الخروع !

[Dana.Qtr]

بنات بس حبيت اعطيكم معلومه .. تو خالتي مربيه الحمدلله .. بس هالمره تعبت وايد وطولت وهي بالتاسع وتشرب دارسين وكف مريم ومافي فايده بس فتحت 3 سانتي وعقب نزل عليها ماي من الصبح وخافوا على البيبي قالوا بيعطونها طلق صناعي .. ولا وحده جنبها قالت لها عليج بزيت الخروع !


قالت لها حطي لج تقريبا 5 مل خروع بعصير وشربيه وبيزيد الطلق, خالتي بالبداية خافت بس شوي ولا جاتها ممرضة فلبينيه قالت لها بقولج شربي شوي خروع بس لاتقولين اني قلتلج .. وفعلا شربت الخروع الساعة 5 ونص وشد الطلق 6 ونص و7 ونص ربت الحمدلله ..

والله يهون عليكم :eh_s(22):

 

[اخت خالتهم]

ماشاءالله
و معروف الخروع بس بوقت الطلق يعني لما الوحده مفتوحه مو كلش ماكو شي

 

[يجازيك بحبك]

يعطيج العافيه
ورفع للفايده...

 

[Dana.Qtr]

لا خالتي كانت فاتحه 3 سانتي ونص وهي ام عيال بعد .. بس نزل الماي من الصبح وتمت بدون الام طلق فبعد ماشربت خروع زاد الطلق وفتحت ازيد

 

[Perfume]

مشكوورة حبيبتي
بس ليش الممرضة قالت لها لا تعلمين احد !
انا دكتورتي قالت لي اشرب خروع
بس ما طبقت

 

[Dana.Qtr]

لان عندنا بالمستشفى مايعترفون بالطب الشعبي ابدا

 

[Mrs.H]

مشكوورة حبيبتي
بس ليش الممرضة قالت لها لا تعلمين احد !
انا دكتورتي قالت لي اشرب خروع
بس ما طبقت

يمكن لانهم ناوين يولدونها قيصرية >> يسوونها :krkrkr:

يمدحونه بس نصيحة للي مافيها ولادة لاتشربه

 

[bto0olah]

اخاف منه وايد

 

[Dana.Qtr]

اذا ماكان مفتوح الرحم ومانزل ماي لاتشربونه هههههه اما لو كان فيه بوادر ولاده اوكي لان يسرع الطلق

 

[the note book]

اما بحملي الي طاف شربت قرشه كامله
و تعبني حيل و فتحني ٢ سانتي بس ماياني طلق
كنت ماخذته بالاسبوع ال ٣٧ يمكن وًمن كيفي بدون استشاره حدي بايعتها

بس هالمره ماخذيت شي لين فحصتني دكتورتي و سالتها
اقدر اخذ خروع ولا لا
قالت اي اخذيه بس مو الحين
لان الحين رحمج مو متهيأ للولاده ومو فاتح كلش فجذي راح تتعبين و تييج الام بدون طلق
قالت صبري لين الاسبوع الياي بعدين اخذيه
وناطره الحين موعدي الاحد بشوف تفحصني اذا فاتحه و عطتني امل اولد راح اشربه ان شاءالله

و الحين صارلي ٣ ايام بس اشرب حلبه
باستشارتها
قالتلي ما منها خوف بس ماقالت انها راح تنفعني
بس انا سامعه من وايد انها تطري الرحم و تسهل الولاده لكن ماتييب طلق

 

[Dana.Qtr]

تسلمين ع التوضيح the note book ♡
الله يهون عليج حبيبتي

 

[M!SS.LOBY]

يمدحون الدراسين بصرااااحة عن تجربة


وبالنسبة للخروع محد يمدحه واول مره اسمع عنه

 

[أمـ مبارك]

شربته ومافادني لوووول


والخروع ترى ينظف البطن بعد


ولازم خروع من الصيدليه ترى فيه فرق عن مال الحواج