنا الحين صارت ماتكتفي بخدامه لا خدامتين ويمكن معاها طباخه بعد والشقه غرفتين وصاله يعني اكو اللي يعاونها
وصايرات يتشرطن ويتأمرن
عموما وجهه نظرج واحترمها
تحياااااااتي

صح يتشرطون لان اغلب مكاتب يتفقون معاهم بس في بعضهم مومرتاحين على الوضع وهالنوعيه كلش موزينه ولا يرتاح لها
لان حاطين في بالهم يبون بيت معين
اما الي تصبر على شقا وطق وكفخ من المعزبه وطلباتها هذي صج فقيره وانا موضوعي اقصد بهالنوعيه الفقيره

في خدم مسبهين يعني مومتعودين على تطور لان من ريف وتنوكل زف زف لان صج تبط جبد لانها ماتفهم على اشياء وايد بس تكسر الخاطر لانها من ريف ---


ع العموم بشكل عام في حريم مو 1 لا 2 اكثر والله

ماعندها ولا خدااامه لي ماكبروا عيالها

تشوفين المهندس والدكتور ماشاءلله

وانا اعرفها شخصيا مع انها مدرسه


يوم كبروا يابت خدامه هنديه وسنعتها مع انها كانت ماتبي تشتغل في بيت كامل ! بروحها



الي تحتاج خدامه كل يومين تييب خدامه مؤقته ولا تتسلف خدامه اهلها تعدل بيتها وتساعدها في تنظيف

يعني تقدر تدبر امورها بدون خدم واذا في خدم تعاملهم بالطيب عشان عندها عيال مأمنتها في بيتها وعيالها واهيا رايحه للدوام



الحرمه معروفه تعرف تطبخ تنظف تسنع بيتها تربي عيالها واي شي نقص بيصير خلللل !!


الحرمه لزوجها ولبيتها اولى من كل شي وتقدر توازن بين شغلها وبيتها تكون ناجحه في حياتها ماشاءلله

لو مافي زوج مافي بيت وعيال

ولازم توفر جميع السبل الراحه لها ولزوجها ولعيالها

في يهال يبجون لامهم يماااااااااه طقتني مسكت ايدي حيل حتى تلقينهم ضعاف جسد وصحه ونفسيه



منوره يالغاليه واحترم وجهه نظرج ,

 

[<miss botamba>]

رد: رد : الخدم ياحريم ( خدم البيت , الدوام وسكول, الشوارع ,المجمعات )

والله الصراحه انا اشوف الخدم ايبهم واشتري راحتي

وبنفس الوقت من عمرنا ما مر مره وعاملناهم مو زين نفس بعض الناس الله يهديهم

يعني العصر من ساعه 2 لين 5 محد يكلمهم ومن بعد الساعه 9 محد يناديهم

والحمد الله كل مارحت الجمعيه اشتريلهم من الي يحبه قلبهم جان بطاط فلفل جان ايس كريم او اي شي يحبونه

لي شريت لي من راعي السمبوسه شريت لهم

ولي طبخت اكله والا كيكه والا اي شي اسألهم اذا يبون

ولي بغوا يسافرون اوديهم السوق واعطيهم علشان يشترون الي يبون

فالحمدالله

انا اشوف العيب من الناس مو من الخدم

وبالاخير اهما بشر مثلنا

والي ما احبه الي يودون خدمهم السوق او مطعم

وتشوفين الخدامه طايره عينها والله حرام

يعني باليوم هذا استغنوا عنهم وانتوا جابلوا عيالكم

الا اذا بيطلعون اليهال بروح اوكي وبروحون مطعم فاست فوود اوكي

بس اذا الام بتسوق او عشا بمطعم مع زوجها وترز الخدامه والله حرام عليهم

 

[%F&R%]

حبيبتي كلامج عن الرحمه اوكي صح
بس صراحه الخدم ماينعطون ويهه ولا خدامه تقعد الساعه 10 الصبح وتنام 12 ليش انشالله
علشان شفته مره تعبانه قلتلها لا تقعدين باجر مبجر خذتها الاخت عاده
ولا تحط راسها براسج تبي تشتري نفس هدومج ليش عيوني بديرتج كنتي تلبسين جذي
ولا قبل يومين انا رايحه الرايه بشتريلي جنطه وبوك بربريز تبي نفس بوكي ليش وليش وليش
هذا كله لان نعطيهم ويهه ونعاملهم بما يرضي الله
يعني خدامتي بس تضرب اوتي وتنظف المطبخ ومو عاجبهها كله من فوق لي فوق
حمامي انا انظفه وداري وملابس انا اغسل واشر وهدوم ريلي انا اضربهم اوتي وماخليها تمسك بناتي
بس صراحه الخدم لازم ماينعطون ويهه
طقيهم على راسهم يمشون عدل
لاتحطون الغلط كله على الحريم
ساس البله اهم الخدم ولا حريم الكويت كلهم سنع وخير وبركه

 

[شيخه الغيد]

رد: رد : الخدم ياحريم ( خدم البيت , الدوام وسكول, الشوارع ,المجمعات )

والله الصراحه انا اشوف الخدم ايبهم واشتري راحتي

وبنفس الوقت من عمرنا ما مر مره وعاملناهم مو زين نفس بعض الناس الله يهديهم

يعني العصر من ساعه 2 لين 5 محد يكلمهم ومن بعد الساعه 9 محد يناديهم

والحمد الله كل مارحت الجمعيه اشتريلهم من الي يحبه قلبهم جان بطاط فلفل جان ايس كريم او اي شي يحبونه

لي شريت لي من راعي السمبوسه شريت لهم

ولي طبخت اكله والا كيكه والا اي شي اسألهم اذا يبون

ولي بغوا يسافرون اوديهم السوق واعطيهم علشان يشترون الي يبون

فالحمدالله

انا اشوف العيب من الناس مو من الخدم

وبالاخير اهما بشر مثلناماشاءلله عليج صح كلامج العيب من الناس منوره

والي ما احبه الي يودون خدمهم السوق او مطعم

وتشوفين الخدامه طايره عينها والله حرام

يعني باليوم هذا استغنوا عنهم وانتوا جابلوا عيالكم

الا اذا بيطلعون اليهال بروح اوكي وبروحون مطعم فاست فوود اوكي

بس اذا الام بتسوق او عشا بمطعم مع زوجها وترز الخدامه والله حرام عليهم

اقتباس كلامج اوجه لاخت f&r نفس مابقول بالضبط جزاج الله الف خيرر

حبيبتي كلامج عن الرحمه اوكي صح
بس صراحه الخدم ماينعطون ويهه ولا خدامه تقعد الساعه 10 الصبح وتنام 12 ليش انشالله
علشان شفته مره تعبانه قلتلها لا تقعدين باجر مبجر خذتها الاخت عاده
ولا تحط راسها براسج تبي تشتري نفس هدومج ليش عيوني بديرتج كنتي تلبسين جذي
ولا قبل يومين انا رايحه الرايه بشتريلي جنطه وبوك بربريز تبي نفس بوكي ليش وليش وليش
هذا كله لان نعطيهم ويهه ونعاملهم بما يرضي الله
يعني خدامتي بس تضرب اوتي وتنظف المطبخ ومو عاجبهها كله من فوق لي فوق
حمامي انا انظفه وداري وملابس انا اغسل واشر وهدوم ريلي انا اضربهم اوتي وماخليها تمسك بناتي
بس صراحه الخدم لازم ماينعطون ويهه
طقيهم على راسهم يمشون عدل
لاتحطون الغلط كله على الحريم
ساس البله اهم الخدم ولا حريم الكويت كلهم سنع وخير وبركه

والنعم في بنات الكويت بس اقتباسي لاخت مس بوتمبه نفس كلام الي بقوله لج بالضبط
بالاخير وجهات نظر احترامها ​

 

[T R F]

رد : الخدم ياحريم ( خدم البيت , الدوام وسكول, الشوارع ,المجمعات )

هلا اختي الغاليه ... موضوعك رائع

فعلا .... الرحمه ثم الرحمه ثم الرحمه ... الخدم عادتن يجون من بيئه تختلف كليا .... عن بيئتنا ...
والخدم على صاحبه البيت وعلى البيئه الجديده اللي بتكون معاهم ... إذا تعاملت معها بالحسنى لقيت نفس تعاملك وكسبتيها ... والعكس

والتركيز اكثر على الناحيه الدينيه ... مو شرط تضغطين .. لأنه سبحان الله بيتغيرون 180 درجه ... ومن تجربه

وللأمانه ... انا اسلمت على يدي بوذيه ... من تعاملنا الحسن معها .... سبحان الله ساعات اتخيل نفسي ... مكانها وفي غربه ... وضعيفه ... اكيد بحتاج لمجتمع اشعر فيه بالراحه والأطمئنان ...

اما إذا صنف آخر ... جايين من بيئه كلها سحر ومشاكل ... احاول اصلح حالها ... بقد ماأقدر لأنها في كلا الأحوال في ذمتي ... وبكون مسئوله عنها امام الله ... إلا إذا يئست ... فديرتها اولى فيها

حاولو تكسبونهم بهدايا حتى لو شغلات صغيره ماتذكر ... واللي عندها اطفال ... تخلي الهديه بإسم الطفل ... علشان يحن قلبها عليه

وعسى الله يعطيكم من خير الخدم ... ويكفيكم شرهم

 

[عاشقه القيصر]

رد: رد : الخدم ياحريم ( خدم البيت , الدوام وسكول, الشوارع ,المجمعات )

جزاااااج الله الف خير اختي .

 

[هدولى]

والله كلامج وايد حلو مو كل الخدم مو زينين وفى حريم حتى فنجان القهوه تصبه الخدامه لها يعنى كراف مساكين يهدون عيالهم على شان لقمه العيش الله يرحم حالهم .

 

[الزين 85]

مشكوره ياقلبي عالموضوع

 

[monmon12]

والله موضوعج وااايد مهم

الحين البنات حتى من قبل لا تتزوج تحاتي خدامه توهم معاريس ويايبه خدامه لها

يعني مو قادره لا تشيلين نفسج ولا ريلج

ولاا هم اول ياهل تييبه بحضن الخدامه عيل ليش حملتي اوكي الخدامه وقت الي تمونين في الدوام اومشغوله بشي بس مو طووول الوقت

خو معاملة الخدم من قبل الناس حدذ ولا حرج

نسو الناس ان زمن العبيد انتهى وهذي تشتغل عندهم

ايهو موظف يتحلطم مديري كارفني وماكو اجازات ولا طبيات واذا اخلاوكم اشويه عن طلعة الدوام تافف

انزين وهذي الي تشتغل 24 ساعه يعني مالها حقوق حالها من حالكم؟؟

 

[monmon12]

حبيتي الي تقول الخدامه ما يصير تشتري ملركه؟؟
قوليلها اذا من فلوسج اشتري بس انا ما اشتريلج

بس ليش يعني ما تلبس ماركات اذا من فلوسها وتعبها

ليش الخدامه مو بشر؟؟

والا لا يكون في حديث يقول الخدم حرام عليهم اللبس الكشخه؟؟؟


ومنو يوقل انه الماركات حكر على طبقه معينه ما يصير يلبسونهم

حبيتي الي تقول الخدم ما يمشون بالطق اشرايج بعد احنا موظفين الحكومه والخاص أرباب أعمالنا ما يمشونا الا بالزف والصراخ والأهانات ترضينها ؟؟

قليله أدب مو زينه ساحره تطق اليهال
خلاص ما تشوف شر رديها المكتب او سفريها

بس مو طقونهم تبون تربونهم هذوللا مو عيالكم خلاص خلوهم يولون ويبو غيرهم

 

[أريام الكويت]

رد : الخدم ياحريم ( خدم البيت , الدوام وسكول, الشوارع ,المجمعات )

لازم خدامة احنا موظفات جان زين نقعد في البيت ويعطونا علي الاقل نص المعاش والله الكويتيات يقدرون بدون خدامة انا بالصيف عاقبت نفسي شهر بدون خدامة قدرت اشيل البيت بس الدوام صعب صعب ونص دوام دايما تطلع حرامية وبعدين شخباري 30 لا حبيبتي اقل خدامة علي 50 واسمحيلي بدون خدامة وفي دوام نهي نهي

 

[غير كل الناس]

الله يهنيك بعقلك الكبير

 

[bitter-sweetness]

رد : الخدم ياحريم ( خدم البيت , الدوام وسكول, الشوارع ,المجمعات )

المفروض الخدم يمسكون اليهال ليما الام ترد من الدوام بعدين الام تجابل عيالها
و الخدامه تنظف

 

[MoonDiamond]

والله انا اييب خدم عشان راحتي بس هم لازم اعاملهم زين واذا ما عجبتني ولا ارتحتلها اوديها واييب غيرها

لكن اساعدها بالبيت وبرا البيت
اهم شي تشيل عني لما احتاجها
وشغل البيت مقدور عليه

 

[أم حمودي**MALL**]

صراحه لا تعليق عالموضوع

 

[قطرة مطر83]

رد : الخدم ياحريم ( خدم البيت , الدوام وسكول, الشوارع ,المجمعات )

الصراحه ساعات تحتاجين حق الخدم " شر لابد منه " بحكم اشغالنا ...

آنا عن نفسي خدامتي تقوم الصبح الساعه 7 و نكون كلنا بالدوامات و حتى اليهال بالمدرسه و نرد كلنا ع ال 2 و تروح اهيا تنام او اي شي تسويه كيفها و بعدين ع الساعه 5 تشتغل مره ثانيه لي الساعه 8 حدها و اي شي تبيه اعطيها لأنه مو مقصره بشغلها و اني اشتري حقي و حقها اذا رحنا مكان و تلفون عندها و اعطيها بالشهر مره اجازه و ساعات تكون عندها ظروف بديرتهم تقولي ابي معاشين و اعطيها عادي . و الصراحه آنا اعرف لغتها لما تتصل على اهلها اعرف انه عندهم مشكله عشان جذي ما اجذبها للعلم اهي ما تدري اني اعرف لغتهم و الحمدلله وايد اسمعها تمدح بمكان شغلها . في بعضهم اعوذ بالله على اللي تسوينه فيهم ما يبين بعينهم بس الحمدلله على كل حال ، و حتى عيالي معودتهم اي شي يبونه اهم يخدمون نفسهم بنفسهم اهي بس حق الغسيل و التنظيف و الكواي . و يا ويله اذا سمعت واحد منهم يقولها يا خدامه . مهما كان لو مو ظروفها جان ما تغربت و اشتغلت المسكينه .